[134] Cittasampayutto dhammo cittasampayuttassa dhammassa
hetupaccayena paccayo: cittasampayuttā hetū sampayuttakānaṁ khandhānaṁ
hetupaccayena paccayo paṭisandhi. Cittasampayutto dhammo
cittavippayuttassa dhammassa hetupaccayena paccayo: cittasampayuttā
hetū cittasamuṭṭhānānaṁ rūpānaṁ hetupaccayena paccayo paṭisandhi.
Cittasampayutto dhammo cittasampayuttassa ca cittavippayuttassa ca
dhammassa hetupaccayena paccayo: cittasampayuttā hetū sampayuttakānaṁ
khandhānaṁ cittasamuṭṭhānānañca rūpānaṁ hetupaccayena paccayo paṭisandhi.

[135] Cittasampayutto dhammo cittasampayuttassa dhammassa
ārammaṇapaccayena paccayo: dānaṁ ... Sīlaṁ ... Uposathakammaṁ katvā
taṁ paccavekkhati assādeti abhinandati taṁ ārabbha rāgo
uppajjati domanassaṁ uppajjati pubbe suciṇṇāni ... Jhānā
vuṭṭhahitvā jhānaṁ ... Ariyā maggā vuṭṭhahitvā maggaṁ paccavekkhanti
phalaṁ paccavekkhanti pahīne kilese ... Vikkhambhite kilese
paccavekkhanti pubbe samudāciṇṇe kilese jānanti cittasampayutte
khandhe aniccato .pe. Domanassaṁ uppajjati cetopariyañāṇena
cittasampayuttasamaṅgissa cittaṁ jānāti ākāsānañcāyatanaṁ
viññāṇañcāyatanassa ākiñcaññāyatanaṁ nevasaññānāsaññāyatanassa
cittasampayuttā khandhā iddhividhañāṇassa cetopariyañāṇassa
Pubbenivāsānussatiñāṇassa yathākammupagañāṇassa anāgataṁsañāṇassa
āvajjanāya ārammaṇapaccayena paccayo. Cittavippayutto dhammo
cittasampayuttassa dhammassa ārammaṇapaccayena paccayo: ariyā
nibbānaṁ paccavekkhanti nibbānaṁ gotrabhussa vodānassa maggassa
phalassa āvajjanāya ārammaṇapaccayena paccayo cakkhuṁ ... Vatthuṁ ...
Cittavippayutte khandhe aniccato .pe. Domanassaṁ uppajjati
dibbena cakkhunā rūpaṁ passati dibbāya sotadhātuyā saddaṁ suṇāti
rūpāyatanaṁ cakkhuviññāṇasahagatānaṁ khandhānaṁ phoṭṭhabbāyatanaṁ ...
Cittavippayuttā khandhā iddhividhañāṇassa pubbenivāsānussatiñāṇassa
yathākammupagañāṇassa anāgataṁsañāṇassa āvajjanāya ārammaṇapaccayena
paccayo.

[136] Cittasampayutto dhammo cittasampayuttassa dhammassa
adhipatipaccayena paccayo: ārammaṇādhipati sahajātādhipati. Ārammaṇādhipati:
dānaṁ ... Sīlaṁ ... Uposathakammaṁ ... Taṁ garuṁ katvā paccavekkhati
assādeti abhinandati taṁ garuṁ katvā rāgo uppajjati diṭṭhi
uppajjati pubbe ... Jhānā ... Ariyā maggā vuṭṭhahitvā maggaṁ garuṁ
katvā ... Phalaṁ garuṁ katvā paccavekkhanti cittasampayutte khandhe garuṁ
katvā assādeti abhinandati taṁ garuṁ katvā rāgo uppajjati diṭṭhi
uppajjati. Sahajātādhipati: cittasampayuttā adhipati sampayuttakānaṁ
khandhānaṁ adhipatipaccayena paccayo. Cittasampayutto dhammo
Cittavippayuttassa dhammassa adhipatipaccayena paccayo: sahajātādhipati:
cittasampayuttā adhipati cittasamuṭṭhānānaṁ rūpānaṁ adhipatipaccayena
paccayo. Cittasampayutto dhammo cittasampayuttassa ca cittavippayuttassa
ca dhammassa adhipatipaccayena paccayo: sahajātādhipati:
cittasampayuttā adhipati sampayuttakānaṁ khandhānaṁ cittasamuṭṭhānānañca
rūpānaṁ adhipatipaccayena paccayo. Cittavippayutto dhammo
cittasampayuttassa dhammassa adhipatipaccayena paccayo: ārammaṇādhipati:
ariyā nibbānaṁ garuṁ katvā paccavekkhanti nibbānaṁ gotrabhussa
vodānassa maggassa phalassa adhipatipaccayena paccayo cakkhuṁ ... Vatthuṁ ...
Cittavippayutte khandhe garuṁ katvā assādeti abhinandati taṁ garuṁ
katvā rāgo uppajjati diṭṭhi uppajjati.

[137] Cittasampayutto dhammo cittasampayuttassa dhammassa
anantarapaccayena paccayo: purimā purimā cittasampayuttā khandhā
.pe. Phalasamāpattiyā anantarapaccayena paccayo. Samanantarapaccayena
paccayo: sahajātapaccayena paccayo: satta paṭiccasadisā pañhā
ghaṭanā natthi. Aññamaññapaccayena paccayo: cha paṭiccasadisā.
Nissayapaccayena paccayo: satta paccayavārasadisā pañhā ghaṭanā
natthi.

[138] Cittasampayutto dhammo cittasampayuttassa dhammassa
upanissayapaccayena paccayo: ārammaṇūpanissayo anantarūpanissayo
Pakatūpanissayo .pe. Pakatūpanissayo: saddhaṁ upanissāya dānaṁ
deti .pe. Mānaṁ jappeti diṭṭhiṁ gaṇhāti sīlaṁ ... .pe. Patthanaṁ ...
Kāyikaṁ sukhaṁ ... Kāyikaṁ dukkhaṁ upanissāya dānaṁ deti .pe. Pāṇaṁ
hanati saṅghaṁ bhindati saddhā .pe. Kāyikaṁ dukkhaṁ saddhāya .pe.
Maggassa phalasamāpattiyā upanissayapaccayena paccayo. Cittavippayutto
dhammo cittasampayuttassa dhammassa upanissayapaccayena
paccayo: ārammaṇūpanissayo anantarūpanissayo pakatūpanissayo .pe.
Pakatūpanissayo: utuṁ ... Bhojanaṁ ... Senāsanaṁ upanissāya dānaṁ deti
.pe. Saṅghaṁ bhindati utu ... Bhojanaṁ ... Senāsanaṁ saddhāya .pe.
Phalasamāpattiyā upanissayapaccayena paccayo.

[139] Cittavippayutto dhammo cittasampayuttassa dhammassa
purejātapaccayena paccayo: ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ aniccato .pe. Domanassaṁ
uppajjati dibbena cakkhunā rūpaṁ passati dibbāya sotadhātuyā
saddaṁ suṇāti rūpāyatanaṁ cakkhuviññāṇasahagatānaṁ khandhānaṁ
phoṭṭhabbāyatanaṁ .... Vatthupurejātaṁ: cakkhāyatanaṁ cakkhuviññāṇasahagatānaṁ
khandhānaṁ kāyāyatanaṁ ... Vatthu cittasampayuttakānaṁ khandhānaṁ
purejātapaccayena paccayo.

[140] Cittasampayutto dhammo cittavippayuttassa dhammassa
pacchājātapaccayena paccayo: saṅkhittaṁ ekaṁ. Āsevanapaccayena
Paccayo: ekaṁ.

[141] Cittasampayutto dhammo cittasampayuttassa dhammassa
kammapaccayena paccayo: sahajātā nānākhaṇikā. Sahajātā: cittasampayuttā
cetanā sampayuttakānaṁ khandhānaṁ kammapaccayena paccayo.
Nānākhaṇikā: cittasampayuttā cetanā vipākānaṁ khandhānaṁ
kammapaccayena paccayo. Cittasampayutto dhammo cittavippayuttassa
dhammassa kammapaccayena paccayo: sahajātā nānākhaṇikā. Sahajātā:
cittasampayuttā cetanā cittasamuṭṭhānānaṁ rūpānaṁ kammapaccayena
paccayo. Nānākhaṇikā: cittasampayuttā cetanā kaṭattārūpānaṁ
kammapaccayena paccayo. Cittasampayutto dhammo cittasampayuttassa ca
cittavippayuttassa ca dhammassa kammapaccayena paccayo: sahajātā
nānākhaṇikā. Sahajātā: cittasampayuttā cetanā sampayuttakānaṁ
khandhānaṁ cittasamuṭṭhānānañca rūpānaṁ kammapaccayena paccayo.
Nānākhaṇikā: cittasampayuttā cetanā vipākānaṁ khandhānaṁ kaṭattā ca
rūpānaṁ kammapaccayena paccayo.

[142] Cittasampayutto dhammo cittasampayuttassa dhammassa
vipākapaccayena paccayo: tīṇi.

[143] Cittasampayutto dhammo cittasampayuttassa dhammassa
āhārapaccayena paccayo: tīṇi. Cittavippayutto dhammo cittavippayuttassa
dhammassa āhārapaccayena paccayo: kabaḷiṁkāro āhāro
Imassa kāyassa āhārapaccayena paccayo.