[764] Rūpāvacaraṁ dhammaṁ saṁsaṭṭho rūpāvacaro dhammo uppajjati
hetupaccayā: rūpāvacaraṁ ekaṁ khandhaṁ saṁsaṭṭhā tayo khandhā dve
khandhe ... Paṭisandhi. Narūpāvacaraṁ dhammaṁ saṁsaṭṭho narūpāvacaro
dhammo uppajjati hetupaccayā: narūpāvacaraṁ ekaṁ khandhaṁ saṁsaṭṭhā
Tayo khandhā dve khandhe ... Paṭisandhi.

[765] Hetuyā dve ārammaṇe dve sabbattha dve
avigate dve.

[766] Narūpāvacaraṁ dhammaṁ saṁsaṭṭho narūpāvacaro dhammo
uppajjati nahetupaccayā:.

[767] Nahetuyā ekaṁ nādhipatiyā dve napurejāte dve
napacchājāte dve nāasevane dve nakamme dve navipāke
dve najhāne ekaṁ namagge ekaṁ navippayutte ekaṁ.
Itare dve gaṇanāpi sampayuttavāropi kātabbā.
Pañhāvāro

[768] Rūpāvacaro dhammo rūpāvacarassa dhammassa hetupaccayena
paccayo: rūpāvacarā hetū sampayuttakānaṁ khandhānaṁ hetupaccayena
paccayo paṭisandhi. Mūlaṁ rūpāvacarā hetū cittasamuṭṭhānānaṁ
rūpānaṁ hetupaccayena paccayo paṭisandhi. Mūlaṁ rūpāvacarā hetū
sampayuttakānaṁ khandhānaṁ cittasamuṭṭhānānañca rūpānaṁ hetupaccayena
paccayo paṭisandhi. Narūpāvacaro dhammo narūpāvacarassa dhammassa
hetupaccayena paccayo: narūpāvacarā hetū sampayuttakānaṁ khandhānaṁ
cittasamuṭṭhānānañca rūpānaṁ hetupaccayena paccayo paṭisandhi.

[769] Rūpāvacaro dhammo rūpāvacarassa dhammassa ārammaṇapaccayena
paccayo: cetopariyañāṇena rūpāvacaracittasamaṅgissa cittaṁ
Jānāti rūpāvacarā khandhā iddhividhañāṇassa cetopariyañāṇassa
pubbenivāsānussatiñāṇassa yathākammupagañāṇassa anāgataṁsañāṇassa
ārammaṇapaccayena paccayo. Rūpāvacaro dhammo narūpāvacarassa
dhammassa ārammaṇapaccayena paccayo: paṭhamaṁ jhānaṁ paccavekkhati
catutthaṁ jhānaṁ paccavekkhati dibbaṁ cakkhuṁ paccavekkhati dibbaṁ
sotadhātuṁ ... Iddhividhañāṇaṁ cetopariyañāṇaṁ pubbenivāsānussatiñāṇaṁ
yathākammupagañāṇaṁ ... Anāgataṁsañāṇaṁ paccavekkhati rūpāvacare khandhe
aniccato .pe. Domanassaṁ uppajjati. Narūpāvacaro dhammo
narūpāvacarassa dhammassa ārammaṇapaccayena paccayo: dānaṁ datvā
sīlaṁ ... Uposathakammaṁ ... Pubbe suciṇṇāni paccavekkhati assādeti
abhinandati taṁ ārabbha rāgo .pe. Domanassaṁ uppajjati ariyā
maggā vuṭṭhahitvā maggaṁ paccavekkhanti phalaṁ paccavekkhanti nibbānaṁ
paccavekkhanti nibbānaṁ gotrabhussa vodānassa maggassa phalassa
āvajjanāya ārammaṇapaccayena paccayo ariyā pahīne kilese ...
Vikkhambhite kilese ... Pubbe .pe. Cakkhuṁ ... Vatthuṁ ... Narūpāvacare
khandhe aniccato .pe. Domanassaṁ uppajjati ākāsānañcāyatanaṁ
viññāṇañcāyatanassa ākiñcaññāyatanaṁ nevasaññānāsaññāyatanassa
rūpāyatanaṁ cakkhuviññāṇassa phoṭṭhabbāyatanaṁ .... Narūpāvaro dhammo
rūpāvacarassa dhammassa ārammaṇapaccayena paccayo: dibbena cakkhunā
rūpaṁ passati dibbāya sotadhātuyā saddaṁ suṇāti cetopariyañāṇena
Narūpāvacaracittasamaṅgissa cittaṁ jānāti narūpāvacarā khandhā
iddhividhañāṇassa cetopariyañāṇassa pubbenivāsānussatiñāṇassa
yathākammupagañāṇassa anāgataṁsañāṇassa ārammaṇapaccayena paccayo.

[770] Rūpāvacaro dhammo rūpāvacarassa dhammassa adhipatipaccayena
paccayo: sahajātādhipati: rūpāvacarā adhipati sampayuttakānaṁ khandhānaṁ
adhipatipaccayena paccayo. Rūpāvacaro dhammo narūpāvacarassa dhammassa
adhipatipaccayena paccayo: ārammaṇādhipati sahajātādhipati. Ārammaṇādhipati:
paṭhamaṁ jhānaṁ garuṁ katvā paccavekkhati assādeti abhinandati
taṁ garuṁ katvā rāgo uppajjati diṭṭhi ... .pe. Catutthaṁ jhānaṁ ... Dibbaṁ
cakkhuṁ dibbaṁ sotadhātuṁ iddhividhañāṇaṁ cetopariyañāṇaṁ pubbenivāsānussatiñāṇaṁ
yathākammupagañāṇaṁ ... Anāgataṁsañāṇaṁ garuṁ katvā paccavekkhati
assādeti taṁ garuṁ katvā rāgo uppajjati diṭṭhi ... Rūpāvacare
khandhe garuṁ katvā assādeti abhinandati taṁ garuṁ katvā rāgo
uppajjati diṭṭhi .... Sahajātādhipati: rūpāvacarā adhipati
cittasamuṭṭhānānaṁ rūpānaṁ adhipatipaccayena paccayo. Rūpāvacaro dhammo
rūpāvacarassa ca narūpāvacarassa ca dhammassa adhipatipaccayena paccayo:
sahajātādhipati: rūpāvacarā adhipati sampayuttakānaṁ khandhānaṁ
cittasamuṭṭhānānañca rūpānaṁ adhipatipaccayena paccayo. Narūpāvacaro
dhammo narūpāvacarassa dhammassa adhipatipaccayena paccayo: ārammaṇādhipati
sahajātādhipati. Ārammaṇādhipati: dānaṁ ... Sīlaṁ ... Uposathakammaṁ ...
Pubbe suciṇṇāni garuṁ katvā paccavekkhati assādeti
abhinandati taṁ garuṁ katvā rāgo uppajjati diṭṭhi ... Ariyā
maggā vuṭṭhahitvā maggaṁ garuṁ katvā ... Phalaṁ ... Nibbānaṁ garuṁ ...
Nibbānaṁ gotrabhussa vodānassa maggassa phalassa adhipatipaccayena
paccayo cakkhuṁ ... Vatthuṁ ... Narūpāvacare khandhe garuṁ katvā assādeti
abhinandati taṁ garuṁ katvā rāgo uppajjati diṭṭhi ...
Ākāsānañcāyatanaṁ garuṁ katvā paccavekkhati nevasaññānāsaññāyatanaṁ
garuṁ katvā paccavekkhati. Sahajātādhipati: narūpāvacarā adhipati
sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo.

[771] Rūpāvacaro dhammo rūpāvacarassa dhammassa anantarapaccayena
paccayo: purimā purimā rūpāvacarā khandhā pacchimānaṁ pacchimānaṁ
rūpāvacarānaṁ khandhānaṁ anantarapaccayena paccayo. Rūpāvacaro dhammo
narūpāvacarassa dhammassa anantarapaccayena paccayo: rūpāvacaraṁ cuticittaṁ
narūpāvacarassa upapatticittassa anantarapaccayena paccayo rūpāvacaraṁ
bhavaṅgaṁ āvajjanāya rūpāvacarā khandhā narūpāvacarassa vuṭṭhānassa
anantarapaccayena paccayo. Narūpāvacaro dhammo narūpāvacarassa dhammassa
anantarapaccayena paccayo: purimā purimā narūpāvacarā khandhā
pacchimānaṁ pacchimānaṁ narūpāvacarānaṁ khandhānaṁ anantarapaccayena paccayo
anulomaṁ gotrabhussa .pe. Nevasaññānāsaññāyatanaṁ phalasamāpattiyā
Anantarapaccayena paccayo. Narūpāvacaro dhammo rūpāvacarassa dhammassa
anantarapaccayena paccayo: narūpāvacaraṁ cuticittaṁ rūpāvacarassa
upapatticittassa anantarapaccayena paccayo narūpāvacarā khandhā
rūpāvacarassa vuṭṭhānassa anantarapaccayena paccayo paṭhamassa
jhānassa parikammaṁ paṭhamassa jhānassa anantarapaccayena paccayo
catutthassa jhānassa ... Dibbassa cakkhussa dibbāya sotadhātuyā
iddhividhañāṇassa cetopariyañāṇassa pubbenivāsānussatiñāṇassa
yathākammupagañāṇassa ... Anāgataṁsañāṇassa parikammaṁ anāgataṁsañāṇassa
anantarapaccayena paccayo. ... Samanantarapaccayena paccayo:
sahajātapaccayena paccayo: satta aññamaññapaccayena paccayo: cha
nissayapaccayena paccayo: satta.

[772] Rūpāvacaro dhammo rūpāvacarassa dhammassa upanissayapaccayena
paccayo: anantarūpanissayo pakatūpanissayo .pe.
Pakatūpanissayo: rūpāvacaraṁ saddhaṁ upanissāya rūpāvacaraṁ jhānaṁ uppādeti
abhiññaṁ ... Samāpattiṁ uppādeti rūpāvacaraṁ sīlaṁ .pe. Paññaṁ
upanissāya rūpāvacaraṁ jhānaṁ ... Abhiññaṁ ... Samāpattiṁ uppādeti
rūpāvacarā saddhā .pe. Paññā rūpāvacarāya saddhāya .pe.
Paññāya upanissayapaccayena paccayo paṭhamaṁ jhānaṁ dutiyassa
jhānassa upanissayapaccayena paccayo dutiyaṁ jhānaṁ tatiyassa jhānassa
tatiyaṁ jhānaṁ catutthassa jhānassa upanissayapaccayena paccayo.
Rūpāvacaro dhammo narūpāvacarassa dhammassa upanissayapaccayena paccayo:
ārammaṇūpanissayo anantarūpanissayo pakatūpanissayo .pe. Pakatūpanissayo:
rūpāvacaraṁ saddhaṁ upanissāya dānaṁ deti sīlaṁ ... Uposathakammaṁ
rūpāvacaraṁ jhānaṁ vipassanaṁ maggaṁ abhiññaṁ ... Samāpattiṁ uppādeti
mānaṁ jappeti diṭṭhiṁ gaṇhāti rūpāvacaraṁ sīlaṁ .pe. Paññaṁ
upanissāya dānaṁ deti .pe. Mānaṁ jappeti diṭṭhiṁ gaṇhāti rūpāvacarā
saddhā .pe. Paññā narūpāvacarāya saddhāya .pe. Paññāya rāgassa
patthanāya kāyikassa sukhassa kāyikassa dukkhassa maggassa
phalasamāpattiyā upanissayapaccayena paccayo. Narūpāvacaro dhammo
narūpāvacarassa dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo: narūpāvacaraṁ
saddhaṁ upanissāya dānaṁ ... Sīlaṁ uposathakammaṁ narūpāvacaraṁ jhānaṁ
vipassanaṁ maggaṁ abhiññaṁ ... Samāpattiṁ uppādeti mānaṁ jappeti
diṭṭhiṁ gaṇhāti narūpāvacaraṁ sīlaṁ .pe. Paññaṁ upanissāya dānaṁ
.pe. Mānaṁ jappeti diṭṭhiṁ gaṇhāti narūpāvacarā saddhā .pe.
Paññā narūpāvacarāya paññāya rāgassa patthanāya kāyikassa
sukhassa kāyikassa dukkhassa maggassa phalasamāpattiyā upanissayapaccayena
paccayo. Narūpāvacaro dhammo rūpāvacarassa dhammassa
upanissayapaccayena paccayo: anantarūpanissayo pakatūpanissayo .pe.
Pakatūpanissayo: narūpāvacaraṁ saddhaṁ upanissāya rūpāvacaraṁ jhānaṁ ...
Abhiññaṁ ... Samāpattiṁ uppādeti narūpāvacaraṁ sīlaṁ .pe. Senāsanaṁ
upanissāya rūpāvacaraṁ jhānaṁ ... Abhiññaṁ ... Samāpattiṁ uppādeti
narūpāvacarā saddhā .pe. Senāsanaṁ rūpāvacarāya saddhāya .pe.
Paññāya upanissayapaccayena paccayo paṭhamassa jhānassa parikammaṁ
paṭhamassa jhānassa upanissayapaccayena paccayo .pe. Catutthassa
jhānassa ... Dibbassa cakkhussa parikammaṁ dibbāya sotadhātuyā
iddhividhañāṇassa cetopariyañāṇassa pubbenivāsānussatiñāṇassa
yathākammupagañāṇassa ... Anāgataṁsañāṇassa parikammaṁ anāgataṁsañāṇassa
upanissayapaccayena paccayo.

[773] Narūpāvacaro dhammo narūpāvacarassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Vatthuṁ aniccato .pe. Domanassaṁ uppajjati
rūpāyatanaṁ cakkhuviññāṇassa phoṭṭhabbāyatanaṁ .... Vatthupurejātaṁ:
cakkhāyatanaṁ cakkhuviññāṇassa kāyāyatanaṁ ... Vatthu narūpāvacarānaṁ
khandhānaṁ purejātapaccayena paccayo. Narūpāvacaro dhammo rūpāvacarassa
dhammassa purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: dibbena cakkhunā rūpaṁ passati dibbāya
sotadhātuyā saddaṁ suṇāti. Vatthupurejātaṁ: vatthu rūpāvacarānaṁ
khandhānaṁ purejātapaccayena paccayo. ... Pacchājātapaccayena paccayo:
dve āsevanapaccayena paccayo: tīṇi.