[484] Kilesaṁ dhammaṁ paṭicca nokileso dhammo uppajjati
nakammapaccayā: kilese paṭicca sampayuttakā cetanā. Nokilesaṁ
dhammaṁ paṭicca nokileso dhammo uppajjati nakammapaccayā: nokilese
khandhe paṭicca sampayuttakā cetanā bāhiraṁ ... Āhārasamuṭṭhānaṁ ...
Utusamuṭṭhānaṁ ... .pe. Kilesañca nokilesañca dhammaṁ paṭicca nokileso
dhammo uppajjati nakammapaccayā: kilese ca sampayuttake ca khandhe
paṭicca sampayuttakā cetanā. Evaṁ sabbe paccayā kātabbā.

[485] Nahetuyā cattāri nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi
naupanissaye tīṇi napurejāte nava napacchājāte nava nāasevane
nava nakamme tīṇi navipāke nava nāahāre ekaṁ naindriye
ekaṁ najhāne ekaṁ namagge ekaṁ nasampayutte tīṇi
navippayutte nava nonatthiyā tīṇi novigate tīṇi.
Evaṁ itare dve gaṇanāpi sahajātavāropi kātabbā.
Paccayavāro

[486] Kilesaṁ dhammaṁ paccayā kileso dhammo uppajjati hetupaccayā:
tīṇi paṭiccasadisā. Nokilesaṁ dhammaṁ paccayā nokileso
dhammo uppajjati hetupaccayā: nokilesaṁ ekaṁ khandhaṁ paccayā tayo
khandhā yāva ajjhattikā mahābhūtā vatthuṁ paccayā nokilesā
khandhā. Nokilesaṁ dhammaṁ paccayā kileso dhammo uppajjati
Hetupaccayā: nokilese khandhe paccayā kilesā vatthuṁ paccayā
kilesā. Nokilesaṁ dhammaṁ paccayā kileso ca nokileso ca
dhammā uppajjanti hetupaccayā: nokilesaṁ ekaṁ khandhaṁ paccayā
tayo khandhā kilesā ca cittasamuṭṭhānañca rūpaṁ dve khandhe ...
Vatthuṁ paccayā kilesā mahābhūte paccayā cittasamuṭṭhānaṁ rūpaṁ
vatthuṁ paccayā kilesā ca sampayuttakā ca khandhā. Kilesañca
nokilesañca dhammaṁ paccayā kileso dhammo uppajjati hetupaccayā:
lobhañca sampayuttake ca khandhe paccayā moho diṭṭhi thīnaṁ uddhaccaṁ
ahirikaṁ anottappaṁ. Cakkaṁ. Lobhañca vatthuñca paccayā kilesā.
Kilesañca nokilesañca dhammaṁ paccayā nokileso dhammo uppajjati
hetupaccayā: nokilesaṁ ekaṁ khandhañca kilesañca paccayā tayo
khandhā cittasamuṭṭhānañca rūpaṁ dve khandhe ... Kilese ca mahābhūte ca
paccayā cittasamuṭṭhānaṁ rūpaṁ kilese ca vatthuñca paccayā nokilesā
khandhā. Kilesañca nokilesañca dhammaṁ paccayā kileso ca nokileso ca
dhammā uppajjanti hetupaccayā: nokilesaṁ ekaṁ khandhañca lobhañca
paccayā tayo khandhā moho diṭṭhi thīnaṁ uddhaccaṁ ahirikaṁ anottappaṁ
cittasamuṭṭhānañca rūpaṁ dve khandhe .... Cakkaṁ. Lobhañca vatthuñca
paccayā moho diṭṭhi thīnaṁ uddhaccaṁ ahirikaṁ anottappaṁ
sampayuttakā ca khandhā. Cakkaṁ.
Ārammaṇapaccaye nokilesamūle pañca viññāṇā kātabbā.

[487] Hetuyā nava ārammaṇe nava adhipatiyā nava sabbattha
nava vipāke ekaṁ avigate nava.

[488] Kilesaṁ dhammaṁ paccayā kileso dhammo uppajjati
nahetupaccayā: vicikicchaṁ paccayā vicikicchāsahagato moho uddhaccaṁ
paccayā uddhaccasahagato moho. Nokilesaṁ dhammaṁ paccayā nokileso
dhammo uppajjati nahetupaccayā: yāva asaññasattā cakkhāyatanaṁ
paccayā cakkhuviññāṇaṁ kāyāyatanaṁ ... Vatthuṁ paccayā ahetukā
nokilesā khandhā. Nokilesaṁ dhammaṁ paccayā kileso dhammo
uppajjati nahetupaccayā: vicikicchāsahagate uddhaccasahagate khandhe ca
vatthuñca paccayā vicikicchāsahagato uddhaccasahagato moho. Kilesañca
nokilesañca dhammaṁ paccayā kileso dhammo uppajjati nahetupaccayā:
vicikicchañca sampayuttake ca khandhe vatthuñca paccayā vicikicchāsahagato
moho uddhaccañca sampayuttake ca khandhe vatthuñca
paccayā uddhaccasahagato moho. Saṅkhittaṁ.

[489] Nahetuyā cattāri nāarammaṇe tīṇi nādhipatiyā
nava .pe. Nakamme tīṇi navipāke nava nāahāre ekaṁ
novigate tīṇi.
Evaṁ itare dve gaṇanāpi nissayavāropi kātabbā.
Saṁsaṭṭhavāro

[490] Kilesaṁ dhammaṁ saṁsaṭṭho kileso dhammo uppajjati
Hetupaccayā: lobhaṁ saṁsaṭṭho moho diṭṭhi thīnaṁ uddhaccaṁ ahirikaṁ
anottappaṁ. Cakkaṁ. Evaṁ nava pañhā kātabbā.

[491] Hetuyā nava ārammaṇe nava sabbattha nava vipāke
ekaṁ avigate nava.

[492] Kilesaṁ dhammaṁ saṁsaṭṭho kileso dhammo uppajjati
nahetupaccayā: evaṁ nahetupañhā cattāri kātabbā.

[493] Nahetuyā cattāri nādhipatiyā nava napurejāte nava
napacchājāte nava nāasevane nava nakamme tīṇi navipāke nava
najhāne ekaṁ namagge ekaṁ navippayutte nava.
Evaṁ itare dve gaṇanāpi sampayuttavāropi kātabbā.
Pañhāvāro