[1204] Nevasekkhānāsekkhaṁ dhammaṁ paccayā nevasekkhānāsekkho
... Hetupaccayā paripuṇṇaṁ mahābhūte paccayā cittasamuṭṭhānaṁ rūpaṁ
kaṭattārūpaṁ upādārūpaṁ vatthuṁ paccayā nevasekkhānāsekkhā khandhā.
Nevasekkhānāsekkhaṁ dhammaṁ paccayā sekkho dhammo uppajjati hetupaccayā
vatthuṁ paccayā sekkhā khandhā. Nevasekkhānāsekkhaṁ dhammaṁ
paccayā asekkho dhammo uppajjati hetupaccayā vatthuṁ paccayā
asekkhā khandhā. Nevasekkhānāsekkhaṁ dhammaṁ paccayā sekkho ca
Nevasekkhānāsekkho ca dhammā uppajjanti hetupaccayā vatthuṁ
paccayā sekkhā khandhā mahābhūte paccayā cittasamuṭṭhānaṁ rūpaṁ.
Nevasekkhānāsekkhaṁ dhammaṁ paccayā asekkho ca nevasekkhānāsekkho ca
dhammā uppajjanti hetupaccayā vatthuṁ paccayā asekkhā khandhā
mahābhūte paccayā cittasamuṭṭhānaṁ rūpaṁ.

[1205] Sekkhañca nevasekkhānāsekkhañca dhammaṁ paccayā sekkho
dhammo uppajjati hetupaccayā sekkhaṁ ekaṁ khandhañca vatthuñca
paccayā tayo khandhā dve khandhe .... Sekkhañca nevasekkhānāsekkhañca
dhammaṁ paccayā nevasekkhānāsekkho dhammo uppajjati
hetupaccayā sekkhe khandhe ca mahābhūte ca paccayā cittasamuṭṭhānaṁ
rūpaṁ. Sekkhañca nevasekkhānāsekkhañca dhammaṁ paccayā sekkho ca
nevasekkhānāsekkho ca dhammā uppajjanti hetupaccayā sekkhaṁ ekaṁ
khandhañca vatthuñca paccayā tayo khandhā dve khandhe ... Sekkhe
khandhe ca mahābhūte ca paccayā cittasamuṭṭhānaṁ rūpaṁ. Asekkhañca
nevasekkhānāsekkhañca dhammaṁ paccayā ... Tīṇi sekkhasadisā.

[1206] Sekkhaṁ dhammaṁ paccayā sekkho dhammo uppajjati
ārammaṇapaccayā ekaṁ. Asekkhaṁ dhammaṁ paccayā ... Ekaṁ.
Nevasekkhānāsekkhaṁ dhammaṁ paccayā ... Ekaṁ vatthuṁ paccayā
nevasekkhānāsekkhā khandhā cakkhāyatanaṁ paccayā cakkhuviññāṇaṁ kāyāyatanaṁ
paccayā kāyaviññāṇaṁ vatthuṁ paccayā nevasekkhānāsekkhā khandhā.
Nevasekkhānāsekkhaṁ dhammaṁ paccayā sekkho dhammo ... Ārammaṇapaccayā
vatthuṁ paccayā sekkhā khandhā. Nevasekkhānāsekkhaṁ
dhammaṁ paccayā asekkho dhammo ... Ārammaṇapaccayā vatthuṁ paccayā
asekkhā khandhā.

[1207] Sekkhañca nevasekkhānāsekkhañca dhammaṁ paccayā sekkho
dhammo ... Ārammaṇapaccayā sekkhaṁ ekaṁ khandhañca vatthuñca paccayā
tayo khandhā dve khandhe ....

[1208] Asekkhañca nevasekkhānāsekkhañca dhammaṁ paccayā
asekkho dhammo ... Ārammaṇapaccayā asekkhaṁ ekaṁ khandhañca
vatthuñca paccayā tayo khandhā dve khandhe ....

[1209] Sekkhaṁ dhammaṁ paccayā sekkho dhammo uppajjati
adhipatipaccayā anantarapaccayā samanantarapaccayā sahajātapaccayā
aññamaññapaccayā nissayapaccayā upanissayapaccayā purejātapaccayā
āsevanapaccayā sekkhaṁ ekaṁ khandhaṁ paccayo tayo khandhā.

[1210] Nevasekkhānāsekkhaṁ dhammaṁ paccayā nevasekkhānāsekkho
dhammo ... Āsevanapaccayā nevasekkhānāsekkhaṁ ekaṁ khandhaṁ paccayā
vatthuṁ paccayā nevasekkhānāsekkhā khandhā. Nevasekkhānāsekkhaṁ
dhammaṁ paccayā sekkho dhammo ... Vatthuṁ paccayā sekkhā khandhā.

[1211] Sekkhañca nevasekkhānāsekkhañca dhammaṁ paccayā sekkho
dhammo ... Āsevanapaccayā sekkhaṁ ekaṁ khandhañca vatthuñca paccayā
Tayo khandhā dve khandhe ....

[1212] Sekkhaṁ dhammaṁ paccayā sekkho dhammo uppajjati kammapaccayā
vipākapaccayā vipākaṁ sekkhaṁ ekaṁ khandhaṁ ... Āhārapaccayā
indriyapaccayā jhānapaccayā maggapaccayā sampayuttapaccayā
vippayuttapaccayā atthipaccayā natthipaccayā vigatapaccayā avigatapaccayā.

[1213] Hetuyā sattarasa ārammaṇe satta adhipatiyā
sattarasa anantare satta samanantare satta sahajāte sattarasa
aññamaññe satta nissaye sattarasa upanissaye satta purejāte
satta āsevane cattāri kamme sattarasa vipāke sattarasa
āhāre sattarasa indriye jhāne magge sattarasa sampayutte
satta vippayutte sattarasa atthiyā sattarasa natthiyā satta
vigate satta avigate sattarasa. Evaṁ gaṇetabbaṁ.
Anulomaṁ.