พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[1714] Sammattaniyato dhammo aniyatassa dhammassa upanissayapaccayena
Paccayo. Ārammaṇūpanissayo anantarūpanissayo pakatūpanissayo.
Pakatūpanissayo: ariyā maggaṁ upanissāya anuppannaṁ
samāpattiṁ uppādenti uppannaṁ samāpajjanti saṅkhāre aniccato
dukkhato anattato vipassanti maggo ariyānaṁ atthapaṭisambhidāya ...
Ṭhānāṭhānakosallassa upanissayapaccayena paccayo maggo phala
samāpattiyā upanissayapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1715] Aniyato dhammo aniyatassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: aniyataṁ saddhaṁ upanissāya dānaṁ deti sīlaṁ ... Uposathakammaṁ ...
Jhānaṁ ... Abhiññaṁ ... Samāpattiṁ ... Mānaṁ ... Diṭṭhiṁ gaṇhāti
aniyataṁ sīlaṁ ... Sutaṁ cāgaṁ paññaṁ rāgaṁ patthanaṁ kāyikaṁ sukhaṁ kāyikaṁ dukkhaṁ
utuṁ bhojanaṁ ... Senāsanaṁ upanissāya dānaṁ deti ... Nigamaghātaṁ karoti
aniyatā saddhā ... Paññā ... Rāgo ... Senāsanaṁ aniyatāya saddhāya
kāyikassa sukhassa kāyikassa dukkhassa phalasamāpattiyā upanissayapaccayena
paccayo paṭhamassa jhānassa parikammaṁ tasseva nevasaññānāsaññāyatanassa
parikammaṁ tasseva paṭhamaṁ jhānaṁ dutiyassa jhānassa
ākiñcaññāyatanaṁ nevasaññānāsaññāyatanassa pāṇātipāto
pāṇātipātassa upanissayapaccayena paccayo. Cakkaṁ kātabbaṁ.

Abhidhammapiṭake paṭṭhānaṁ dutiyo bhāgo (เล่ม 41)

[1716] Aniyato dhammo micchattaniyatassa dhammassa upanissayapaccayena
paccayo anantarūpanissayo pakatūpanissayo. Pakatūpanissayo:
Aniyataṁ rāgaṁ upanissāya mātaraṁ jīvitā voropeti ... Saṅghaṁ bhindati
aniyataṁ dosaṁ ... Patthanaṁ ... Kāyikaṁ sukhaṁ ... Senāsanaṁ upanissāya mātaraṁ
jīvitā voropeti ... Saṅghaṁ bhindati aniyato rāgo ... Senāsanaṁ
mātughātakammassa pitughātakammassa arahantaghātakammassa ruhiruppādakammassa
saṅghabhedakammassa niyatamicchādiṭṭhiyā upanissayapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1717] Aniyato dhammo sammattaniyatassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: paṭhamassa maggassa parikammaṁ paṭhamassa
maggassa catutthassa maggassa parikammaṁ catutthassa maggassa upanissayapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1718] Aniyato dhammo aniyatassa dhammassa purejātapaccayena
paccayo ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Vatthuṁ aniccato ... Vipassati assādeti abhinandati taṁ
ārabbha aniyato rāgo uppajjati dibbena cakkhunā rūpaṁ ... Dibbāya
sotadhātuyā saddaṁ suṇāti rūpāyatanaṁ cakkhuviññāṇassa
phoṭṭhabbāyatanaṁ kāyaviññāṇassa purejātapaccayena paccayo. Vatthupurejātaṁ:
cakkhāyatanaṁ cakkhuviññāṇassa kāyāyatanaṁ ... Vatthu aniyatānaṁ
khandhānaṁ purejātapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1719] Aniyato dhammo micchattaniyatassa dhammassa purejātapaccayena
Paccayo ārammaṇapurejātaṁ vatthupurejātaṁ. Ārammaṇapurejātaṁ:
rūpajīvitindriyaṁ mātughātakammassa pitughātakammassa arahantaghātakammassa
ruhiruppādakammassa .pe. Purejātapaccayena paccayo.
Vatthupurejātaṁ: vatthu micchattaniyatānaṁ khandhānaṁ purejātapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1720] Aniyato dhammo sammattaniyatassa dhammassa purejātapaccayena
paccayo. Vatthupurejātaṁ: vatthu sammattaniyatānaṁ khandhānaṁ
purejātapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1721] Micchattaniyato dhammo aniyatassa dhammassa pacchājātapaccayena
paccayo. Pacchājātā: micchattaniyatā khandhā purejātassa
imassa kāyassa pacchājātapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1722] Sammattaniyato dhammo aniyatassa dhammassa pacchājātapaccayena
paccayo. Pacchājātā: sammattaniyatā khandhā purejātassa
imassa kāyassa pacchājātapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1723] Aniyato dhammo aniyatassa dhammassa pacchājātapaccayena
paccayo. Pacchājātā: aniyatā khandhā purejātassa imassa
kāyassa pacchājātapaccayena paccayo.