[624] Dassanenapahātabbañca nevadassanenanabhāvanāyapahātabbañca
dhammaṁ paccayā dassanenapahātabbo dhammo uppajjati
ārammaṇapaccayā dassanenapahātabbaṁ ekaṁ khandhañca vatthuñca
paccayā tayo khandhā dve khandhe ca vatthuñca paccayā.

[625] Bhāvanāyapahātabbañca nevadassanenanabhāvanāyapahātabbañca
dhammaṁ paccayā bhāvanāyapahātabbo dhammo uppajjati
ārammaṇapaccayā bhāvanāyapahātabbaṁ ekaṁ khandhañca vatthuñca
paccayā tayo khandhā dve khandhe ca vatthuñca paccayā dve khandhā.

[626] Dassanenapahātabbaṁ dhammaṁ paccayā dassanenapahātabbo
dhammo uppajjati adhipatipaccayā. Paripuṇṇaṁ. Paṭisandhi natthi.
Anantarapaccayā samanantarapaccayā ārammaṇasadisaṁ.

[627] ... Sahajātapaccayā dassanenapahātabbaṁ ekaṁ khandhaṁ ...
Tīṇi. Bhāvanāyapahātabbaṁ dhammaṁ ... Tīṇi. Nevadassanenanabhāvanāyapahātabbaṁ
dhammaṁ paccayā nevadassanenanabhāvanāyapahātabbo dhammo
uppajjati sahajātapaccayā nevadassanenanabhāvanāyapahātabbaṁ ekaṁ
khandhaṁ paccayā tayo khandhā cittasamuṭṭhānañca rūpaṁ dve khandhe
paccayā dve khandhā paṭisandhikkhaṇe khandhe paccayā vatthu vatthuṁ
paccayā khandhā ekaṁ mahābhūtaṁ paccayā tayo mahābhūtā mahābhūte
paccayā bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ
Ekaṁ ... Cakkhāyatanaṁ paccayā cakkhuviññāṇaṁ kāyāyatanaṁ
paccayā kāyaviññāṇaṁ vatthuṁ paccayā nevadassanenanabhāvanāyapahātabbā
khandhā. Nevadassanenanabhāvanāyapahātabbaṁ dhammaṁ paccayā
dassanenapahātabbo dhammo uppajjati sahajātapaccayā. Avasesā
hetupaccayasadisā.

[628] Dassanenapahātabbaṁ dhammaṁ paccayā dassanenapahātabbo
dhammo uppajjati aññamaññapaccayā nissayapaccayā upanissayapaccayā
purejātapaccayā paṭisandhi natthi. Āsevanapaccayā paṭisandhi natthi
vipākañca. Kammapaccayā vipākapaccayā āhārapaccayā indriyapaccayā
jhānapaccayā maggapaccayā sampayuttapaccayā vippayuttapaccayā
atthipaccayā natthipaccayā vigatapaccayā avigatapaccayā.

[629] Hetuyā sattarasa ārammaṇe satta adhipatiyā sattarasa
anantare satta samanantare satta sahajāte sattarasa aññamaññe
satta nissaye sattarasa upanissaye satta purejāte satta
āsevane satta kamme sattarasa vipāke ekaṁ āhāre sattarasa
indriye sattarasa jhāne sattarasa magge sattarasa sampayutte
satta vippayutte sattarasa atthiyā sattarasa natthiyā satta vigate
satta avigate sattarasa. Evaṁ gaṇetabbaṁ.
Anulomaṁ.

[630] Dassanenapahātabbaṁ dhammaṁ paccayā dassanenapahātabbo
dhammo uppajjati nahetupaccayā vicikicchāsahagate khandhe paccayā
vicikicchāsahagato moho.

[631] Bhāvanāyapahātabbaṁ dhammaṁ paccayā bhāvanāyapahātabbo
dhammo uppajjati nahetupaccayā uddhaccasahagate khandhe paccayā
uddhaccasahagato moho.

[632] Nevadassanenanabhāvanāyapahātabbaṁ dhammaṁ paccayā
nevadassanenanabhāvanāyapahātabbo dhammo uppajjati nahetupaccayā
ahetukaṁ nevadassanenanabhāvanāyapahātabbaṁ ekaṁ khandhaṁ paccayā
tayo khandhā cittasamuṭṭhānañca rūpaṁ dve khandhe ... Ahetukapaṭisandhikkhaṇe
khandhe paccayā vatthu vatthuṁ paccayā khandhā ekaṁ mahābhūtaṁ ...
Bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ ...
Cakkhāyatanaṁ paccayā cakkhuviññāṇaṁ kāyāyatanaṁ paccayā kāyaviññāṇaṁ
vatthuṁ paccayā ahetukā nevadassanenanabhāvanāyapahātabbā
khandhā. Nevadassanenanabhāvanāyapahātabbaṁ dhammaṁ paccayā dassanenapahātabbo
dhammo ... Nahetupaccayā vatthuṁ paccayā vicikicchāsahagato
moho. Nevadassanenanabhāvanāyapahātabbaṁ dhammaṁ paccayā
bhāvanāyapahātabbo dhammo ... Nahetupaccayā vatthuṁ paccayā uddhaccasahagato
moho.

[633] Dassanenapahātabbañca nevadassanenanabhāvanāyapahātabbañca
Dhammaṁ paccayā dassanenapahātabbo dhammo ... Nahetupaccayā
vicikicchāsahagate khandhe ca vatthuñca paccayā vicikicchāsahagato
moho.