พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[1424] Mahaggato dhammo parittassa dhammassa ārammaṇapaccayena
paccayo paṭhamaṁ jhānaṁ paccavekkhati nevasaññānāsaññāyatanaṁ
paccavekkhati dibbaṁ cakkhuṁ paccavekkhati dibbaṁ sotadhātuṁ ...
Iddhividhañāṇaṁ paccavekkhati cetopariyañāṇaṁ ... Pubbenivāsānussatiñāṇaṁ ...
Yathākammūpagañāṇaṁ ... Anāgataṁsañāṇaṁ paccavekkhati mahaggate
khandhe aniccato ... Vipassati assādeti abhinandati taṁ ārabbha
rāgo uppajjati domanassaṁ uppajjati.

Abhidhammapiṭake paṭṭhānaṁ dutiyo bhāgo (เล่ม 41)

[1425] Appamāṇo dhammo appamāṇassa dhammassa ārammaṇapaccayena
paccayo nibbānaṁ maggassa phalassa ārammaṇapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1426] Appamāṇo dhammo parittassa dhammassa ārammaṇapaccayena
paccayo ariyā maggā vuṭṭhahitvā maggaṁ paccavekkhanti
phalaṁ paccavekkhanti nibbānaṁ paccavekkhanti nibbānaṁ gotrabhussa
vodānassa āvajjanāya ārammaṇapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1427] Appamāṇo dhammo mahaggatassa dhammassa ārammaṇapaccayena
paccayo ariyā cetopariyañāṇena appamāṇacittasamaṅgissa
Cittaṁ jānanti appamāṇā khandhā cetopariyañāṇassa pubbenivāsānussatiñāṇassa
anāgataṁsañāṇassa ārammaṇapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1428] Paritto dhammo parittassa dhammassa adhipatipaccayena
paccayo ārammaṇādhipati sahajātādhipati. Ārammaṇādhipati:
dānaṁ datvā sīlaṁ samādiyitvā uposathakammaṁ katvā taṁ garuṁ katvā
paccavekkhati pubbe suciṇṇāni garuṁ katvā paccavekkhati sekkhā
gotrabhuṁ garuṁ katvā ... Vodānaṁ garuṁ katvā paccavekkhanti cakkhuṁ ...
Vatthuṁ ... Paritte khandhe garuṁ katvā assādenti abhinandanti taṁ
garuṁ katvā rāgo uppajjati diṭṭhi uppajjati. Sahajātādhipati:
parittādhipati sampayuttakānaṁ khandhānaṁ cittasamuṭṭhānānañca rūpānaṁ
adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1429] Mahaggato dhammo mahaggatassa dhammassa adhipatipaccayena
paccayo. Sahajātādhipati: mahaggatādhipati sampayuttakānaṁ
khandhānaṁ adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1430] Mahaggato dhammo parittassa dhammassa adhipatipaccayena
paccayo ārammaṇādhipati sahajātādhipati. Ārammaṇādhipati:
paṭhamaṁ jhānaṁ garuṁ katvā ... Nevasaññānāsaññāyatanaṁ ... Dibbaṁ
cakkhuṁ ... Anāgataṁsañāṇaṁ garuṁ katvā paccavekkhati mahaggate khandhe
garuṁ katvā assādeti abhinandati taṁ garuṁ katvā rāgo uppajjati
Diṭṭhi uppajjati. Sahajātādhipati: mahaggatādhipati cittasamuṭṭhānānaṁ
rūpānaṁ adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1431] Mahaggato dhammo parittassa ca mahaggatassa ca
dhammassa adhipatipaccayena paccayo. Sahajātādhipati: mahaggatādhipati
sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1432] Appamāṇo dhammo appamāṇassa dhammassa
adhipatipaccayena paccayo ārammaṇādhipati sahajātādhipati.
Ārammaṇādhipati: nibbānaṁ maggassa phalassa adhipatipaccayena paccayo.
Sahajātādhipati: appamāṇādhipati sampayuttakānaṁ khandhānaṁ adhipatipaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1433] Appamāṇo dhammo parittassa dhammassa adhipatipaccayena
paccayo ārammaṇādhipati sahajātādhipati.
Ārammaṇādhipati: ariyā maggā vuṭṭhahitvā maggaṁ garuṁ katvā paccavekkhanti
phalaṁ garuṁ katvā ... Nibbānaṁ garuṁ katvā ... Nibbānaṁ gotrabhussa
vodānassa adhipatipaccayena paccayo. Sahajātādhipati: appamāṇādhipati
cittasamuṭṭhānānaṁ rūpānaṁ adhipatipaccayena paccayo.