[1014] Hetupaccayā nāarammaṇe ekādasa ... Nādhipatiyā
nānantare nasamanantare ekādasa nāññamaññe tīṇi naupanissaye
napurejāte napacchājāte nāasevane nakamme navipāke nāahāre
naindriye najhāne namagge ekādasa nasampayutte tīṇi navippayutte
Pañca nonatthiyā ekādasa novigate ekādasa. Evaṁ gaṇetabbaṁ.
Anulomapaccanīyaṁ.

[1015] Nahetupaccayā ārammaṇe ekavīsa ... Adhipatiyā dasa
anantare sattarasa samanantare sattarasa sahajāte sattarasa
aññamaññe ekādasa nissaye sattarasa upanissaye ekavīsa purejāte
pañca pacchājāte pañca āsevane sattarasa kamme satta vipāke
ekaṁ āhāre satta indriye satta jhāne satta magge satta
sampayutte ekādasa vippayutte nava atthiyā sattarasa natthiyā
sattarasa vigate sattarasa avigate sattarasa. Evaṁ gaṇetabbaṁ.
Paccanīyānulomaṁ.
Dassanenapahātabbahetukattikaṁ navamaṁ
niṭṭhitaṁ.
--------
Ācayagāmittikaṁ
paṭiccavāro

[1016] Ācayagāmiṁ dhammaṁ paṭicca ācayagāmi dhammo uppajjati
hetupaccayā ācayagāmiṁ ekaṁ khandhaṁ paṭicca tayo khandhā dve
khandhe paṭicca dve khandhā. Ācayagāmiṁ dhammaṁ paṭicca
nevācayagāmināpacayagāmi dhammo uppajjati hetupaccayā ācayagāmī khandhe
paṭicca cittasamuṭṭhānaṁ rūpaṁ. Ācayagāmiṁ dhammaṁ paṭicca ācayagāmi ca
nevācayagāmināpacayagāmi ca dhammā uppajjanti hetupaccayā
ācayagāmiṁ ekaṁ khandhaṁ paṭicca tayo khandhā cittasamuṭṭhānañca rūpaṁ
dve khandhe paṭicca dve khandhā cittasamuṭṭhānañca rūpaṁ.

[1017] Apacayagāmiṁ dhammaṁ paṭicca apacayagāmi dhammo uppajjati
hetupaccayā apacayagāmiṁ ekaṁ khandhaṁ paṭicca tayo khandhā dve
khandhe paṭicca dve khandhā. Apacayagāmiṁ dhammaṁ paṭicca
nevācayagāmināpacayagāmi dhammo uppajjati hetupaccayā apacayagāmī khandhe
paṭicca cittasamuṭṭhānaṁ rūpaṁ. Apacayagāmiṁ dhammaṁ paṭicca apacayagāmi
ca nevācayagāmināpacayagāmi ca dhammā uppajjanti hetupaccayā
apacayagāmiṁ ekaṁ khandhaṁ paṭicca tayo khandhā cittasamuṭṭhānañca rūpaṁ
dve khandhe paṭicca dve khandhā cittasamuṭṭhānañca rūpaṁ.

[1018] Nevācayagāmināpacayagāmiṁ dhammaṁ paṭicca
Nevācayagāmināpacayagāmi dhammo uppajjati hetupaccayā nevācayagāmi-
nāpacayagāmiṁ ekaṁ khandhaṁ paṭicca tayo khandhā cittasamuṭṭhānañca rūpaṁ dve
khandhe ... Paṭisandhikkhaṇe nevācayagāmināpacayagāmiṁ ekaṁ khandhaṁ paṭicca
tayo khandhā kaṭattā ca rūpaṁ dve khandhe ... Khandhe paṭicca vatthu
vatthuṁ paṭicca khandhā ekaṁ mahābhūtaṁ paṭicca tayo mahābhūtā dve
mahābhūte paṭicca dve mahābhūtā mahābhūte paṭicca cittasamuṭṭhānaṁ
rūpaṁ kaṭattārūpaṁ upādārūpaṁ.

[1019] Ācayagāmiñca nevācayagāmināpacayagāmiñca dhammaṁ paṭicca
nevācayagāmināpacayagāmi dhammo uppajjati hetupaccayā ācayagāmī
khandhe ca mahābhūte ca paṭicca cittasamuṭṭhānaṁ rūpaṁ. Apacayagāmiñca
nevācayagāmināpacayagāmiñca dhammaṁ paṭicca nevācayagāmināpacayagāmi
dhammo uppajjati hetupaccayā apacayagāmī khandhe ca mahābhūte ca
paṭicca cittasamuṭṭhānaṁ rūpaṁ.

[1020] Ācayagāmiṁ dhammaṁ paṭicca ācayagāmi dhammo uppajjati
ārammaṇapaccayā ācayagāmiṁ ekaṁ khandhaṁ paṭicca tayo khandhā
dve khandhe ....

[1021] Apacayagāmiṁ dhammaṁ paṭicca apacayagāmi dhammo uppajjati
ārammaṇapaccayā apacayagāmiṁ ekaṁ khandhaṁ paṭicca tayo khandhā
dve khandhe ....

[1022] Nevācayagāmināpacayagāmiṁ dhammaṁ paṭicca
Nevācayagāmināpacayagāmi dhammo uppajjati ārammaṇapaccayā nevācayagāmi-
nāpacayagāmiṁ ekaṁ khandhaṁ paṭicca tayo khandhā dve khandhe paṭicca ...
Paṭisandhikkhaṇe vatthuṁ paṭicca khandhā.

[1023] Ācayagāmiṁ dhammaṁ paṭicca ācayagāmi dhammo uppajjati
adhipatipaccayā tīṇi. ... Apacayagāmi dhammo ... Adhipatipaccayā tīṇi.
Nevācayagāmināpacayagāmiṁ dhammaṁ paṭicca nevācayagāmināpacayagāmi
dhammo ... Ekaṁ. Paṭisandhi natthi. Ekaṁ mahābhūtaṁ paṭicca tayo
mahābhūtā .pe. Mahābhūte paṭicca cittasamuṭṭhānaṁ rūpaṁ upādārūpaṁ.
Ācayagāmiñca nevācayagāmināpacayagāmiñca dhammaṁ paṭicca nevācayagāmi-
nāpacayagāmi dhammo uppajjati adhipatipaccayā ācayagāmī khandhe
ca mahābhūte ca paṭicca cittasamuṭṭhānaṁ rūpaṁ. Apacayagāmiñca
nevācayagāmināpacayagāmiñca dhammaṁ paṭicca nevācayagāmināpacayagāmi
dhammo ... Adhipatipaccayā apacayagāmī khandhe ca mahābhūte ca
paṭicca cittasamuṭṭhānaṁ rūpaṁ.