พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[1364] Appamāṇaṁ dhammaṁ paṭicca appamāṇo dhammo
uppajjati navipākapaccayā appamāṇaṁ ekaṁ khandhaṁ paṭicca tayo
khandhā. Appamāṇaṁ dhammaṁ paṭicca paritto dhammo uppajjati
navipākapaccayā appamāṇe khandhe paṭicca cittasamuṭṭhānaṁ rūpaṁ.
Appamāṇaṁ dhammaṁ paṭicca paritto ca appamāṇo ca dhammā
uppajjanti navipākapaccayā appamāṇaṁ ekaṁ khandhaṁ paṭicca tayo
khandhā cittasamuṭṭhānañca rūpaṁ dve khandhe ....

Abhidhammapiṭake paṭṭhānaṁ dutiyo bhāgo (เล่ม 41)

[1365] Parittañca appamāṇañca dhammaṁ paṭicca paritto
dhammo uppajjati navipākapaccayā appamāṇe khandhe ca mahābhūte
ca paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[1366] Parittañca mahaggatañca dhammaṁ paṭicca paritto
dhammo uppajjati navipākapaccayā mahaggate khandhe ca mahābhūte ca
paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[1367] Parittaṁ dhammaṁ paṭicca paritto dhammo uppajjati
nāahārapaccayā bāhiraṁ ... Utu ... Asaññasattānaṁ .... Vitthāretabbaṁ.
Naindriyapaccayā bāhiraṁ ... Āhāra ... Utu ... Asaññasattānaṁ
mahābhūte paṭicca rūpajīvitindriyaṁ najhānapaccayā pañcaviññāṇasahagataṁ
ekaṁ khandhaṁ ... Bāhiraṁ .... Saṅkhittaṁ. Asaññasattānaṁ
ekaṁ mahābhūtaṁ .pe. Sabbe mahābhūtā kātabbā.
Namaggapaccayā ahetukaṁ parittaṁ ekaṁ khandhaṁ ... Ahetukapaṭisandhikkhaṇe
ekaṁ. Saṅkhittaṁ. Sabbe mahābhūtā kātabbā.
Nasampayuttapaccayā ....

Abhidhammapiṭake paṭṭhānaṁ dutiyo bhāgo (เล่ม 41)

[1368] ... Navippayuttapaccayā arūpe parittaṁ ekaṁ khandhaṁ
paṭicca tayo khandhā dve khandhe ... Bāhiraṁ ... Āhāra ... Utu ...
Asaññasattānaṁ .... Mahaggataṁ dhammaṁ paṭicca mahaggato dhammo
uppajjati navippayuttapaccayā arūpe mahaggataṁ ekaṁ khandhaṁ ....

Abhidhammapiṭake paṭṭhānaṁ dutiyo bhāgo (เล่ม 41)

[1369] Appamāṇaṁ dhammaṁ paṭicca appamāṇo dhammo uppajjati
navippayuttapaccayā arūpe appamāṇaṁ ekaṁ khandhaṁ ... Nonatthipaccayā
novigatapaccayā.

Abhidhammapiṭake paṭṭhānaṁ dutiyo bhāgo (เล่ม 41)

[1370] Nahetuyā ekaṁ nāarammaṇe pañca nādhipatiyā
dasa nānantare pañca nasamanantare pañca nāññamaññe
naupanissaye pañca napurejāte dvādasa napacchājāte terasa
nāasevane terasa nakamme tīṇi navipāke nava nāahāre
ekaṁ naindriye najhāne namagge ekaṁ nasampayutte pañca
navippayutte tīṇi nonatthiyā pañca novigate pañca. Evaṁ
gaṇetabbaṁ.
Paccanīyaṁ.

Abhidhammapiṭake paṭṭhānaṁ dutiyo bhāgo (เล่ม 41)

[1371] Hetupaccayā nāarammaṇe pañca ... Nādhipatiyā dasa
nānantare pañca nasamanantare nāññamaññe naupanissaye pañca
Napurejāte dvādasa napacchājāte terasa nāasevane terasa nakamme
tīṇi navipāke nava nasampayutte pañca navippayutte tīṇi
nonatthiyā pañca novigate pañca. Evaṁ gaṇetabbaṁ.
Anulomapaccanīyaṁ.

Abhidhammapiṭake paṭṭhānaṁ dutiyo bhāgo (เล่ม 41)

[1372] Nahetupaccayā ārammaṇe ekaṁ ... Anantare ekaṁ.
Saṅkhittaṁ. Vigate ekaṁ avigate ekaṁ. Evaṁ gaṇetabbaṁ.
Paccanīyānulomaṁ.
Paṭiccavāro niṭṭhito.
Sahajātavāropi paṭiccavārasadiso.
Paccayavāro

Abhidhammapiṭake paṭṭhānaṁ dutiyo bhāgo (เล่ม 41)

[1373] Parittaṁ dhammaṁ paccayā paritto dhammo uppajjati
hetupaccayā parittaṁ ekaṁ khandhaṁ paccayā tayo khandhā cittasamuṭṭhānañca
rūpaṁ dve khandhe ... Paṭisandhikkhaṇe khandhe paccayā
vatthu vatthuṁ paccayā khandhā ekaṁ mahābhūtaṁ paccayā upādārūpaṁ
vatthuṁ paccayā parittā khandhā. Parittaṁ dhammaṁ paccayā mahaggato
dhammo uppajjati hetupaccayā vatthuṁ paccayā mahaggatā khandhā
paṭisandhikkhaṇe vatthuṁ paccayā mahaggatā khandhā. Parittaṁ dhammaṁ
paccayā appamāṇo dhammo uppajjati hetupaccayā vatthuṁ paccayā
appamāṇā khandhā. Parittaṁ dhammaṁ paccayā paritto ca
appamāṇo ca dhammā uppajjanti hetupaccayā vatthuṁ paccayā
Appamāṇā khandhā mahābhūte paccayā cittasamuṭṭhānaṁ rūpaṁ.
Parittaṁ dhammaṁ paccayā paritto ca mahaggato ca dhammā uppajjanti
hetupaccayā vatthuṁ paccayā mahaggatā khandhā mahābhūte paccayā
cittasamuṭṭhānaṁ rūpaṁ paṭisandhikkhaṇe vatthuṁ paccayā.