[1854] Maggārammaṇo ca maggādhipati ca dhammā
maggārammaṇassa ca maggādhipatissa ca dhammassa upanissayapaccayena
paccayo anantarūpanissayo pakatūpanissayo. Pakatūpanissayo:
paccavekkhaṇā paccavekkhaṇāya upanissayapaccayena paccayo.

[1855] Maggahetuko ca maggādhipati ca dhammā maggārammaṇassa
dhammassa upanissayapaccayena paccayo. Ārammaṇūpanissayo: ariyā
maggā vuṭṭhahitvā maggaṁ garuṁ katvā paccavekkhanti.

[1856] Maggahetuko ca maggādhipati ca dhammā maggahetukassa
dhammassa upanissayapaccayena paccayo. Pakatūpanissayo: paṭhamo
maggo dutiyassa maggassa tatiyo maggo catutthassa maggassa
upanissayapaccayena paccayo.

[1857] Maggahetuko ca maggādhipati ca dhammā maggādhipatissa
dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: paṭhamo maggo dutiyassa
maggassa tatiyo maggo catutthassa maggassa upanissayapaccayena
Paccayo.

[1858] Maggahetuko ca maggādhipati ca dhammā maggārammaṇassa ca
maggādhipatissa ca dhammassa upanissayapaccayena paccayo. Ārammaṇūpanissayo:
ariyā maggā vuṭṭhahitvā maggaṁ garuṁ katvā paccavekkhanti.

[1859] Maggahetuko ca maggādhipati ca dhammā maggahetukassa ca
maggādhipatissa ca dhammassa upanissayapaccayena paccayo. Pakatūpanissayo:
paṭhamo maggo dutiyassa maggassa tatiyo maggo
catutthassa maggassa upanissayapaccayena paccayo.

[1860] Maggārammaṇo dhammo maggārammaṇassa dhammassa
āsevanapaccayena paccayo purimā purimā maggārammaṇā khandhā
pacchimānaṁ pacchimānaṁ maggārammaṇānaṁ khandhānaṁ āsevanapaccayena paccayo.

[1861] Maggārammaṇo dhammo maggādhipatissa dhammassa
āsevanapaccayena paccayo. Anantarasadisaṁ nava pañhā
kātabbā. Āvajjanā na kātabbā.

[1862] Maggārammaṇo dhammo maggārammaṇassa dhammassa
kammapaccayena paccayo sahajātapaccayena paccayo nānākhaṇikā natthi
sattarasa pañhā kātabbā. Maggārammaṇo dhammo maggārammaṇassa
dhammassa āhārapaccayena paccayo indriyapaccayena
paccayo jhānapaccayena paccayo maggapaccayena paccayo
sampayuttapaccayena paccayo atthipaccayena paccayo. Ime satta
Paccayā sattarasapañhā hetusadisā. Natthipaccayena paccayo vigatapaccayena
paccayo anantarasadisā. Avigatapaccayena paccayo sattarasa
pañhā.

[1863] Hetuyā sattarasa ārammaṇe nava adhipatiyā ekavīsa
anantare nava samanantare nava sahajāte sattarasa aññamaññe
sattarasa nissaye sattarasa upanissaye ekavīsa āsevane nava
kamme sattarasa āhāre indriye jhāne magge sampayutte
sattarasa atthiyā sattarasa natthiyā nava vigate nava avigate
sattarasa. Evaṁ gaṇetabbaṁ.
Anulomaṁ