[824] Dassanenapahātabbahetukaṁ dhammaṁ paccayā dassanenapahātabbahetuko
dhammo uppajjati adhipatipaccayā tīṇi. Bhāvanāya ... Tīṇi.
Nevadassanenanabhāvanāyapahātabbahetukaṁ dhammaṁ paccayā
nevadassanenanabhāvanāyapahātabbahetuko dhammo ... Adhipatipaccayā ekaṁ.
Vatthuṁ paccayā nevadassanenanabhāvanāyapahātabbahetukā khandhā.
Nevadassanenanabhāvanāyapahātabbahetukaṁ dhammaṁ paccayā
dassanenapahātabbahetuko dhammo uppajjati adhipatipaccayā vatthuṁ paccayā
dassanenapahātabbahetukā khandhā. Nevadassanenanabhāvanāyapahātabbahetukaṁ
dhammaṁ paccayā bhāvanāyapahātabbahetuko dhammo uppajjati
adhipatipaccayā vatthuṁ paccayā bhāvanāyapahātabbahetukā khandhā.
Nevadassanenanabhāvanāyapahātabbahetukaṁ dhammaṁ paccayā dassanenapahātabbahetuko
Ca nevadassanenanabhāvanāyapahātabbahetuko ca dhammā
uppajjanti adhipatipaccayā vatthuṁ paccayā dassanenapahātabbahetukā
khandhā mahābhūte paccayā cittasamuṭṭhānaṁ rūpaṁ. Nevadassanenanabhāvanāya-
pahātabbahetukaṁ dhammaṁ paccayā bhāvanāyapahātabbahetuko ca
nevadassanenanabhāvanāyapahātabbahetuko ca dhammā uppajjanti
adhipatipaccayā vatthuṁ paccayā bhāvanāyapahātabbahetukā khandhā
mahābhūte paccayā cittasamuṭṭhānaṁ rūpaṁ.

[825] Dassanenapahātabbahetukañca nevadassanenanabhāvanāya-
pahātabbahetukañca dhammaṁ paccayā dassanenapahātabbahetuko dhammo
uppajjati adhipatipaccayā dassanenapahātabbahetukaṁ ekaṁ khandhañca
vatthuñca paccayā tayo khandhā dve khandhe ca .... Dassanena-
pahātabbahetukañca nevadassanenanabhāvanāyapahātabbahetukañca dhammaṁ
paccayā nevadassanenanabhāvanāyapahātabbahetuko dhammo uppajjati
adhipatipaccayā dassanenapahātabbahetuke khandhe ca mahābhūte ca
paccayā cittasamuṭṭhānaṁ rūpaṁ. Dassanenapahātabbahetukañca
nevadassanenanabhāvanāyapahātabbahetukañca dhammaṁ paccayā
dassanenapahātabbahetuko ca nevadassanenanabhāvanāyapahātabbahetuko ca dhammā
uppajjanti adhipatipaccayā dassanenapahātabbahetukaṁ ekaṁ khandhañca
vatthuñca paccayā tayo khandhā dve khandhe ca ... Dassanenapahātabbahetuke
khandhe ca mahābhūte ca paccayā cittasamuṭṭhānaṁ rūpaṁ.

[826] Bhāvanāyapahātabbahetukañca nevadassanenanabhāvanāya-
pahātabbahetukañca dhammaṁ paccayā bhāvanāyapahātabbahetuko dhammo
uppajjati adhipatipaccayā bhāvanāyapahātabbahetukaṁ ekaṁ khandhañca
vatthuñca paccayā tayo khandhā tīṇi. Dassanena sadisā.
Anantarapaccayā samanantarapaccayā.

[827] Dassanenapahātabbahetukaṁ dhammaṁ paccayā dassanenapahātabbahetuko
dhammo uppajjati sahajātapaccayā dassanenapahātabbahetukaṁ
ekaṁ khandhaṁ paccayā tayo khandhā. Dassanenapahātabbahetukaṁ
dhammaṁ paccayā nevadassanenanabhāvanāyapahātabbahetuko dhammo
uppajjati sahajātapaccayā dassanenapahātabbahetuke khandhe paccayā
cittasamuṭṭhānaṁ rūpaṁ vicikicchāsahagate khandhe paccayā vicikicchāsahagato
moho cittasamuṭṭhānañca rūpaṁ. Dassanenapahātabbahetukaṁ dhammaṁ
paccayā dassanenapahātabbahetuko ca nevadassanenanabhāvanāyapahātabbahetuko
ca dhammā ... Dassanenapahātabbahetukaṁ ekaṁ khandhaṁ
paccayā tayo khandhā cittasamuṭṭhānañca rūpaṁ vicikicchāsahagataṁ ekaṁ
khandhaṁ paccayā tayo khandhā moho ca cittasamuṭṭhānañca rūpaṁ dve
khandhe .... Bhāvanāyapahātabbahetukaṁ dhammaṁ paccayā. Saṅkhittaṁ.
Tīṇi. Dassanena sadisā.

[828] Nevadassanenanabhāvanāyapahātabbahetukaṁ dhammaṁ paccayā
nevadassanenanabhāvanāyapahātabbahetuko dhammo uppajjati sahajātapaccayā
Nevadassanenanabhāvanāyapahātabbahetukaṁ ekaṁ khandhaṁ paccayā
tayo khandhā cittasamuṭṭhānañca rūpaṁ vicikicchāsahagataṁ uddhaccasahagataṁ
mohaṁ paccayā cittasamuṭṭhānaṁ rūpaṁ paṭisandhikkhaṇe khandhe paccayā
vatthu vatthuṁ paccayā khandhā ekaṁ mahābhūtaṁ paccayā tayo mahābhūtā
asaññasattānaṁ cakkhāyatanaṁ paccayā cakkhuviññāṇaṁ kāyāyatanaṁ
paccayā ... Vatthuṁ paccayā nevadassanenanabhāvanāyapahātabbahetukā
khandhā. Nevadassanenanabhāvanāyapahātabbahetukaṁ dhammaṁ paccayā
dassanenapahātabbahetuko dhammo uppajjati sahajātapaccayā vatthuṁ
paccayā dassanenapahātabbahetukā khandhā vicikicchāsahagataṁ mohaṁ
paccayā sampayuttakā khandhā. Nevadassanenanabhāvanāyapahātabbahetukaṁ
dhammaṁ paccayā bhāvanāyapahātabbahetuko dhammo ... Vatthuṁ
paccayā bhāvanāyapahātabbahetukā khandhā uddhaccasahagataṁ mohaṁ
paccayā sampayuttakā khandhā. Nevadassanenanabhāvanāyapahātabbahetukaṁ
dhammaṁ paccayā dassanenapahātabbahetuko ca nevadassanenanabhāvanāya-
pahātabbahetuko ca dhammā ... Vatthuṁ paccayā dassanenapahātabbahetukā
khandhā mahābhūte paccayā cittasamuṭṭhānaṁ rūpaṁ
vicikicchāsahagataṁ mohaṁ paccayā sampayuttakā khandhā cittasamuṭṭhānañca
rūpaṁ vatthuṁ paccayā vicikicchāsahagatā khandhā ca moho ca.
Nevadassanenanabhāvanāyapahātabbahetukaṁ dhammaṁ paccayā bhāvanāyapahātabbahetuko
ca nevadassanenanabhāvanāyapahātabbahetuko ca dhammā ...
Vatthuṁ paccayā bhāvanāyapahātabbahetukā khandhā mahābhūte paccayā
cittasamuṭṭhānaṁ rūpaṁ uddhaccasahagataṁ mohaṁ paccayā sampayuttakā
khandhā cittasamuṭṭhānañca rūpaṁ vatthuṁ paccayā uddhaccasahagatā
khandhā ca moho ca.

[829] Dassanenapahātabbahetukañca nevadassanenanabhāvanāya-
pahātabbahetukañca dhammaṁ paccayā dassanenapahātabbahetuko dhammo
uppajjati sahajātapaccayā dassanenapahātabbahetukaṁ ekaṁ khandhañca
vatthuñca paccayā tayo khandhā vicikicchāsahagataṁ ekaṁ khandhañca
mohañca paccayā tayo khandhā. Dassanenapahātabbahetukañca
nevadassanenanabhāvanāyapahātabbahetukañca dhammaṁ paccayā nevadassanena-
nabhāvanāyapahātabbahetuko dhammo uppajjati sahajātapaccayā
dassanenapahātabbahetuke khandhe ca mahābhūte ca paccayā cittasamuṭṭhānaṁ
rūpaṁ vicikicchāsahagate khandhe ca mohañca paccayā cittasamuṭṭhānaṁ
rūpaṁ vicikicchāsahagate khandhe ca vatthuñca paccayā vicikicchāsahagato
moho. Dassanenapahātabbahetukañca nevadassanenanabhāvanāyapahātabbahetukañca
dhammaṁ paccayā dassanenapahātabbahetuko ca nevadassanena-
nabhāvanāyapahātabbahetuko ca dhammā uppajjanti sahajātapaccayā
dassanenapahātabbahetukaṁ ekaṁ khandhañca vatthuñca paccayā
tayo khandhā dve khandhe ... Dassanenapahātabbahetuke khandhe ca
mahābhūte ca paccayā cittasamuṭṭhānaṁ rūpaṁ vicikicchāsahagataṁ ekaṁ
Khandhañca mohañca paccayā tayo khandhā cittasamuṭṭhānañca rūpaṁ
dve khandhe ... Vicikicchāsahagataṁ ekaṁ khandhañca vatthuñca paccayā tayo
khandhā moho ca dve khandhe ca vatthuñca paccayā dve khandhā
moho ca.

[830] Bhāvanāyapahātabbahetukañca nevadassanenanabhāvanāya-
pahātabbahetukañca dhammaṁ paccayā bhāvanāyapahātabbahetuko dhammo
uppajjati sahajātapaccayā tīṇi.

[831] Dassanenapahātabbahetukaṁ dhammaṁ paccayā
dassanenapahātabbahetuko dhammo uppajjati aññamaññapaccayā nissayapaccayā
upanissayapaccayā purejātapaccayā āsevanapaccayā kammapaccayā
vipākapaccayā āhārapaccayā indriyapaccayā jhānapaccayā
maggapaccayā sampayuttapaccayā ....

[832] ... Vippayuttapaccayā dassanenapahātabbahetukaṁ ekaṁ khandhaṁ
paccayā tayo khandhā dve khandhe .pe. Khandhā vatthuṁ vippayuttapaccayā.
Dassanenapahātabbahetukaṁ dhammaṁ paccayā nevadassanenanabhāvanāya-
pahātabbahetuko dhammo uppajjati vippayuttapaccayā
dassanenapahātabbahetuke khandhe paccayā cittasamuṭṭhānaṁ rūpaṁ khandhe
vippayuttapaccayā vicikicchāsahagate khandhe paccayā moho
cittasamuṭṭhānañca rūpaṁ moho vatthuṁ vippayuttapaccayā cittasamuṭṭhānaṁ
rūpaṁ khandhe vippayuttapaccayā. Dassanenapahātabbahetukaṁ dhammaṁ
Paccayā dassanenapahātabbahetuko ca nevadassanenanabhāvanāyapahātabbahetuko
ca dhammā ... Dassanenapahātabbahetukaṁ ekaṁ khandhaṁ
paccayā tayo khandhā cittasamuṭṭhānañca rūpaṁ dve khandhe .pe.
Khandhā vatthuṁ vippayuttapaccayā cittasamuṭṭhānaṁ rūpaṁ khandhe vippayuttapaccayā
vicikicchāsahagataṁ ekaṁ khandhaṁ paccayā tayo khandhā moho ca
cittasamuṭṭhānañca rūpaṁ dve khandhe ... Khandhā ca moho ca vatthuṁ
vippayuttapaccayā cittasamuṭṭhānaṁ rūpaṁ khandhe vippayuttapaccayā.

[833] Bhāvanāyapahātabbahetukaṁ dhammaṁ paccayā bhāvanāyapahātabbahetuko
dhammo ... Tīṇi. Dassanena sadisā.