[1644] Sammattaniyataṁ dhammaṁ paṭicca sammattaniyato dhammo
uppajjati nādhipatipaccayā sammattaniyate khandhe paṭicca
sammattaniyatā adhipati.

[1645] Aniyataṁ dhammaṁ paṭicca aniyato dhammo uppajjati
nādhipatipaccayā aniyataṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe ... Paṭisandhikkhaṇe khandhe paṭicca
vatthu vatthuṁ paṭicca khandhā ekaṁ mahābhūtaṁ .... Saṅkhittaṁ.
Asaññasattānaṁ .pe.

[1646] Micchattaniyataṁ dhammaṁ paṭicca aniyato dhammo ...
Nānantarapaccayā. Saṅkhittaṁ. Sabbāni paccayāni vitthāretabbāni.

[1647] Nahetuyā ekaṁ nāarammaṇe pañca nādhipatiyā
tīṇi nānantare pañca nasamanantare pañca nāññamaññe
pañca naupanissaye pañca napurejāte cha napacchājāte nava
nāasevane pañca nakamme tīṇi navipāke nava nāahāre ekaṁ
naindriye ekaṁ najhāne ekaṁ namagge ekaṁ nasampayutte pañca
navippayutte dve nonatthiyā pañca novigate pañca. Evaṁ
gaṇetabbaṁ.
Paccanīyaṁ.

[1648] Hetupaccayā nāarammaṇe pañca ... Nādhipatiyā tīṇi
nānantare nasamanantare nāññamaññe naupanissaye pañca napurejāte
Cha napacchājāte nava nāasevane pañca nakamme tīṇi
navipāke nava nasampayutte pañca navippayutte dve nonatthiyā pañca
novigate pañca. Evaṁ gaṇetabbaṁ.
Anulomapaccanīyaṁ.

[1649] Nahetupaccayā ārammaṇe ekaṁ ... Anantare ekaṁ
samanantare ekaṁ sahajāte ekaṁ. Saṅkhittaṁ. Vigate ekaṁ. Evaṁ
gaṇetabbaṁ.
Paccanīyānulomaṁ.
Paṭiccavāro niṭṭhito.
Sahajātavāro paṭiccavārasadiso.
Paccayavāro

[1650] Micchattaniyataṁ dhammaṁ paccayā micchattaniyato dhammo ...
Hetupaccayā tīṇi .pe. Sammattaniyataṁ dhammaṁ paccayā sammattaniyato
dhammo ... Hetupaccayā tīṇi.

[1651] Aniyataṁ dhammaṁ paccayā aniyato dhammo ... Hetupaccayā
aniyataṁ ekaṁ khandhaṁ paccayā tayo khandhā cittasamuṭṭhānañca rūpaṁ dve
khandhe ... Paṭisandhikkhaṇe khandhe paccayā vatthu vatthuṁ paccayā
khandhā ekaṁ mahābhūtaṁ paccayā vatthuṁ paccayā aniyatā khandhā.
Aniyataṁ dhammaṁ paccayā micchattaniyato dhammo ... Hetupaccayā vatthuṁ
paccayā micchattaniyatā khandhā. Aniyataṁ dhammaṁ paccayā sammattaniyato
dhammo ... Hetupaccayā vatthuṁ paccayā sammattaniyatā khandhā.
Aniyataṁ dhammaṁ paccayā micchattaniyato ca aniyato ca dhammā ... Hetupaccayā
vatthuṁ paccayā micchattaniyatā khandhā mahābhūte paccayā
cittasamuṭṭhānaṁ rūpaṁ. Aniyataṁ dhammaṁ paccayā sammattaniyato ca
aniyato ca dhammā ... Hetupaccayā vatthuṁ paccayā sammattaniyatā
khandhā mahābhūte paccayā cittasamuṭṭhānaṁ rūpaṁ.

[1652] Micchattaniyatañca aniyatañca dhammaṁ paccayā micchattaniyato
dhammo ... Hetupaccayā micchattaniyataṁ ekaṁ khandhañca vatthuñca
paccayā tayo khandhā dve khandhe .... Micchattaniyatañca aniyatañca
dhammaṁ paccayā aniyato dhammo ... Hetupaccayā micchattaniyate khandhe ca
mahābhūte ca paccayā cittasamuṭṭhānaṁ rūpaṁ. Micchattaniyatañca aniyatañca
dhammaṁ paccayā micchattaniyato ca aniyato ca dhammā ... Hetupaccayā
micchattaniyataṁ ekaṁ khandhañca vatthuñca paccayā tayo khandhā dve
khandhe ... Micchattaniyate khandhe ca mahābhūte ca paccayā cittasamuṭṭhānaṁ
rūpaṁ.

[1653] Sammattaniyatañca aniyatañca dhammaṁ paccayā sammattaniyato
dhammo ... Hetupaccayā tīṇi pañhā micchattasadisaṁ. Evaṁ
gaṇetabbaṁ.