[1794] Hetupaccayā nādhipatiyā sattarasa ... Napurejāte sattarasa
napacchājāte sattarasa nāasevane nakamme nava navipāke navippayutte
sattarasa. Evaṁ gaṇetabbaṁ.
Anulomapaccanīyaṁ.

[1795] Nahetupaccayā ārammaṇe ekaṁ ... Anantare ekaṁ
samanantare ekaṁ. Saṅkhittaṁ. Sabbattha ekaṁ. Jhāne sampayutte
vippayutte natthiyā vigate avigate ekaṁ. Evaṁ gaṇetabbaṁ.
Paccanīyānulomaṁ.
Paṭiccavāro niṭṭhito.
Sahajātavāropi paccayavāropi nissayavāropi saṁsaṭṭhavāropi
sampayuttavāropi paṭiccavārasadiso.
Pañhāvāro

[1796] Maggārammaṇo dhammo maggārammaṇassa dhammassa
hetupaccayena paccayo maggārammaṇā hetū sampayuttakānaṁ khandhānaṁ
hetupaccayena paccayo .pe.

[1797] Maggārammaṇo dhammo maggādhipatissa dhammassa
hetupaccayena paccayo maggārammaṇā hetū sampayuttakānaṁ
maggādhipatīnaṁ khandhānaṁ hetupaccayena paccayo.

[1798] Maggārammaṇo dhammo maggārammaṇassa ca
maggādhipatissa ca dhammassa hetupaccayena paccayo .pe. Iminā kāraṇena
sattarasa pañhā kātabbā.

[1799] Maggahetuko dhammo maggārammaṇassa dhammassa
ārammaṇapaccayena paccayo ariyā maggā vuṭṭhahitvā maggaṁ
paccavekkhanti cetopariyañāṇena maggahetukacittasamaṅgissa cittaṁ jānanti
maggahetukā khandhā cetopariyañāṇassa pubbenivāsānussatiñāṇassa
anāgataṁsañāṇassa āvajjanāya ārammaṇapaccayena paccayo

[1800] Maggahetuko dhammo maggādhipatissa dhammassa
ārammaṇapaccayena paccayo ariyā maggā vuṭṭhahitvā maggaṁ
garuṁ katvā paccavekkhanti.

[1801] Maggahetuko dhammo maggārammaṇassa ca maggādhipatissa ca
dhammassa ārammaṇapaccayena paccayo ariyā maggā vuṭṭhahitvā maggaṁ
Garuṁ katvā paccavekkhanti.

[1802] Maggādhipati dhammo maggādhipatissa dhammassa
ārammaṇapaccayena paccayo ariyā maggā vuṭṭhahitvā maggaṁ
garuṁ katvā paccavekkhanti.

[1803] Maggādhipati dhammo maggārammaṇassa dhammassa
ārammaṇapaccayena paccayo ariyā maggā vuṭṭhahitvā maggaṁ
paccavekkhanti cetopariyañāṇena maggādhipaticittasamaṅgissa cittaṁ jānanti
maggādhipatī khandhā cetopariyañāṇassa pubbenivāsānussatiñāṇassa
anāgataṁsañāṇassa āvajjanāya ārammaṇapaccayena paccayo.