[325] Nahetuyā nava nāarammaṇe nava. Saṅkhittaṁ.
Novigate nava.
Evaṁ cattāripi gaṇanā paripuṇṇā.
Sahajātavāropi paccayavāropi nissayavāropi saṁsaṭṭhavāropi
sampayuttavāropi evaṁ vitthāretabbā. Paccayavāre vatthu ca pañcāyatanāni
ca dassetabbāni. Yathā yathā labbhati taṁ taṁ kātabbaṁ.
Pañhāvāro

[326] Kenaciviññeyyo dhammo kenaciviññeyyassa dhammassa
hetupaccayena paccayo: kenaciviññeyyā hetū sampayuttakānaṁ khandhānaṁ
cittasamuṭṭhānānañca rūpānaṁ hetupaccayena paccayo paṭisandhi.
Saṅkhittaṁ.

[327] Hetuyā nava ārammaṇe nava. Saṅkhittaṁ.
Avigate nava.
Anulomaṁ niṭṭhitaṁ.

[328] Nahetuyā nava novigate nava.
Paccanīyaṁ niṭṭhitaṁ.
Evaṁ cattāripi gaṇanā paripuṇṇā.
Kenaciviññeyyadukaṁ niṭṭhitaṁ.
------------
Āsavadukaṁ
paṭiccavāro

[329] Āsavaṁ dhammaṁ paṭicca āsavo dhammo uppajjati
hetupaccayā: kāmāsavaṁ paṭicca diṭṭhāsavo avijjāsavo diṭṭhāsavaṁ
Paṭicca kāmāsavo avijjāsavo avijjāsavaṁ paṭicca kāmāsavo
diṭṭhāsavo bhavāsavaṁ paṭicca avijjāsavo diṭṭhāsavaṁ paṭicca avijjāsavo
ekekampi cakkaṁ kātabbaṁ. Āsavaṁ dhammaṁ paṭicca noāsavo
dhammo uppajjati hetupaccayā: āsavaṁ paṭicca āsavasampayuttakā
khandhā cittasamuṭṭhānañca rūpaṁ. Āsavaṁ dhammaṁ paṭicca āsavo ca
noāsavo ca dhammā uppajjanti hetupaccayā: kāmāsavaṁ paṭicca
diṭṭhāsavo avijjāsavo sampayuttakā ca khandhā cittasamuṭṭhānañca
rūpaṁ. Cakkaṁ bandhitabbaṁ. Noāsavaṁ dhammaṁ paṭicca noāsavo dhammo
uppajjati hetupaccayā: noāsavaṁ ekaṁ khandhaṁ paṭicca tayo khandhā
cittasamuṭṭhānaṁ rūpaṁ dve khandhā ... Paṭisandhikkhaṇe khandhe paṭicca
vatthu vatthuṁ paṭicca khandhā ekaṁ mahābhūtaṁ ... Mahābhūte paṭicca ...
Cittasamuṭṭhānaṁ rūpaṁ kaṭattārūpaṁ upādārūpaṁ. Noāsavaṁ dhammaṁ paṭicca
āsavo dhammo uppajjati hetupaccayā: noāsave khandhe paṭicca
cattāro āsavā. Noāsavaṁ dhammaṁ paṭicca āsavo ca noāsavo ca
dhammā uppajjanti hetupaccayā: noāsavaṁ ekaṁ khandhaṁ paṭicca
tayo khandhā āsavā ca cittasamuṭṭhānañca rūpaṁ dve khandhe ....
Āsavañca noāsavañca dhammaṁ paṭicca āsavo dhammo uppajjati
hetupaccayā: kāmāsavañca sampayuttake ca khandhe paṭicca diṭṭhāsavo
avijjāsavo. Cakkaṁ bandhitabbaṁ. Āsavañca noāsavañca dhammaṁ
paṭicca noāsavo dhammo uppajjati hetupaccayā: noāsavaṁ ekaṁ
Khandhañca āsave ca paṭicca tayo khandhā cittasamuṭṭhānañca rūpaṁ
dve khandhe .... Āsavañca noāsavañca dhammaṁ paṭicca āsavo ca
noāsavo ca dhammā uppajjanti hetupaccayā: noāsavaṁ ekaṁ
khandhañca kāmāsavañca paṭicca tayo khandhā diṭṭhāsavo avijjāsavo
cittasamuṭṭhānañca rūpaṁ dve khandhe .... Cakkaṁ. Saṅkhittaṁ.

[330] Hetuyā nava ārammaṇe nava sabbattha nava vipāke
ekaṁ āhāre nava avigate nava.
Anulomaṁ niṭṭhitaṁ.

[331] Noāsavaṁ dhammaṁ paṭicca noāsavo dhammo uppajjati
nahetupaccayā: ahetukaṁ noāsavaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Ahetukapaṭisandhikkhaṇe
khandhe paṭicca vatthu vatthuṁ paṭicca khandhā ekaṁ mahābhūtaṁ ...
Yāva asaññasattā. Noāsavaṁ dhammaṁ paṭicca āsavo dhammo
uppajjati nahetupaccayā: vicikicchāsahagate uddhaccasahagate khandhe
paṭicca vicikicchāsahagato uddhaccasahagato moho.

[332] Āsavaṁ dhammaṁ paṭicca noāsavo dhammo uppajjati
nāarammaṇapaccayā: āsave paṭicca cittasamuṭṭhānaṁ rūpaṁ. Noāsavaṁ
dhammaṁ paṭicca noāsavo dhammo uppajjati nāarammaṇapaccayā:
noāsave khandhe paṭicca cittasamuṭṭhānaṁ rūpaṁ paṭisandhikkhaṇe
khandhe paṭicca vatthu ekaṁ mahābhūtaṁ ... Yāva asaññasattā.
Āsavañca noāsavañca dhammaṁ paṭicca noāsavo dhammo
uppajjati nāarammaṇapaccayā: āsave ca sampayuttake ca khandhe
paṭicca cittasamuṭṭhānaṁ rūpaṁ. Saṅkhittaṁ.

[333] Nahetuyā dve nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte nava napacchājāte nava nāasevane
nava nakamme tīṇi navipāke nava nāahāre ekaṁ
naindriye ekaṁ najhāne ekaṁ namagge ekaṁ nasampayutte
tīṇi navippayutte nava nonatthiyā tīṇi novigate tīṇi.
Paccanīyaṁ niṭṭhitaṁ.

[334] Hetupaccayā nāarammaṇe tīṇi ... Nādhipatiyā nava
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte nava napacchājāte nava nāasevane nava
nakamme tīṇi navipāke nava nasampayutte tīṇi navippayutte nava
nonatthiyā tīṇi novigate tīṇi.
Anulomapaccanīyaṁ niṭṭhitaṁ.