[614] Dassanenapahātabbahetukaṁ dhammaṁ saṁsaṭṭho dassanenapahātabbahetuko
dhammo uppajjati hetupaccayā: dassanenapahātabbahetukaṁ
ekaṁ khandhaṁ saṁsaṭṭhā tayo khandhā dve khandhe ....
Nadassanenapahātabbahetukaṁ dhammaṁ saṁsaṭṭho nadassanenapahātabbahetuko dhammo
uppajjati hetupaccayā: nadassanenapahātabbahetukaṁ ekaṁ khandhaṁ
Saṁsaṭṭhā tayo khandhā dve khandhe ... Paṭisandhikkhaṇe .pe.
Nadassanenapahātabbahetukaṁ dhammaṁ saṁsaṭṭho dassanenapahātabbahetuko
dhammo uppajjati hetupaccayā: vicikicchāsahagataṁ mohaṁ saṁsaṭṭhā
sampayuttakā khandhā. Dassanenapahātabbahetukañca nadassanenapahātabbahetukañca
dhammaṁ saṁsaṭṭho dassanenapahātabbahetuko dhammo
uppajjati hetupaccayā: vicikicchāsahagataṁ ekaṁ khandhañca mohañca
saṁsaṭṭhā tayo khandhā dve khandhe ....

[615] Dassanenapahātabbahetukaṁ dhammaṁ saṁsaṭṭho dassanenapahātabbahetuko
dhammo uppajjati ārammaṇapaccayā: tīṇi paṭiccasadisā.
Nadassanenapahātabbahetukaṁ dhammaṁ saṁsaṭṭho nadassanenapahātabbahetuko
dhammo uppajjati ārammaṇapaccayā: nadassanenapahātabbahetukaṁ
ekaṁ khandhaṁ saṁsaṭṭhā tayo khandhā dve khandhe ....
Nadassanenapahātabbahetukaṁ dhammaṁ saṁsaṭṭho dassanenapahātabbahetuko dhammo
uppajjati ārammaṇapaccayā: paṭiccasadisaṁ. Dassanenapahātabbahetukañca
nadassanenapahātabbahetukañca dhammaṁ saṁsaṭṭho dassanenapahātabbahetuko
dhammo uppajjati ārammaṇapaccayā: paṭiccasadisaṁ.
Saṅkhittaṁ.

[616] Hetuyā cattāri ārammaṇe cha adhipatiyā dve
anantare cha sabbattha cha vipāke ekaṁ avigate cha.

[617] Dassanenapahātabbahetukaṁ dhammaṁ saṁsaṭṭho
Nadassanenapahātabbahetuko dhammo uppajjati nahetupaccayā: vicikicchāsahagate
khandhe saṁsaṭṭho vicikicchāsahagato moho. Nadassanenapahātabbahetukaṁ
dhammaṁ saṁsaṭṭho nadassanenapahātabbahetuko dhammo uppajjati
nahetupaccayā: ahetukaṁ nadassanenapahātabbahetukaṁ ekaṁ khandhaṁ saṁsaṭṭhā
tayo khandhā dve khandhe ... Ahetukapaṭisandhikkhaṇe uddhaccasahagate
khandhe saṁsaṭṭho uddhaccasahagato moho.

[618] Nahetuyā dve nādhipatiyā cha napurejāte cha napacchājāte
cha nāasevane cha nakamme cattāri navipāke cha najhāne
ekaṁ namagge ekaṁ navippayutte cha.

[619] Hetupaccayā nādhipatiyā cattāri ... Napurejāte cattāri
.pe. Navippayutte cattāri.

[620] Nahetupaccayā ārammaṇe dve ... Anantare dve vipāke
ekaṁ avigate dve.
Sampayuttavāro saṁsaṭṭhavārasadiso.
Pañhāvāro

[621] Dassanenapahātabbahetuko dhammo dassanenapahātabbahetukassa
dhammassa hetupaccayena paccayo: dassanenapahātabbahetukā
hetū sampayuttakānaṁ khandhānaṁ hetupaccayena paccayo. Mūlaṁ
dassanenapahātabbahetukā hetū cittasamuṭṭhānānaṁ rūpānaṁ hetupaccayena
paccayo. Mūlaṁ dassanenapahātabbahetukā hetū sampayuttakānaṁ
Khandhānaṁ cittasamuṭṭhānānañca rūpānaṁ hetupaccayena paccayo.
Nadassanenapahātabbahetuko dhammo nadassanenapahātabbahetukassa
dhammassa hetupaccayena paccayo: nadassanenapahātabbahetukā hetū
sampayuttakānaṁ khandhānaṁ cittasamuṭṭhānānañca rūpānaṁ hetupaccayena
paccayo vicikicchāsahagato moho cittasamuṭṭhānānaṁ rūpānaṁ hetupaccayena
paccayo paṭisandhikkhaṇe .pe. Mūlaṁ vicikicchāsahagato moho
sampayuttakānaṁ khandhānaṁ hetupaccayena paccayo. Mūlaṁ vicikicchāsahagato
moho sampayuttakānaṁ khandhānaṁ cittasamuṭṭhānānañca rūpānaṁ
hetupaccayena paccayo.

[622] Dassanenapahātabbahetuko dhammo dassanenapahātabbahetukassa
dhammassa ārammaṇapaccayena paccayo: dassanenapahātabbahetuke
khandhe ārabbha dassanenapahātabbahetukā khandhā uppajjanti.
Mūlaṁ dassanenapahātabbahetuke khandhe ārabbha nadassanenapahātabbahetukā
khandhā ca moho ca uppajjanti. Mūlaṁ dassanenapahātabbahetuke
khandhe ārabbha vicikicchāsahagatā khandhā ca moho ca
uppajjanti. Nadassanenapahātabbahetuko dhammo nadassanenapahātabbahetukassa
dhammassa ārammaṇapaccayena paccayo: dānaṁ ...
Sīlaṁ ... Uposathakammaṁ katvā taṁ paccavekkhati assādeti abhinandati
taṁ ārabbha nadassanenapahātabbahetuko rāgo uppajjati uddhaccaṁ ...
Nadassanenapahātabbahetukaṁ domanassaṁ uppajjati pubbe
Suciṇṇāni ... Jhānā vuṭṭhahitvā .pe. Ariyā maggā vuṭṭhahitvā
maggaṁ paccavekkhanti .pe. Āvajjanāya ārammaṇapaccayena paccayo
ariyā nadassanenapahātabbahetuke pahīne kilese paccavekkhanti
vikkhambhite kilese ... Pubbe samudāciṇṇe kilese jānanti cakkhuṁ ...
Vatthuṁ ... Nadassanenapahātabbahetuke khandhe ca mohañca aniccato ...
Vipassanti assādenti abhinandanti taṁ ārabbha nadassanenapahātabbahetuko
rāgo uppajjati uddhaccaṁ ... Nadassanenapahātabbahetukaṁ
domanassaṁ uppajjati dibbena cakkhunā rūpaṁ .pe. Anāgataṁsañāṇassa
āvajjanāya mohassa ca ārammaṇapaccayena paccayo.
Nadassanenapahātabbahetuko dhammo dassanenapahātabbahetukassa dhammassa
ārammaṇapaccayena paccayo: dānaṁ .pe. Jhānaṁ ... Cakkhuṁ ... Vatthuṁ ...
Nadassanenapahātabbahetuke khandhe ca mohañca assādeti abhinandati
taṁ ārabbha dassanenapahātabbahetuko rāgo uppajjati diṭṭhi ...
Vicikicchā ... Dassanenapahātabbahetukaṁ domanassaṁ uppajjati.
Nadassanenapahātabbahetuko dhammo dassanenapahātabbahetukassa ca
nadassanenapahātabbahetukassa ca dhammassa ārammaṇapaccayena paccayo:
cakkhuṁ ... Vatthuṁ ... Nadassanenapahātabbahetuke khandhe ca mohañca
ārabbha vicikicchāsahagatā khandhā ca moho ca uppajjanti.
Dassanenapahātabbahetuko ca nadassanenapahātabbahetuko ca dhammā
dassanenapahātabbahetukassa dhammassa ārammaṇapaccayena paccayo:
Vicikicchāsahagate khandhe ca mohañca ārabbha dassanenapahātabbahetukā
khandhā uppajjanti. Mūlaṁ vicikicchāsahagate khandhe ca mohañca
ārabbha nadassanenapahātabbahetukā khandhā ca moho ca uppajjanti.
Mūlaṁ vicikicchāsahagate khandhe ca mohañca ārabbha vicikicchāsahagatā
khandhā ca moho ca uppajjanti.

[623] Dassanenapahātabbahetuko dhammo dassanenapahātabbahetukassa
dhammassa adhipatipaccayena paccayo: ārammaṇādhipati sahajātādhipati.
Ārammaṇādhipati: dassanenapahātabbahetuke khandhe garuṁ katvā
dassanenapahātabbahetukā khandhā uppajjanti. Sahajātādhipati:
dassanenapahātabbahetukā adhipati sampayuttakānaṁ khandhānaṁ adhipatipaccayena
paccayo. Dassanenapahātabbahetuko dhammo nadassanenapahātabbahetukassa
dhammassa adhipatipaccayena paccayo: sahajātādhipati:
dassanenapahātabbahetukā adhipati cittasamuṭṭhānānaṁ rūpānaṁ
adhipatipaccayena paccayo. Dassanenapahātabbahetuko dhammo
dassanenapahātabbahetukassa ca nadassanenapahātabbahetukassa ca dhammassa
adhipatipaccayena paccayo: sahajātādhipati: dassanenapahātabbahetukā
adhipati sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo. Nadassanenapahātabbahetuko dhammo nadassanenapahātabbahetukassa
dhammassa adhipatipaccayena paccayo: ārammaṇādhipati
sahajātādhipati. Ārammaṇādhipati: dānaṁ ... Sīlaṁ ... Uposathakammaṁ
Katvā taṁ garuṁ katvā paccavekkhati assādeti abhinandati taṁ garuṁ
katvā nadassanenapahātabbahetuko rāgo uppajjati .pe. Pubbe
suciṇṇāni ... Jhānā ... Ariyā maggā vuṭṭhahitvā maggaṁ garuṁ
katvā .pe. Phalassa adhipatipaccayena paccayo cakkhuṁ ... Vatthuṁ ...
Nadassanenapahātabbahetuke khandhe garuṁ katvā assādeti abhinandati
taṁ garuṁ katvā nadassanenapahātabbahetuko rāgo uppajjati. Sahajātādhipati:
nadassanenapahātabbahetukā adhipati sampayuttakānaṁ khandhānaṁ
cittasamuṭṭhānānañca rūpānaṁ adhipatipaccayena paccayo.
Nadassanenapahātabbahetuko dhammo dassanenapahātabbahetukassa dhammassa
adhipatipaccayena paccayo: ārammaṇādhipati: dānaṁ ... Sīlaṁ ... Uposathakammaṁ
katvā .pe. Jhānā ... Cakkhuṁ ... Vatthuṁ ... Nadassanenapahātabbahetuke
khandhe garuṁ katvā assādeti abhinandati taṁ garuṁ katvā
dassanenapahātabbahetuko rāgo uppajjati diṭṭhi ....