พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake mahāvibhaṅgassa paṭhamo bhāgo (เล่ม 1)

[340] Nīlaṁ mocessāmīti ceteti upakkamati sappivaṇṇaṁ muccati
āpatti saṅghādisesassa. Pītakaṁ lohitakaṁ odātaṁ takkavaṇṇaṁ
Dakavaṇṇaṁ telavaṇṇaṁ khīravaṇṇaṁ. Dadhivaṇṇaṁ mocessāmīti ceteti
upakkamati sappivaṇṇaṁ muccati āpatti saṅghādisesassa.
Piṭṭhicakkassa dasamaṁ gamanaṁ niṭṭhitaṁ.
Piṭṭhicakkaṁ niṭṭhitaṁ 1 .

Vinayapiṭake mahāvibhaṅgassa paṭhamo bhāgo (เล่ม 1)

[341] ceteti upakkamati muccati āpatti saṅghādisesassa.
Ceteti upakkamati na muccati āpatti thullaccayassa. Ceteti na
upakkamati muccati anāpatti. Ceteti na upakkamati na muccati
anāpatti. Na ceteti upakkamati muccati anāpatti. Na ceteti
upakkamati na muccati anāpatti. Na ceteti na upakkamati muccati
anāpatti. Na ceteti na upakkamati na muccati anāpatti.

Vinayapiṭake mahāvibhaṅgassa paṭhamo bhāgo (เล่ม 1)

[342] Anāpatti supinantena namocanādhippāyassa ummatta
kassa khittacittassa vedanaṭṭassa ādikammikassāti.

Vinayapiṭake mahāvibhaṅgassa paṭhamo bhāgo (เล่ม 1)

[343] Supinoccārapassāvo vitakkuṇhodakena ca
bhesajjaṁ kaṇḍuvaṁ maggo vatthi jantāgharaṁ ūru 2
sāmaṇero ca sutto ca ūru muṭṭhinā pīḷayi
ākāse thambhaṁ nijjhāyi chiddaṁ kaṭṭhena ghaṭṭayi
1 Yu. Ma. piṭṭhicakkapeyyālo niṭṭhito. tesu tesu potthakesu
āgato peyyālavidhi yebhuyyena visadiso hoti katthaci saṅkhitto katthaci
vitthāro. tadatthikena tato tato pariyesitabbaṁ. 2 Yu. Ma. vatthiṁ jantāgharupakkamo.
Sote udañjalaṁ dhāvaṁ pupphāvaḷiya pokkharaṁ
vālikā kaddamusseko 1 sayanaṅguṭṭhakena cāti.

Vinayapiṭake mahāvibhaṅgassa paṭhamo bhāgo (เล่ม 1)

[344] Tena kho pana samayena aññatarassa bhikkhuno supinantena
asuci mucci. Tassa kukkuccaṁ ahosi kacci nu kho ahaṁ saṅghādisesaṁ
āpattiṁ āpannoti. Athakho so bhikkhu bhagavato etamatthaṁ
ārocesi. Anāpatti bhikkhu supinantenāti.

Vinayapiṭake mahāvibhaṅgassa paṭhamo bhāgo (เล่ม 1)

[345] Tena kho pana samayena aññatarassa bhikkhuno uccāraṁ
karontassa asuci mucci. Tassa kukkuccaṁ ahosi kacci nu kho ahaṁ
saṅghādisesaṁ āpattiṁ āpannoti. Bhagavato etamatthaṁ ārocesi.
Kiṁcitto tvaṁ bhikkhūti. Nāhaṁ bhagavā mocanādhippāyoti. Anāpatti
bhikkhu namocanādhippāyassāti.

Vinayapiṭake mahāvibhaṅgassa paṭhamo bhāgo (เล่ม 1)

[346] Tena kho pana samayena aññatarassa bhikkhuno passāvaṁ
karontassa asuci mucci. Tassa kukkuccaṁ ahosi .pe. Anāpatti
bhikkhu namocanādhippāyassāti.

Vinayapiṭake mahāvibhaṅgassa paṭhamo bhāgo (เล่ม 1)

[347] Tena kho pana samayena aññatarassa bhikkhuno kāmavitakkaṁ
vitakkentassa asuci mucci. Tassa kukkuccaṁ ahosi .pe. Anāpatti
bhikkhu kāmavitakkaṁ 2 vitakkentassāti.

Vinayapiṭake mahāvibhaṅgassa paṭhamo bhāgo (เล่ม 1)

[348] Tena kho pana samayena aññatarassa bhikkhuno uṇhodakena
nahāyantassa asuci mucci. Tassa kukkuccaṁ ahosi .pe.
1 Yu. kaddamudako. 2 Yu. Ma. potthakesu ayaṁ pāṭho na hoti.
Kiṁcitto tvaṁ bhikkhūti. Nāhaṁ bhagavā mocanādhippāyoti. Anāpatti
bhikkhu namocanādhippāyassāti. Tena kho pana samayena aññatarassa
bhikkhuno mocanādhippāyassa uṇhodakena nahāyantassa asuci mucci.
Tassa kukkuccaṁ ahosi .pe. Āpattiṁ tvaṁ bhikkhu āpanno
saṅghādisesanti. Tena kho pana samayena aññatarassa bhikkhuno
mocanādhippāyassa uṇhodakena nahāyantassa asuci na mucci.
Tassa kukkuccaṁ ahosi .pe. Anāpatti bhikkhu saṅghādisesassa
āpatti thullaccayassāti.

Vinayapiṭake mahāvibhaṅgassa paṭhamo bhāgo (เล่ม 1)

[349] Tena kho pana samayena aññatarassa bhikkhuno aṅgajāte
vaṇo hoti. Bhesajjena ālimpantassa asuci mucci.
Tassa kukkuccaṁ ahosi kacci nu kho ahaṁ saṅghādisesaṁ āpattiṁ
āpannoti. Bhagavato etamatthaṁ ārocesi. Kiṁcitto tvaṁ
bhikkhūti. Nāhaṁ bhagavā mocanādhippāyoti. Anāpatti bhikkhu
namocanādhippāyassāti. Tena kho pana samayena aññatarassa
bhikkhuno aṅgajāte vaṇo hoti. Tassa mocanādhippāyassa
bhesajjena ālimpantassa asuci mucci .pe. Asuci na mucci.
Tassa kukkuccaṁ ahosi .pe. Anāpatti bhikkhu saṅghādisesassa
āpatti thullaccayassāti.