พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[1094] Nevācayagāmināpacayagāmi dhammo ācayagāmissa dhammassa
ārammaṇapaccayena paccayo sekkhā phalaṁ paccavekkhanti nibbānaṁ
paccavekkhanti nibbānaṁ gotrabhussa vodānassa ārammaṇapaccayena
Paccayo sekkhā vā puthujjanā vā cakkhuṁ aniccato dukkhato
anattato vipassanti assādenti abhinandanti taṁ ārabbha rāgo
uppajjati domanassaṁ uppajjati sotaṁ ... Vatthuṁ ... Nevācayagāmināpacayagāmī
khandhe aniccato dukkhato anattato vipassanti assādenti
abhinandanti taṁ ārabbha rāgo uppajjati diṭṭhi uppajjati
vicikicchā ... Domanassaṁ ... Dibbena cakkhunā rūpaṁ passanti dibbāya
sotadhātuyā saddaṁ suṇanti cetopariyañāṇena nevācayagāmināpacayagāmi-
cittasamaṅgissa cittaṁ jānāti nevācayagāmināpacayagāmī khandhā
iddhividhañāṇassa cetopariyañāṇassa pubbenivāsānussatiñāṇassa
anāgataṁsañāṇassa ārammaṇapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1095] Nevācayagāmināpacayagāmi dhammo apacayagāmissa dhammassa
ārammaṇapaccayena paccayo nibbānaṁ maggassa ārammaṇapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1096] Ācayagāmi dhammo ācayagāmissa dhammassa adhipatipaccayena
paccayo ārammaṇādhipati sahajātādhipati. Ārammaṇādhipati:
dānaṁ datvā sīlaṁ samādiyitvā uposathakammaṁ katvā taṁ garuṁ
katvā paccavekkhati pubbe samudāciṇṇāni garuṁ katvā paccavekkhati
jhānā vuṭṭhahitvā jhānaṁ garuṁ katvā paccavekkhati ācayagāmī khandhe
garuṁ katvā assādeti abhinandati taṁ garuṁ katvā rāgo uppajjati
diṭṭhi uppajjati. Sahajātādhipati: ācayagāmi adhipati sampayuttakānaṁ
Khandhānaṁ adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1097] Ācayagāmi dhammo nevācayagāmināpacayagāmissa dhammassa
adhipatipaccayena paccayo. Sahajātādhipati: ācayagāmi adhipati
cittasamuṭṭhānānaṁ rūpānaṁ adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1098] Ācayagāmi dhammo ācayagāmissa ca nevācayagāmi-
nāpacayagāmissa ca dhammassa adhipatipaccayena paccayo. Sahajātādhipati:
ācayagāmi adhipati sampayuttakānaṁ khandhānaṁ cittasamuṭṭhānānañca rūpānaṁ
adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1099] Apacayagāmi dhammo apacayagāmissa dhammassa adhipatipaccayena
paccayo. Sahajātādhipati: ācayagāmi adhipati
sampayuttakānaṁ khandhānaṁ adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1100] Apacayagāmi dhammo ācayagāmissa dhammassa
adhipatipaccayena paccayo. Ārammaṇādhipati: sekkhā maggā
vuṭṭhahitvā maggaṁ garuṁ katvā paccavekkhanti.

Abhidhammapiṭake paṭṭhānaṁ dutiyo bhāgo (เล่ม 41)

[1101] Apacayagāmi dhammo nevācayagāmināpacayagāmissa dhammassa
adhipatipaccayena paccayo ārammaṇādhipati sahajātādhipati.
Ārammaṇādhipati: arahā maggā vuṭṭhahitvā maggaṁ garuṁ katvā paccavekkhati.
Sahajātādhipati: apacayagāmi adhipati cittasamuṭṭhānānaṁ rūpānaṁ .pe.

Abhidhammapiṭake paṭṭhānaṁ dutiyo bhāgo (เล่ม 41)

[1102] Apacayagāmi dhammo apacayagāmissa ca nevācayagāmi-
nāpacayagāmissa ca dhammassa adhipatipaccayena paccayo. Sahajātādhipati:
Apacayagāmi adhipati sampayuttakānaṁ khandhānaṁ cittasamuṭṭhānānañca rūpānaṁ
adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1103] Nevācayagāmināpacayagāmi dhammo nevācayagāmināpacayagāmissa
dhammassa adhipatipaccayena paccayo ārammaṇādhipati
sahajātādhipati. Ārammaṇādhipati: arahā phalaṁ garuṁ katvā paccavekkhati
nibbānaṁ garuṁ katvā paccavekkhati nibbānaṁ phalassa adhipatipaccayena
paccayo. Sahajātādhipati: nevācayagāmināpacayagāmi adhipati
sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo.