[95] Sahetuko dhammo sahetukassa dhammassa sampayuttapaccayena
paccayo: paṭiccavāre sampayuttasadisā cha pañhā.

[96] Sahetuko dhammo ahetukassa dhammassa vippayuttapaccayena
paccayo: sahajātaṁ pacchājātaṁ. Sahajātā: sahetukā khandhā
cittasamuṭṭhānānaṁ rūpānaṁ vippayuttapaccayena paccayo paṭisandhikkhaṇe
sahetukā khandhā kaṭattārūpānaṁ vippayuttapaccayena paccayo. Pacchājātā:
sahetukā khandhā purejātassa imassa kāyassa vippayuttapaccayena
Paccayo. Ahetuko dhammo ahetukassa dhammassa vippayuttapaccayena
paccayo: sahajātaṁ purejātaṁ pacchājātaṁ. Sahajātā:
ahetukā khandhā cittasamuṭṭhānānaṁ rūpānaṁ vippayuttapaccayena paccayo
paṭisandhikkhaṇe ahetukā khandhā kaṭattārūpānaṁ vippayuttapaccayena
paccayo khandhā vatthussa vippayuttapaccayena paccayo vatthu
khandhānaṁ vippayuttapaccayena paccayo. Purejātaṁ: cakkhāyatanaṁ
cakkhuviññāṇassa kāyāyatanaṁ kāyaviññāṇassa vatthu ahetukānaṁ
khandhānaṁ mohassa ca vippayuttapaccayena paccayo. Pacchājātā:
ahetukā khandhā ca moho ca purejātassa imassa kāyassa vippayuttapaccayena
paccayo. Ahetuko dhammo sahetukassa dhammassa vippayuttapaccayena
paccayo: sahajātaṁ purejātaṁ. Sahajātaṁ: paṭisandhikkhaṇe
vatthu sahetukānaṁ khandhānaṁ vippayuttapaccayena paccayo. Purejātaṁ:
vatthu sahetukānaṁ khandhānaṁ vippayuttapaccayena paccayo. Ahetuko
dhammo sahetukassa ca ahetukassa ca dhammassa vippayuttapaccayena
paccayo: purejātaṁ: vatthu vicikicchāsahagatānaṁ uddhaccasahagatānaṁ
khandhānaṁ mohassa ca vippayuttapacacyena paccayo. Sahetuko ca
ahetuko ca dhammā ahetukassa dhammassa vippayuttapaccayena paccayo:
sahajātaṁ pacchājātaṁ. Sahajātā: vicikicchāsahagatā uddhaccasahagatā
khandhā ca moho ca cittasamuṭṭhānānaṁ rūpānaṁ vippayuttapaccayena
paccayo. Pacchājātā: vicikicchāsahagatā uddhaccasahagatā khandhā ca
Moho ca purejātassa imassa kāyassa vippayuttapaccayena paccayo.

[97] Sahetuko dhammo sahetukassa dhammassa atthipaccayena
paccayo: sahetuko eko khandho tiṇṇannaṁ khandhānaṁ ... Dve
khandhā ... Paṭisandhikkhaṇe .... Sahetuko dhammo ahetukassa dhammassa
atthipaccayena paccayo: sahajātaṁ pacchājātaṁ. Sahajātā: sahetukā
khandhā cittasamuṭṭhānānaṁ rūpānaṁ atthipaccayena paccayo vicikicchāsahagatā
uddhaccasahagatā khandhā mohassa ca cittasamuṭṭhānānañca
rūpānaṁ atthipaccayena paccayo paṭisandhikkhaṇe .... Pacchājātā:
sahetukā khandhā purejātassa imassa kāyassa atthipaccayena paccayo.
Sahetuko dhammo sahetukassa ca ahetukassa ca dhammassa atthipaccayena
paccayo: sahetuko eko khandho tiṇṇannaṁ khandhānaṁ
cittasamuṭṭhānānañca rūpānaṁ atthipaccayena paccayo vicikicchāsahagato
uddhaccasahagato eko khandho tiṇṇannaṁ khandhānaṁ mohassa ca cittasamuṭṭhānānañca
rūpānaṁ atthipaccayena paccayo dve khandhā ... Paṭisandhikkhaṇe ....
Ahetuko dhammo ahetukassa dhammassa atthipaccayena
paccayo: sahajātaṁ purejātaṁ pacchājātaṁ āhāraṁ indriyaṁ. Sahajāto:
ahetuko eko khandho tiṇṇannaṁ khandhānaṁ cittasamuṭṭhānānañca rūpānaṁ
atthipaccayena paccayo dve khandhā ... Vicikicchāsahagato uddhaccasahagato
moho cittasamuṭṭhānānañca rūpānaṁ atthipaccayena paccayo
paṭisandhi. Yāva asaññasattā kātabbaṁ. Purejātaṁ: cakkhuṁ ...
Vatthuṁ aniccato ... Domanassaṁ uppajjati kusalākusale niruddhe ahetuko
vipāko tadārammaṇatā uppajjati rūpāyatanaṁ cakkhuviññāṇassa
phoṭṭhabbāyatanaṁ kāyaviññāṇassa cakkhāyatanaṁ cakkhuviññāṇassa
kāyāyatanaṁ kāyaviññāṇassa atthipaccayena paccayo vatthu ahetukānaṁ
khandhānaṁ mohassa ca atthipaccayena paccayo. Pacchājātā: ahetukā
khandhā ca moho ca purejātassa imassa kāyassa atthipaccayena paccayo
kabaḷiṁkāro āhāro imassa kāyassa atthipaccayena paccayo rūpajīvitindriyaṁ
kaṭattārūpānaṁ atthipaccayena paccayo. Ahetuko dhammo
sahetukassa dhammassa atthipaccayena paccayo: sahajātaṁ purejātaṁ.
Sahajāto: vicikicchāsahagato uddhaccasahagato moho sampayuttakānaṁ
khandhānaṁ atthipaccayena paccayo paṭisandhikkhaṇe vatthu sahetukānaṁ
khandhānaṁ atthipaccayena paccayo. Purejātaṁ: cakkhuṁ ... Vatthuṁ
aniccato ... Domanassaṁ uppajjati kusalākusale niruddhe sahetuko
vipāko tadārammaṇatā uppajjati dibbena cakkhunā rūpaṁ passati
dibbāya sotadhātuyā saddaṁ suṇāti vatthu sahetukānaṁ khandhānaṁ
atthipaccayena paccayo. Ahetuko dhammo sahetukassa ca ahetukassa
ca dhammassa atthipaccayena paccayo: sahajātaṁ purejātaṁ.
Sahajāto: vicikicchāsahagato uddhaccasahagato moho sampayuttakānaṁ
khandhānaṁ cittasamuṭṭhānānañca rūpānaṁ atthipaccayena paccayo. Purejātaṁ:
cakkhuṁ ... Vatthuṁ ārabbha vicikicchāsahagatā uddhaccasahagatā
Khandhā ca moho ca uppajjanti vatthu vicikicchāsahagatānaṁ uddhaccasahagatānaṁ
khandhānaṁ mohassa ca atthipaccayena paccayo. Sahetuko ca
ahetuko ca dhammā sahetukassa dhammassa atthipaccayena paccayo:
sahajātaṁ purejātaṁ. Sahajāto: vicikicchāsahagato uddhaccasahagato
eko khandho ca moho ca tiṇṇannaṁ khandhānaṁ atthipaccayena paccayo
dve khandhā ... Paṭisandhikkhaṇe sahetuko eko khandho ca vatthu ca
tiṇṇannaṁ khandhānaṁ atthipaccayena paccayo dve khandhā .... Sahajāto:
sahetuko eko khandho ca vatthu ca tiṇṇannaṁ khandhānaṁ
atthipaccayena paccayo dve khandhā .... Sahetuko ca ahetuko ca
dhammā ahetukassa dhammassa atthipaccayena paccayo: sahajātaṁ
purejātaṁ pacchājātaṁ āhāraṁ indriyaṁ. Sahajātā: sahetukā
khandhā ca mahābhūtā ca cittasamuṭṭhānānaṁ rūpānaṁ atthipaccayena paccayo
vicikicchāsahagatā uddhaccasahagatā khandhā ca moho ca cittasamuṭṭhānānaṁ
rūpānaṁ atthipaccayena paccayo paṭisandhikkhaṇe sahetukā khandhā ca
mahābhūtā ca kaṭattārūpānaṁ atthipaccayena paccayo. Sahajātā:
vicikicchāsahagatā uddhaccasahagatā khandhā ca vatthu ca mohassa atthipaccayena
paccayo. Pacchājātā: vicikicchāsahagatā uddhaccasahagatā
khandhā ca moho ca purejātassa imassa kāyassa atthipaccayena
paccayo pacchājātā: sahetukā khandhā ca kabaḷiṁkāro
āhāro ca imassa kāyassa atthipaccayena paccayo pacchājātā:
Sahetukā khandhā ca rūpajīvitindriyañca kaṭattārūpānaṁ atthipaccayena
paccayo. Sahetuko ca ahetuko ca dhammā sahetukassa ca ahetukassa
ca dhammassa atthipaccayena paccayo: sahajātaṁ purejātaṁ.
Sahajāto: vicikicchāsahagato uddhaccasahagato eko khandho ca
moho ca tiṇṇannaṁ khandhānaṁ cittasamuṭṭhānānañca rūpānaṁ atthipaccayana
paccayo. Sahajāto: vicikicchāsahagato uddhaccasahagato
eko khandho ca vatthu ca tiṇṇannaṁ khandhānaṁ mohassa ca atthipaccayena
paccayo dve khandhā ....

[98] Hetuyā cha ārammaṇe nava adhipatiyā cattāri anantare
nava samanantare nava sahajāte nava aññamaññe cha nissaye nava
upanissaye nava purejāte tīṇi pacchājāte tīṇi āsevane nava
kamma cattāri vipāke cattāri āhāre cattāri indriye
cattāri jhāne cattāri magge tīṇi sampayutte cha vippayutte
pañca atthiyā nava natthiyā nava vigate nava avigate nava.
Evaṁ gaṇetabbaṁ.
Anulomaṁ niṭṭhitaṁ.

[99] Sahetuko dhammo sahetukassa dhammassa ārammaṇapaccayena
paccayo: sahajātapaccayena paccayo: upanissayapaccayena paccayo:
kammapaccayena paccayo:. Sahetuko dhammo ahetukassa dhammassa
ārammaṇapaccayena paccayo: sahajātapaccayena paccayo: upanissayapaccayena
Paccayo: pacchājātapaccayena paccayo: kammapaccayena
paccayo:. Sahetuko dhammo sahetukassa ca ahetukassa ca
dhammassa ārammaṇapaccayena paccayo: sahajātapaccayena paccayo:
upanissayapaccayena paccayo: kammapaccayena paccayo:. Ahetuko
dhammo ahetukassa dhammassa ārammaṇapaccayena paccayo: sahajātapaccayena
paccayo: upanissayapaccayena paccayo: purejātapaccayena
paccayo: pacchājātapaccayena paccayo: āhārapaccayena paccayo:
indriyapaccayena paccayo:. Ahetuko dhammo sahetukassa dhammassa
ārammaṇapaccayena paccayo: sahajātapaccayena paccayo: upanissayapaccayena
paccayo: purejātapaccayena paccayo:. Ahetuko
dhammo sahetukassa ca ahetukassa ca dhammassa ārammaṇapaccayena
paccayo: sahajātapaccayena paccayo: upanissayapaccayena paccayo:
purejātapaccayena paccayo:. Sahetuko ca ahetuko ca dhammā
sahetukassa dhammassa ārammaṇapaccayena paccayo: sahajātapaccayena
paccayo: upanissayapaccayena paccayo:. Sahetuko ca ahetuko ca
dhammā ahetukassa dhammassa ārammaṇapaccayena paccayo: sahajātapaccayena
paccayo: upanissayapaccayena paccayo: pacchājātapaccayena
paccayo:. Sahetuko ca ahetuko ca dhammā sahetukassa ca
ahetukassa ca dhammassa ārammaṇapaccayena paccayo: sahajātapaccayena
paccayo: upanissayapaccayena paccayo:.

[100] Nahetuyā nava. Saṅkhittaṁ. Sabbattha nava noavigate
nava. Evaṁ gaṇetabbaṁ.
Paccanīyaṁ niṭṭhitaṁ.

[101] Hetupaccayā nāarammaṇe cha ... Nādhipatiyā cha nānantare
cha nasamanantare cha nāññamaññe dve naupanissaye cha. Saṅkhittaṁ.
... Namagge cha nasampayutte dve navippayutte dve nonatthiyā cha
novigate cha. Evaṁ gaṇetabbaṁ.
Anulomapaccanīyaṁ niṭṭhitaṁ.

[102] Nahetupaccayā ārammaṇe nava ... Adhipatiyā cattāri
anantare nava samanantare nava sahajāte nava aññamaññe cha
nissaye nava upanissaye nava purejāte tīṇi pacchājāte tīṇi
āsevane nava kamme cattāri vipāke cattāri āhāre cattāri
indriye cattāri jhāne cattāri magge tīṇi sampayutte cha
vippayutte pañca atthiyā nava natthiyā nava vigate nava avigate
nava evaṁ gaṇetabbaṁ.
Paccanīyānulomaṁ niṭṭhitaṁ.
Sahetukadukaṁ niṭṭhitaṁ.
----------------------
Hetusampayuttadukaṁ
paṭiccavāro

[103] Hetusampayuttaṁ dhammaṁ paṭicca hetusampayutto dhammo
uppajjati hetupaccayā: hetusampayuttaṁ ekaṁ khandhaṁ paṭicca tayo
khandhā dve khandhe ... Paṭisandhikkhaṇe .... Hetusampayuttaṁ dhammaṁ
paṭicca hetuvippayutto dhammo uppajjati hetupaccayā: hetusampayutte
khandhe paṭicca cittasamuṭṭhānaṁ rūpaṁ paṭisandhikkhaṇe ....
Iminā kāraṇena vitthāretabbaṁ. Yathā sahetukadukaṁ ninnānākaraṇaṁ.
Hetusampayuttadukaṁ niṭṭhitaṁ.
---------------
Hetusahetukadukaṁ
paṭiccavāro

[104] Hetuñcevasahetukañca dhammaṁ paṭicca hetucevasahetukoca
dhammo uppajjati hetupaccayā: alobhaṁ paṭicca adoso amoho.
Cakkaṁ bandhitabbaṁ. Lobhaṁ paṭicca moho. Cakkaṁ bandhitabbaṁ.
Paṭisandhikkhaṇe alobhaṁ paṭicca adoso amoho. Cakkaṁ bandhitabbaṁ.
Hetuñcevasahetukañca dhammaṁ paṭicca sahetukocevanacahetu dhammo
uppajjati hetupaccayā: hetuṁ paṭicca sampayuttakā khandhā
paṭisandhikkhaṇe .... Hetuñcevasahetukañca dhammaṁ paṭicca hetucevasahetukoca
Sahetukocevanacahetu ca dhammā uppajjanti hetupaccayā:
alobhaṁ paṭicca adoso amoho sampayuttakā ca khandhā. Cakkaṁ
bandhitabbaṁ. Lobhaṁ paṭicca moho sampayuttakā ca khandhā. Cakkaṁ
bandhitabbaṁ. Paṭisandhikkhaṇe .... Sahetukañcevanacahetuṁ dhammaṁ paṭicca
sahetukocevanacahetu dhammo uppajjati hetupaccayā: sahetukañcanacahetuṁ
ekaṁ khandhaṁ paṭicca tayo khandhā dve khandhe ... Paṭisandhikkhaṇe ....
Sahetukañcevanacahetuṁ dhammaṁ paṭicca hetucevasahetukoca
dhammo uppajjati hetupaccayā: sahetukecevanacahetū khandhe paṭicca
hetu paṭisandhikkhaṇe .... Sahetukañcevanacahetuṁ dhammaṁ paṭicca
hetucevasahetukoca sahetukocevanacahetu ca dhammā uppajjanti
hetupaccayā: sahetukañcevanacahetuṁ ekaṁ khandhaṁ paṭicca tayo khandhā
hetu ca dve khandhe ... Paṭisandhikkhaṇe .... Hetuñcevasahetukañca
sahetukañcevanacahetuñca dhammaṁ paṭicca hetucevasahetukoca dhammo
uppajjati hetupaccayā: alobhañca sampayuttake ca khandhe paṭicca
adoso amoho. Cakkaṁ bandhitabbaṁ. Lobhañca sampayuttake ca
khandhe paṭicca moho. Cakkaṁ bandhitabbaṁ. Paṭisandhikkhaṇe ....
Hetuñcevasahetukañca sahetukañcevanacahetuñca dhammaṁ paṭicca
sahetukocevanacahetu dhammo uppajjati hetupaccayā: sahetukañcevanacahetuṁ
ekaṁ khandhañca hetuñca paṭicca tayo khandhā dve khandhe ...
Paṭisandhikkhaṇe .... Hetuñcevasahetukañca sahetukañcevanacahetuñca
Dhammaṁ paṭicca hetucevasahetukoca sahetukocevanacahetu ca dhammā
uppajjanti hetupaccayā: sahetukañcevanacahetuṁ ekaṁ khandhañca
alobhañca paṭicca tayo khandhā adoso amoho ca dve khandhe ...
Paṭisandhikkhaṇe .... Saṅkhittaṁ. Evaṁ vitthāretabbaṁ.