[164] Cittasamuṭṭhānaṁ dhammaṁ paccayā cittasamuṭṭhāno dhammo
uppajjati nahetupaccayā: sabbe navapi pañhā kātabbā
paṭiccavārasadisā pañcaviññāṇampi kātabbaṁ tīṇiyeva moho.

[165] Nahetuyā nava nāarammaṇe cha nādhipatiyā nava
nānantare cha nasamanantare cha nāññamaññe cha naupanissaye
cha napurejāte nava napacchājāte nava nāasevane nava nakamme
Cattāri navipāke nava nāahāre ekaṁ naindriye ekaṁ
najhāne nava namagge nava nasampayutte cha navippayutte cha
nonatthiyā cha novigate cha.
Evaṁ itare dve gaṇanāpi nissayavāropi kātabbā.
Saṁsaṭṭhavāro

[166] Cittasamuṭṭhānaṁ dhammaṁ saṁsaṭṭho cittasamuṭṭhāno dhammo
uppajjati hetupaccayā: cittasamuṭṭhānaṁ ekaṁ khandhaṁ saṁsaṭṭhā dve
khandhā dve khandhe ... Paṭisandhi. Cittasamuṭṭhānaṁ dhammaṁ saṁsaṭṭho
nocittasamuṭṭhāno dhammo uppajjati hetupaccayā: cittasamuṭṭhāne
khandhe saṁsaṭṭhaṁ cittaṁ paṭisandhi. Cittasamuṭṭhānaṁ dhammaṁ saṁsaṭṭho
cittasamuṭṭhāno ca nocittasamuṭṭhāno ca dhammā uppajjanti
hetupaccayā: cittasamuṭṭhānaṁ ekaṁ khandhaṁ saṁsaṭṭhā dve khandhā
cittañca dve khandhe ... Paṭisandhi. Nocittasamuṭṭhānaṁ dhammaṁ saṁsaṭṭho
cittasamuṭṭhāno dhammo uppajjati hetupaccayā: cittaṁ saṁsaṭṭhā
sampayuttakā khandhā paṭisandhi. Cittasamuṭṭhānañca nocittasamuṭṭhānañca
dhammaṁ saṁsaṭṭho cittasamuṭṭhāno dhammo uppajjati
hetupaccayā: cittasamuṭṭhānaṁ ekaṁ khandhañca cittañca saṁsaṭṭhā dve
khandhā dve khandhe ... Paṭisandhi saṅkhittaṁ.

[167] Hetuyā pañca ārammaṇe pañca sabbattha pañca
avigate pañca.

[168] Cittasamuṭṭhānaṁ dhammaṁ saṁsaṭṭho cittasamuṭṭhāno dhammo
uppajjati nahetupaccayā: pañca pañhā kātabbā tīṇi moho.

[169] Nahetuyā pañca nādhipatiyā pañca napurejāte pañca
napacchājāte pañca nāasevane pañca nakamme tīṇi navipāke
pañca najhāne pañca namagge pañca navippayutte pañca.
Evaṁ itare dve gaṇanāpi sampayuttavāropi kātabbā.
Pañhāvāro

[170] Cittasamuṭṭhāno dhammo cittasamuṭṭhānassa dhammassa
hetupaccayena paccayo: cittasamuṭṭhānā hetū sampayuttakānaṁ khandhānaṁ
cittasamuṭṭhānānañca rūpānaṁ hetupaccayena paccayo paṭisandhi.
Cittasamuṭṭhāno dhammo nocittasamuṭṭhānassa dhammassa hetupaccayena
paccayo: cittasamuṭṭhānā hetū cittassa hetupaccayena paccayo
paṭisandhikkhaṇe cittasamuṭṭhānā hetū cittassa kaṭattā ca rūpānaṁ
hetupaccayena paccayo. Cittasamuṭṭhāno dhammo cittasamuṭṭhānassa ca
nocittasamuṭṭhānassa ca dhammassa hetupaccayena paccayo: cittasamuṭṭhānā
hetū sampayuttakānaṁ khandhānaṁ cittassa ca cittasamuṭṭhānānañca
rūpānaṁ hetupaccayena paccayo paṭisandhikkhaṇe .pe.

[171] Cittasamuṭṭhāno dhammo cittasamuṭṭhānassa dhammassa
ārammaṇapaccayena paccayo: cittasamuṭṭhāne khandhe ārabbha
cittasamuṭṭhānā khandhā uppajjanti. Mūlaṁ kātabbaṁ cittasamuṭṭhāne
Khandhe ārabbha cittaṁ uppajjati. Mūlaṁ kātabbaṁ cittasamuṭṭhāne
khandhe ārabbha cittasamuṭṭhānā khandhā ca cittañca uppajjanti.
Nocittasamuṭṭhāno dhammo nocittasamuṭṭhānassa dhammassa ārammaṇapaccayena
paccayo: ariyā nibbānaṁ paccavekkhanti nibbānaṁ
gotrabhussa vodānassa maggassa phalassa āvajjanāya ārammaṇapaccayena
paccayo cakkhuṁ ... Vatthuṁ ... Nocittasamuṭṭhāne khandhe
aniccato vipassati .pe. Assādeti abhinandati taṁ ārabbha
cittaṁ uppajjati dibbena cakkhunā rūpaṁ passati dibbāya sotadhātuyā
saddaṁ suṇāti cetopariyañāṇena nocittasamuṭṭhānacittasamaṅgissa
cittaṁ jānāti ākāsānañcāyatanaṁ ... Ākiñcaññāyatanaṁ ...
Rūpāyatanaṁ cakkhuviññāṇassa phoṭṭhabbāyatanaṁ ... Nocittasamuṭṭhānā
khandhā iddhividhañāṇassa cetopariyañāṇassa pubbenivāsānussatiñāṇassa
yathākammupagañāṇassa anāgataṁsañāṇassa āvajjanāya
ārammaṇapaccayena paccayo. Nocittasamuṭṭhāno dhammo cittasamuṭṭhānassa
dhammassa ārammaṇapaccayena paccayo: ariyā nibbānaṁ
paccavekkhanti paṭhamagamanasadisaṁ cakkhuṁ ... Vatthuṁ ... Nocittasamuṭṭhāne
khandhe aniccato .pe. Domanassaṁ uppajjati dibbena cakkhunā rūpaṁ
passati. Saṅkhittaṁ. Rūpāyatanaṁ cakkhuviññāṇasahagatānaṁ khandhānaṁ
phoṭṭhabbāyatanaṁ ... Nocittasamuṭṭhānā khandhā iddhividhañāṇassa
cetopariyañāṇassa pubbenivāsānussatiñāṇassa .pe. Anāgataṁsañāṇassa
Āvajjanāya ārammaṇapaccayena paccayo.
Nocittasamuṭṭhāno dhammo cittasamuṭṭhānassa ca nocittasamuṭṭhānassa ca
dhammassa ārammaṇapaccayena paccayo: ariyā nibbānaṁ paccavekkhanti
paṭhamagamanasadisaṁ nocittasamuṭṭhāne khandhe aniccato vipassati .pe.
Assādeti abhinandati taṁ ārabbha cittañca sampayuttakā ca khandhā
uppajjanti dibbena cakkhunā ... Rūpāyatanaṁ cakkhuviññāṇassa
sampayuttakānañca khandhānaṁ phoṭṭhabbāyatanaṁ ... Nocittasamuṭṭhānā
khandhā iddhividhañāṇassa cetopariyañāṇassa pubbenivāsānussatiñāṇassa
.pe. Anāgataṁsañāṇassa āvajjanāya ārammaṇapaccayena
paccayo. Cittasamuṭṭhāno ca nocittasamuṭṭhāno ca dhammā
cittasamuṭṭhānassa dhammassa ārammaṇapaccayena paccayo: tīṇi ārabbha
kātabbā.

[172] Cittasamuṭṭhāno dhammo cittasamuṭṭhānassa dhammassa
adhipatipaccayena paccayo: ārammaṇādhipati sahajātādhipati. Ārammaṇādhipati:
cittasamuṭṭhānā khandhe garuṁ katvā cittasamuṭṭhāne khandhā
uppajjanti. Sahajātādhipati: cittasamuṭṭhānā adhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo.
Tīṇipi ārammaṇādhipatipi sahajātādhipatipi kātabbā. Nocittasamuṭṭhāno
dhammo nocittasamuṭṭhānassa dhammassa adhipatipaccayena
paccayo: ārammaṇādhipati: ariyā nibbānaṁ garuṁ katvā .pe.
Nocittasamuṭṭhāne khandhe garuṁ katvā assādeti abhinandati taṁ garuṁ
katvā cittaṁ uppajjati. Nocittasamuṭṭhāno dhammo cittasamuṭṭhānassa
dhammassa adhipatipaccayena paccayo: ārammaṇādhipati sahajātādhipati.
Ārammaṇādhipati: ariyā nibbānaṁ garuṁ katvā .pe.
Nocittasamuṭṭhāne khandhe garuṁ katvā assādeti abhinandati rāgo
uppajjati diṭṭhi uppajjati. Sahajātādhipati: nocittasamuṭṭhānā
adhipati sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo. Nocittasamuṭṭhāno dhammo cittasamuṭṭhānassa ca
nocittasamuṭṭhānassa ca dhammassa adhipatipaccayena paccayo: ārammaṇādhipati:
ariyā nibbānaṁ garuṁ katvā .pe. Nocittasamuṭṭhāne
khandhe garuṁ katvā .pe. Cittañca sampayuttakā ca khandhā
uppajjanti. Cittasamuṭṭhāno ca nocittasamuṭṭhāno ca dhammā
cittasamuṭṭhānassa dhammassa adhipatipaccayena paccayo: ārammaṇādhipati
tīṇi ārammaṇādhipatiyeva.

[173] Cittasamuṭṭhāno dhammo cittasamuṭṭhānassa dhammassa
anantarapaccayena paccayo: tīṇi vuṭṭhānaṁ natthi. Nocittasamuṭṭhāno
dhammo nocittasamuṭṭhānassa dhammassa anantarapaccayena paccayo: purimaṁ
purimaṁ cittaṁ pacchimassa .pe. Nirodhā vuṭṭhahantassa nevasaññānāsaññāyatanaṁ
phalasamāpattiyā anantarapaccayena paccayo. Itare
dve gaṇanā imassa sadisāyeva kātabbā. Cittasamuṭṭhāno ca
Nocittasamuṭṭhāno ca dhammā cittasamuṭṭhānassa dhammassa anantarapaccayena
paccayo: tīṇi kātabbā vuṭṭhānaṁ natthi.