[1044] Ācayagāmiñca nevācayagāmināpacayagāmiñca dhammaṁ paccayā
ācayagāmi dhammo ... Hetupaccayā ācayagāmiṁ ekaṁ khandhañca
Vatthuñca paccayā tayo khandhā dve khandhe .... Ācayagāmiñca
nevācayagāmināpacayagāmiñca dhammaṁ paccayā nevācayagāmināpacayagāmi
dhammo ... Hetupaccayā ācayagāmī khandhe ca mahābhūte ca paccayā
cittasamuṭṭhānaṁ rūpaṁ. Ācayagāmiñca nevācayagāmināpacayagāmiñca
dhammaṁ paccayā ācayagāmi ca nevācayagāmināpacayagāmi ca dhammā
uppajjanti hetupaccayā ācayagāmiṁ ekaṁ khandhañca vatthuñca paccayā
tayo khandhā dve khandhe ... Ācayagāmī khandhe ca mahābhūte ca
paccayā cittasamuṭṭhānaṁ rūpaṁ. Apacayagāmiñca nevācayagāmināpacayagāmiñca
dhammaṁ paccayā apacayagāmi dhammo ... Tīṇi.

[1045] Ācayagāmiṁ dhammaṁ paccayā ācayagāmi dhammo uppajjati
ārammaṇapaccayā ācayagāmiṁ ekaṁ khandhaṁ paccayā. Apacayagāmiṁ
dhammaṁ paccayā ... Ekaṁ.

[1046] Nevācayagāmināpacayagāmiṁ dhammaṁ paccayā nevācayagāmi-
nāpacayagāmi dhammo ... Nevācayagāmināpacayagāmiṁ ekaṁ khandhaṁ paccayā
tayo khandhā dve khandhe ... Paṭisandhikkhaṇe vatthuṁ paccayā khandhā
cakkhāyatanaṁ paccayā cakkhuviññāṇaṁ kāyāyatanaṁ paccayā kāyaviññāṇaṁ
vatthuṁ paccayā nevācayagāmināpacayagāmī khandhā.
Nevācayagāmināpacayagāmiṁ dhammaṁ paccayā ācayagāmi dhammo ... Vatthuṁ
paccayā ācayagāmī khandhā. Nevācayagāmināpacayagāmiṁ dhammaṁ paccayā
apacayagāmi dhammo ... Vatthuṁ paccayā apacayagāmī khandhā.

[1047] Ācayagāmiñca nevācayagāmināpacayagāmiñca dhammaṁ paccayā
ācayagāmi dhammo ... Ācayagāmiṁ ekaṁ khandhañca vatthuñca
paccayā tayo khandhā dve khandhe ....

[1048] Apacayagāmiñca nevācayagāmināpacayagāmiñca dhammaṁ paccayā
apacayagāmi dhammo uppajjati ārammaṇapaccayā apacayagāmiṁ
ekaṁ khandhañca vatthuñca paccayā tayo khandhā dve khandhe ....

[1049] Ācayagāmiṁ dhammaṁ paccayā ācayagāmi dhammo uppajjati
adhipatipaccayā tīṇi. Apacayagāmi tīṇi. Nevācayagāmināpacayagāmi ...
Nevācayagāmiṁ ekaṁ ... Vatthuṁ paccayā nevācayagāmināpacayagāmī khandhā.
Nevācayagāmināpacayagāmiṁ dhammaṁ paccayā ācayagāmi dhammo .... Idhāpi
ghaṭanā hetusadisā.

[1050] Ācayagāmiṁ dhammaṁ paccayā ācayagāmi dhammo uppajjati
anantarapaccayā samanantarapaccayā sahajātapaccayā tīṇi. Apacayagāmi
tīṇi. Nevācayagāmināpacayagāmiṁ dhammaṁ paccayā nevācayagāmināpacayagāmi
dhammo ... Sahajātapaccayā nevācayagāmināpacayagāmiṁ ekaṁ
khandhaṁ paccayā tayo khandhā cittasamuṭṭhānañca rūpaṁ dve khandhe ...
Paṭisandhikkhaṇe. Saṅkhittaṁ. Asaññasattānaṁ ekaṁ mahābhūtaṁ ...
Cakkhāyatanaṁ paccayā cakkhuviññāṇaṁ kāyāyatanaṁ paccayā kāyaviññāṇaṁ
vatthuṁ paccayā. Nevācayagāmināpacayagāmiṁ dhammaṁ paccayā ācayagāmi
dhammo ... Sahajātapaccayā. Saṅkhittaṁ. Sabbe ghaṭanā kātabbā.

[1051] Apacayagāmiṁ dhammaṁ ... Aññamaññapaccayā nissayapaccayā
upanissayapaccayā purejātapaccayā āsevanapaccayā kammapaccayā
vipākapaccayā āhārapaccayā indriyapaccayā jhānapaccayā
maggapaccayā sampayuttapaccayā vippayuttapaccayā atthipaccayā
natthipaccayā vigatapaccayā avigatapaccayā.

[1052] Hetuyā sattarasa ārammaṇe satta adhipatiyā sattarasa
anantare satta samanantare satta sahajāte sattarasa
aññamaññe satta nissaye sattarasa upanissaye satta purejāte
satta āsevane satta kamme sattarasa vipāke ekaṁ
āhāre sattarasa indriye jhāne magge sattarasa sampayutte
satta vippayutte sattarasa atthiyā sattarasa natthiyā satta
vigate satta avigate sattarasa. Evaṁ gaṇetabbaṁ.
Anulomaṁ.

[1053] Ācayagāmiṁ dhammaṁ paccayā ācayagāmi dhammo uppajjati
nahetupaccayā vicikicchāsahagate uddhaccasahagate khandhe paccayā
vicikicchāsahagato uddhaccasahagato moho. Nevācayagāmināpacayagāmiṁ
dhammaṁ paccayā nevācayagāmināpacayagāmi dhammo ... Nahetupaccayā
ahetukaṁ nevācayagāmināpacayagāmiṁ ekaṁ khandhaṁ paccayā tayo khandhā
cittasamuṭṭhānañca rūpaṁ dve khandhe ... Ahetukapaṭisandhikkhaṇe.
Saṅkhittaṁ. Asaññasattānaṁ ekaṁ mahābhūtaṁ ... Cakkhāyatanaṁ paccayā
Cakkhuviññāṇaṁ kāyāyatanaṁ paccayā kāyaviññāṇaṁ vatthuṁ paccayā
ahetukā nevācayagāmināpacayagāmī khandhā. Nevācayagāmināpacayagāmiṁ
dhammaṁ paccayā ācayagāmi dhammo ... Nahetupaccayā vatthuṁ paccayā
vicikicchāsahagato uddhaccasahagato moho.