[84] Cetasikaṁ dhammaṁ paṭicca acetasiko dhammo uppajjati
nāarammaṇapaccayā: cetasike khandhe paṭicca cittasamuṭṭhānaṁ rūpaṁ
paṭisandhikkhaṇe .pe. Acetasikaṁ dhammaṁ paṭicca acetasiko dhammo
uppajjati nāarammaṇapaccayā: cittaṁ paṭicca cittasamuṭṭhānaṁ rūpaṁ
Paṭisandhi yāva asaññasattā. Cetasikañca acetasikañca dhammaṁ
paṭicca acetasiko dhammo uppajjati nāarammaṇapaccayā: cetasike
khandhe ca viññāṇañca cittañca paṭicca cittasamuṭṭhānaṁ rūpaṁ cetasike
khandhe ca mahābhūte ca paṭicca cittasamuṭṭhānaṁ rūpaṁ paṭisandhikkhaṇe
dvepi kātabbā. Saṅkhittaṁ.

[85] Nahetuyā nava nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi
naupanissaye tīṇi napurejāte nava napacchājāte nava nāasevane nava
nakamme cattāri navipāke nava nāahāre ekaṁ naindriye
ekaṁ najhāne cha namagge nava nasampayutte tīṇi navippayutte cha
nonatthiyā tīṇi novigate tīṇi.

[86] Hetupaccayā nāarammaṇe tīṇi ... Nādhipatiyā nava.
Saṅkhittaṁ.

[87] Nahetupaccayā ārammaṇe nava ... Anantare nava .pe.
Purejāte pañca āsevane pañca kamme nava sabbattha nava magge
tīṇi avigate nava.
Sahajātavāropi paṭiccavārasadiso.
Paccayavāro

[88] Cetasikaṁ dhammaṁ paccayā cetasiko dhammo uppajjati
hetupaccayā: tīṇi paṭiccasadisā. Acetasikaṁ dhammaṁ paccayā acetasiko
Dhammo uppajjati hetupaccayā: cittaṁ paccayā cittasamuṭṭhānaṁ rūpaṁ
vatthuṁ paccayā cittaṁ paṭisandhikkhaṇe cittaṁ paccayā kaṭattārūpaṁ
cittaṁ paccayā vatthu vatthuṁ paccayā cittaṁ ekaṁ mahābhūtaṁ ....
Acetasikaṁ dhammaṁ paccayā cetasiko dhammo uppajjati hetupaccayā:
cittaṁ paccayā sampayuttakā khandhā vatthuṁ paccayā cetasikā
khandhā paṭisandhikkhaṇe dvepi kātabbā. Acetasikaṁ dhammaṁ paccayā
cetasiko ca acetasiko ca dhammā uppajjanti hetupaccayā: cittaṁ
paccayā sampayuttakā khandhā cittasamuṭṭhānañca rūpaṁ vatthuṁ paccayā
cittañca sampayuttakā ca khandhā paṭisandhikkhaṇe dvepi kātabbā.
Cetasikañca acetasikañca dhammaṁ paccayā cetasiko dhammo uppajjati
hetupaccayā: cetasikaṁ ekaṁ khandhañca cittañca paccayā dve khandhā
dve khandhe ... Cetasikaṁ ekaṁ khandhañca cittañca vatthuñca paccayā
dve khandhā dve khandhe ... Paṭisandhikkhaṇe dvepi kātabbā.
Cetasikañca acetasikañca dhammaṁ paccayā acetasiko dhammo uppajjati
hetupaccayā: cetasike khandhe ca cittañca paccayā cittasamuṭṭhānaṁ rūpaṁ
cetasike khandhe ca mahābhūte ca paccayā cittasamuṭṭhānaṁ rūpaṁ cetasike
khandhe ca vatthuñca paccayā cittaṁ paṭisandhikkhaṇe tīṇipi kātabbā.
Cetasikañca acetasikañca dhammaṁ paccayā cetasiko ca acetasiko ca
dhammā uppajjanti hetupaccayā: cetasikaṁ ekaṁ khandhañca cittañca
paccayā dve khandhā cittasamuṭṭhānañca rūpaṁ dve khandhe ... Cetasikaṁ
Ekaṁ khandhañca vatthuñca paccayā dve khandhā cittañca dve
khandhe ... Paṭisandhikkhaṇe dvepi kātabbā.

[89] Cetasikaṁ dhammaṁ paccayā cetasiko dhammo uppajjati
ārammaṇapaccayā: tīṇi paṭiccasadisā. Acetasikaṁ dhammaṁ paccayā
acetasiko dhammo uppajjati ārammaṇapaccayā: cakkhāyatanaṁ paccayā
cakkhuviññāṇaṁ kāyāyatanaṁ paccayā kāyaviññāṇaṁ vatthuṁ paccayā
cittaṁ paṭisandhi. Acetasikaṁ dhammaṁ paccayā cetasiko dhammo
uppajjati ārammaṇapaccayā: cakkhāyatanaṁ paccayā cakkhuviññāṇasahagatā
khandhā kāyāyatanaṁ paccayā ... Cittaṁ paccayā
sampayuttakā khandhā vatthuṁ paccayā cetasikā khandhā paṭisandhikkhaṇe
dvepi kātabbā. Acetasikaṁ dhammaṁ paccayā cetasiko ca acetasiko ca
dhammā uppajjanti ārammaṇapaccayā: cakkhāyatanaṁ paccayā
cakkhuviññāṇaṁ sampayuttakā ca khandhā kāyāyatanaṁ paccayā ... Vatthuṁ
paccayā cittaṁ sampayuttakā ca khandhā paṭisandhikkhaṇe ekaṁ.
Cetasikañca acetasikañca dhammaṁ paccayā cetasiko dhammo
uppajjati ārammaṇapaccayā: cakkhuviññāṇasahagataṁ ekaṁ khandhañca
cakkhuviññāṇañca paccayā dve khandhā dve khandhe ... Cakkhuviññāṇasahagataṁ
ekaṁ khandhañca cakkhāyatanañca paccayā dve khandhā dve
khandhe ... Kāyaviññāṇasahagataṁ ... Cetasikaṁ ekaṁ khandhañca cittañca
paccayā dve khandhā dve khandhe ... Cetasikaṁ ekaṁ khandhañca
Vatthuñca paccayā dve khandhā dve khandhe ... Paṭisandhikkhaṇe dve.
Cetasikañca acetasikañca dhammaṁ paccayā acetasiko dhammo
uppajjati ārammaṇapaccayā cakkhuviññāṇasahagate khandhe ca
cakkhāyatanañca paccayā cakkhuviññāṇaṁ kāyaviññāṇasahagate ... Cetasike
khandhe ca vatthuñca paccayā cittaṁ paṭisandhi ekaṁ. Cetasikañca
acetasikañca dhammaṁ paccayā cetasiko ca acetasiko ca dhammā
uppajjanti ārammaṇapaccayā: cakkhuviññāṇasahagataṁ ekaṁ khandhañca
cakkhāyatanañca paccayā dve khandhā cakkhuviññāṇañca dve khandhe
paccayā ... Cetasikaṁ ekaṁ khandhañca vatthuñca paccayā dve khandhā
cittañca dve khandhe ... Paṭisandhi ekaṁ saṅkhittaṁ.

[90] Hetuyā nava ārammaṇe nava adhipatiyā nava sabbattha
nava purejāte nava āsevane nava avigate nava.

[91] Cetasikaṁ dhammaṁ paccayā cetasiko dhammo uppajjati
nahetupaccayā: ahetukaṁ cetasikaṁ ... Saṅkhittaṁ. Nava pañhā pañcaviññāṇampi
yathā ārammaṇapaccayā evaṁ kātabbaṁ tīsuyeva moho
sabbe pañhā pavattipaṭisandhiyā kātabbā asammohantena.

[92] Nahetuyā nava nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte nava napacchājāte nava nāasevane nava
nakamme tīṇi navipāke nava nāahāre ekaṁ naindriye ekaṁ
Najhāne nava namagge nava nasampayutte tīṇi navippayutte cha
nonatthiyā tīṇi novigate tīṇi.

[93] Hetupaccayā nāarammaṇe tīṇi ... Nādhipatiyā nava.
Saṅkhittaṁ.