[495] Hetupaccayā nāarammaṇe tīṇi. Saṅkhittaṁ. ...
Nasamanantare tīṇi naupanissaye tīṇi napurejāte tīṇi. Saṅkhittaṁ.
... Namagge tīṇi nasampayutte tīṇi navippayutte tīṇi nonatthiyā
Tīṇi novigate tīṇi.

[496] Nahetupaccayā ārammaṇe nava ... Adhipatiyā nava
anulomapadāni kātabbāni ... Avigate nava.
Saññojanasaññojanasampayuttadukaṁ niṭṭhitaṁ.
----------------
Saññojanavippayuttasaññojaniyadukaṁ
paṭiccavāro

[497] Saññojanavippayuttaṁ saññojaniyaṁ dhammaṁ paṭicca
saññojanavippayutto saññojaniyo dhammo uppajjati hetupaccayā:
saññojanavippayuttaṁ saññojaniyaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Paṭisandhi yāva asaññasattā
mahābhūtā. Saññojanavippayuttaṁ asaññojaniyaṁ dhammaṁ paṭicca
saññojanavippayutto asaññojaniyo dhammo uppajjati hetupaccayā:
saññojanavippayuttaṁ asaññojaniyaṁ ekaṁ khandhaṁ paṭicca tayo khandhā
dve khandhe .... Saññojanavippayuttaṁ asaññojaniyaṁ dhammaṁ .... Dve
pañhā kātabbā. Imaṁ dukaṁ cūḷantaraduke lokiyadukasadisaṁ
ninnānākaraṇaṁ.
Saññojanavippayuttasaññojaniyadukaṁ niṭṭhitaṁ.
--------------
Ganthadukaṁ
paṭiccavāro

[498] Ganthaṁ dhammaṁ paṭicca gantho dhammo uppajjati hetupaccayā:
sīlabbataparāmāsaṁ kāyaganthaṁ paṭicca abhijjhā kāyagantho
abhijjhā kāyaganthaṁ paṭicca sīlabbataparāmāso kāyagantho idaṁsaccābhinivesaṁ
kāyaganthaṁ paṭicca abhijjhā kāyagantho abhijjhā kāyaganthaṁ
paṭicca idaṁsaccābhiniveso kāyagantho. Ganthaṁ dhammaṁ paṭicca nogantho
dhammo uppajjati hetupaccayā: ganthe paṭicca sampayuttakā khandhā
cittasamuṭṭhānañca rūpaṁ. Ganthaṁ dhammaṁ paṭicca gantho ca nogantho ca
dhammā uppajjanti hetupaccayā: sīlabbataparāmāsaṁ kāyaganthaṁ paṭicca
abhijjhā kāyagantho sampayuttakā ca khandhā cittasamuṭṭhānañca rūpaṁ
cakkaṁ. Noganthaṁ dhammaṁ paṭicca nogantho dhammo uppajjati hetupaccayā:
noganthaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Paṭisandhikkhaṇe khandhe paṭicca vatthu
vatthuṁ paṭicca khandhā ekaṁ mahābhūtaṁ .... Noganthaṁ dhammaṁ paṭicca
gantho dhammo uppajjati hetupaccayā: noganthe khandhe paṭicca
ganthā. Noganthaṁ dhammaṁ paṭicca gantho ca nogantho ca dhammā
uppajjanti hetupaccayā: noganthaṁ ekaṁ khandhaṁ paṭicca tayo khandhā
ganthā ca cittasamuṭṭhānañca rūpaṁ dve khandhe .... Ganthañca
Noganthañca dhammaṁ paṭicca gantho dhammo uppajjati hetupaccayā:
sīlabbataparāmāsaṁ kāyaganthañca sampayuttake ca khandhe paṭicca abhijjhā
kāyagantho cakkaṁ. Ganthañca noganthañca dhammaṁ paṭicca nogantho
dhammo uppajjata hetupaccayā: noganthaṁ ekaṁ khandhañca ganthe ca
paṭicca tayo khandhā cittasamuṭṭhānañca rūpaṁ dve khandhe ....
Ganthañca noganthañca dhammaṁ paṭicca gantho ca nogantho ca dhammā
uppajjanti hetupaccayā: noganthaṁ ekaṁ khandhañca sīlabbataparāmāsaṁ
kāyaganthañca paṭicca tayo khandhā abhijjhā kāyagantho cittasamuṭṭhānañca
rūpaṁ dve khandhe ... Cakkaṁ. Saṅkhittaṁ.
Ārammaṇapaccayā ... Avigatapaccayā:.

[499] Hetuyā nava ārammaṇe nava adhipatiyā nava
sabbattha nava vipāke ekaṁ āhāre nava avigate nava.

[500] Noganthaṁ dhammaṁ paṭicca nogantho dhammo uppajjati
nahetupaccayā: ahetukaṁ noganthaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Ahetukapaṭisandhi yāva
asaññasattā vicikicchāsahagate uddhaccasahagate khandhe paṭicca
vicikicchāsahagato uddhaccasahagato moho.

[501] Ganthaṁ dhammaṁ paṭicca nogantho dhammo uppajjati
nāarammaṇapaccayā: ganthe paṭicca cittasamuṭṭhānaṁ rūpaṁ. Noganthaṁ
dhammaṁ paṭicca nogantho dhammo uppajjati nāarammaṇapaccayā:
Noganthe khandhe paṭicca cittasamuṭṭhānaṁ rūpaṁ paṭisandhi yāva
asaññasattā. Ganthañca noganthañca dhammaṁ paṭicca nogantho
dhammo uppajjati nāarammaṇapaccayā: ganthe ca sampayuttake ca
khandhe paṭicca cittasamuṭṭhānaṁ rūpaṁ. Saṅkhittaṁ. Nādhipatipaccayā:
nava. Nānantarapaccayā: tīṇi. Nasamanantarapaccayā: tīṇi.
Nāññamaññapaccayā: tīṇi. Naupanissayapaccayā: tīṇi.

[502] Ganthaṁ dhammaṁ paṭicca gantho dhammo uppajjati napurejātapaccayā:
arūpe idaṁsaccābhinivesaṁ kāyaganthaṁ paṭicca abhijjhā kāyagantho
abhijjhā kāyaganthaṁ paṭicca idaṁsaccābhiniveso kāyagantho.
Arūpe sīlabbataparāmāso natthi evaṁ nava pañhā kātabbā.
Napacchājātapaccayā: nava. Nāasevanapaccayā: nava. Nakammapaccayā:
tīṇi. Navipākapaccayā: nava. Nāahārapaccayā: ekaṁ. Naindriyapaccayā:
ekaṁ. Najhānapaccayā: ekaṁ. Namaggapaccayā: ekaṁ.
Nasampayuttapaccayā: tīṇi. Navippayuttapaccayā: nava. Nonatthipaccayā:
tīṇi. Novigatapaccayā: tīṇi.

[503] Nahetuyā ekaṁ nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi
naupanissaye tīṇi napurejāte nava napacchājāte nava
nāasevane nava nakamme tīṇi navipāke nava nāahāre ekaṁ
naindriye ekaṁ najhāne ekaṁ namagge ekaṁ nasampayutte
Tīṇi navippayutte nava nonatthiyā tīṇi novigate tīṇi.

[504] Hetupaccayā nāarammaṇe tīṇi ... Nādhipatiyā nava
evaṁ gaṇetabbaṁ.