[525] Nahetupaccayā ārammaṇe nava ... Adhipatiyā nava anulomapadāni
paripuṇṇāni kātabbāni ... Avigate nava.
Ganthadukaṁ niṭṭhitaṁ.
----------
Ganthaniyadukaṁ
paṭiccavāro

[526] Ganthaniyaṁ dhammaṁ paṭicca ganthaniyo dhammo uppajjati
hetupaccayā: ganthaniyaṁ ekaṁ khandhaṁ .... Saṅkhittaṁ. Yathā cūḷantaraduke
lokiyadukaṁ evaṁ vibhajitabbaṁ ninnānākaraṇaṁ.
Ganthaniyadukaṁ niṭṭhitaṁ.
------------
Ganthasampayuttadukaṁ
paṭiccavāro

[527] Ganthasampayuttaṁ dhammaṁ paṭicca ganthasampayutto dhammo
uppajjati hetupaccayā: ganthasampayuttaṁ ekaṁ khandhaṁ paṭicca tayo
khandhā dve khandhe .... Ganthasampayuttaṁ dhammaṁ paṭicca ganthavippayutto
dhammo uppajjati hetupaccayā: ganthasampayutte khandhe
paṭicca cittasamuṭṭhānaṁ rūpaṁ diṭṭhigatavippayuttalobhasahagate khandhe
Paṭicca lobho cittasamuṭṭhānañca rūpaṁ domanassasahagate khandhe
paṭicca paṭighaṁ cittasamuṭṭhānañca rūpaṁ. Ganthasampayuttaṁ dhammaṁ paṭicca
ganthasampayutto ca ganthavippayutto ca dhammā uppajjanti hetupaccayā:
ganthasampayuttaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Diṭṭhigatavippayuttalobhasahagataṁ
ekaṁ khandhaṁ paṭicca tayo khandhā lobho ca cittasamuṭṭhānañca rūpaṁ
dve khandhe ... Domanassasahagataṁ ekaṁ khandhaṁ paṭicca tayo khandhā
paṭighañca cittasamuṭṭhānañca rūpaṁ dve khandhe .... Ganthavippayuttaṁ
dhammaṁ paṭicca ganthavippayutto dhammo uppajjati hetupaccayā:
ganthavippayuttaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Diṭṭhigatavippayuttaṁ lobhaṁ paṭicca cittasamuṭṭhānaṁ
rūpaṁ paṭighaṁ paṭicca cittasamuṭṭhānaṁ rūpaṁ paṭisandhikkhaṇe khandhe
paṭicca .... Saṅkhittaṁ. Ganthavippayuttaṁ dhammaṁ paṭicca ganthasampayutto
dhammo uppajjati hetupaccayā: diṭṭhigatavippayuttaṁ lobhaṁ paṭicca
sampayuttakā khandhā paṭighaṁ paṭicca sampayuttakā khandhā. Ganthavippayuttaṁ
dhammaṁ paṭicca ganthasampayutto ca ganthavippayutto ca dhammā
uppajjanti hetupaccayā: diṭṭhigatavippayuttaṁ lobhaṁ paṭicca sampayuttakā
khandhā cittasamuṭṭhānañca rūpaṁ paṭighaṁ paṭicca sampayuttakā
khandhā cittasamuṭṭhānañca rūpaṁ. Ganthasampayuttañca ganthavippayuttañca
dhammaṁ paṭicca ganthasampayutto dhammo uppajjati hetupaccayā:
Diṭṭhigatavippayuttalobhasahagataṁ ekaṁ khandhañca lobhañca paṭicca tayo
khandhā dve khandhe ... Domanassasahagataṁ ekaṁ khandhañca paṭighañca
paṭicca tayo khandhā dve khandhe .... Ganthasampayuttañca
ganthavippayuttañca dhammaṁ paṭicca ganthavippayutto dhammo uppajjati
hetupaccayā: ganthasampayutte khandhe ca mahābhūte ca paṭicca
cittasamuṭṭhānaṁ rūpaṁ diṭṭhigatavippayuttalobhasahagate khandhe ca lobhañca
paṭicca cittasamuṭṭhānaṁ rūpaṁ domanassasahagate khandhe ca paṭighañca
paṭicca cittasamuṭṭhānaṁ rūpaṁ. Ganthasampayuttañca ganthavippayuttañca
dhammaṁ paṭicca ganthasampayutto ca ganthavippayutto ca dhammā
uppajjanti hetupaccayā: diṭṭhigatavippayuttalobhasahagataṁ ekaṁ khandhañca
lobhañca paṭicca tayo khandhā cittasamuṭṭhānañca rūpaṁ dve khandhe ...
Domanassasahagataṁ ekaṁ khandhañca paṭighañca paṭicca tayo khandhā
cittasamuṭṭhānañca rūpaṁ dve khandhe ....

[528] Ganthasampayuttaṁ dhammaṁ paṭicca ganthasampayutto dhammo
uppajjati ārammaṇapaccayā: ganthasampayuttaṁ ekaṁ khandhaṁ paṭicca
tayo khandhā dve khandhe .... Ganthasampayuttaṁ dhammaṁ paṭicca
ganthavippayutto dhammo uppajjati ārammaṇapaccayā:
diṭṭhigatavippayuttalobhasahagate khandhe paṭicca lobho domanassasahagate
khandhe paṭicca paṭighaṁ. Ganthasampayuttaṁ dhammaṁ paṭicca ganthasampayutto
ca ganthavippayutto ca dhammā uppajjanti ārammaṇapaccayā:
Diṭṭhigatavippayuttalobhasahagataṁ ekaṁ khandhaṁ paṭicca tayo
khandhā lobho ca dve khandhe ... Domanassasahagataṁ ekaṁ khandhaṁ
paṭicca tayo khandhā paṭighañca dve khandhe .... Ganthavippayuttaṁ
dhammaṁ paṭicca ganthavippayutto dhammo uppajjati ārammaṇapaccayā:
ganthavippayuttaṁ ekaṁ khandhaṁ paṭicca tayo khandhā dve khandhe ...
Paṭisandhikkhaṇe vatthuṁ paṭicca khandhā. Ganthavippayuttaṁ dhammaṁ paṭicca
ganthasampayutto dhammo uppajjati ārammaṇapaccayā: diṭṭhigatavippayuttaṁ
lobhaṁ paṭicca sampayuttakā khandhā paṭighaṁ paṭicca
sampayuttakā khandhā. Ganthasampayuttañca ganthavippayuttañca dhammaṁ
paṭicca ganthasampayutto dhammo uppajjati ārammaṇapaccayā:
diṭṭhigatavippayuttalobhasahagataṁ ekaṁ khandhañca lobhañca paṭicca tayo
khandhā dve khandhe ... Domanassasahagataṁ ekaṁ khandhañca paṭighañca
paṭicca tayo khandhā dve khandhe .... Saṅkhittaṁ.

[529] Hetuyā nava ārammaṇe cha adhipatiyā nava anantare
cha samanantare cha sahajāte nava aññamaññe cha nissaye
nava upanissaye cha purejāte cha āsevane cha kamme nava
vipāke ekaṁ āhāre nava indriye nava jhāne nava magge
nava sampayutte cha vippayutte nava atthiyā nava natthiyā
cha vigate cha avigate nava.

[530] Ganthavippayuttaṁ dhammaṁ paṭicca ganthavippayutto dhammo
Uppajjati nahetupaccayā: ahetukaṁ ganthavippayuttaṁ ekaṁ khandhaṁ
paṭicca tayo khandhā cittasamuṭṭhānañca rūpaṁ dve khandhe ...
Ahetukapaṭisandhi yāva asaññasattā vicikicchāsahagate uddhaccasahagate
khandhe paṭicca vicikicchāsahagato uddhaccasahagato moho.

[531] Nahetuyā ekaṁ nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte satta. Napurejāte vibhajantena arūpaṁ
paṭhamaṁ kātabbaṁ rūpaṁ yattha labbhati pacchā kātabbaṁ paṭighañca
arūpe natthi. Napacchājāte nava nāasevane nava nakamme
cattāri navipāke nava nāahāre ekaṁ naindriye ekaṁ najhāne
ekaṁ namagge ekaṁ nasampayutte tīṇi navippayutte cha nonatthiyā
tīṇi novigate tīṇi.

[532] Hetupaccayā nāarammaṇe tīṇi ... Nādhipatiyā nava
evaṁ gaṇetabbaṁ saṅkhittaṁ ... Novigate tīṇi.

[533] Nahetupaccayā ārammaṇe ekaṁ ... Avigate ekaṁ.
Sahajātavāropi evaṁ kātabbo.
Paccayavāro

[534] Ganthasampayuttaṁ dhammaṁ paccayā ganthasampayutto dhammo
uppajjati hetupaccayā: tīṇi paṭiccasadisā. Ganthavippayuttaṁ
dhammaṁ paccayā ganthavippayutto dhammo uppajjati hetupaccayā:
Ganthavippayuttaṁ ekaṁ khandhaṁ paccayā ... Paṭisandhikkhaṇe khandhe
paccayā vatthu vatthuṁ paccayā khandhā ekaṁ mahābhūtaṁ ... Vatthuṁ
paccayā ganthavippayuttā khandhā. Ganthavippayuttaṁ dhammaṁ paccayā
ganthasampayutto dhammo uppajjati hetupaccayā: vatthuṁ paccayā
ganthasampayuttā khandhā diṭṭhigatavippayuttaṁ lobhaṁ paccayā sampayuttakā
khandhā paṭighaṁ paccayā sampayuttakā khandhā. Ganthavippayuttaṁ
dhammaṁ paccayā ganthasampayutto ca ganthavippayutto ca
dhammā uppajjanti hetupaccayā: vatthuṁ paccayā ganthasampayuttā
khandhā mahābhūte paccayā cittasamuṭṭhānaṁ rūpaṁ diṭṭhigatavippayuttaṁ
lobhaṁ paccayā sampayuttakā khandhā cittasamuṭṭhānañca rūpaṁ paṭighaṁ
paccayā sampayuttakā khandhā cittasamuṭṭhānañca rūpaṁ vatthuṁ paccayā
diṭṭhigatavippayuttā khandhā ca lobho ca vatthuṁ paccayā domanassasahagatā
khandhā ca paṭighañca. Ganthasampayuttañca ganthavippayuttañca
dhammaṁ paccayā ganthasampayutto dhammo uppajjati
hetupaccayā: ganthasampayuttaṁ ekaṁ khandhañca vatthuñca paccayā
tayo khandhā dve khandhe ... Diṭṭhigatavippayuttalobhasahagataṁ ekaṁ
khandhañca vatthuñca lobhañca paccayā tayo khandhā dve khandhe ...
Domanassasahagataṁ ekaṁ khandhañca vatthuñca paṭighañca paccayā tayo
khandhā dve khandhe .... Ganthasampayuttañca ganthavippayuttañca
dhammaṁ paccayā ganthavippayutto dhammo uppajjati hetupaccayā:
Ganthasampayutte khandhe ca mahābhūte ca paccayā cittasamuṭṭhānaṁ rūpaṁ
diṭṭhigatavippayuttalobhasahagate khandhe ca lobhañca paccayā cittasamuṭṭhānaṁ
rūpaṁ domanassasahagate khandhe ca paṭighañca paccayā
cittasamuṭṭhānaṁ rūpaṁ diṭṭhigatavippayuttalobhasahagate khandhe ca vatthuñca
paccayā lobho domanassasahagate khandhe ca vatthuñca paccayā
paṭighaṁ. Ganthasampayuttañca ganthavippayuttañca dhammaṁ paccayā
ganthasampayutto ca ganthavippayutto ca dhammā uppajjanti hetupaccayā:
ganthasampayuttaṁ ekaṁ khandhañca vatthuñca paccayā tayo
khandhā dve khandhe ... Ganthasampayutte khandhe ca mahābhūte ca
paccayā cittasamuṭṭhānaṁ rūpaṁ diṭṭhigatavippayuttalobhasahagataṁ ekaṁ
khandhañca lobhañca paccayā tayo khandhā cittasamuṭṭhānañca rūpaṁ
dve khandhe ... Domanassasahagataṁ ekaṁ khandhañca paṭighañca paccayā
tayo khandhā cittasamuṭṭhānañca rūpaṁ dve khandhe ...
Diṭṭhigatavippayuttalobhasahagataṁ ekaṁ khandhañca vatthuñca paccayā tayo khandhā
lobho ca dve khandhe ... Domanassasahagataṁ ekaṁ khandhañca vatthuñca
paccayā tayo khandhā paṭighañca dve khandhe .... Saṅkhittaṁ.