พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[334] Savitakkasavicāro dhammo savitakkasavicārassa ca
avitakkavicāramattassa ca dhammassa kammapaccayena paccayo sahajātā
nānākhaṇikā. Sahajātā: savitakkasavicārā cetanā sampayuttakānaṁ
khandhānaṁ vitakkassa ca kammapaccayena paccayo paṭisandhikkhaṇe
savitakkasavicārā cetanā sampayuttakānaṁ khandhānaṁ vitakkassa ca
kammapaccayena paccayo. Nānākhaṇikā: savitakkasavicārā cetanā
vipākānaṁ savitakkasavicārānaṁ khandhānaṁ vitakkassa ca kammapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[335] Savitakkasavicāro dhammo savitakkasavicārassa ca
avitakkavicāramattassa ca avitakkāvicārassa ca dhammassa kammapaccayena
paccayo sahajātā nānākhaṇikā. Sahajātā: savitakkasavicārā
cetanā sampayuttakānaṁ khandhānaṁ vitakkassa ca cittasamuṭṭhānānañca
rūpānaṁ kammapaccayena paccayo paṭisandhikkhaṇe savitakkasavicārā
cetanā sampayuttakānaṁ khandhānaṁ vitakkassa ca kaṭattā ca rūpānaṁ
kammapaccayena paccayo. Nānākhaṇikā: savitakkasavicārā cetanā
vipākānaṁ savitakkasavicārānaṁ khandhānaṁ vitakkassa ca kaṭattā ca rūpānaṁ
kammapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[336] Avitakkavicāramatto dhammo avitakkavicāramattassa dhammassa
kammapaccayena paccayo sahajātā nānākhaṇikā. Sahajātā:
Avitakkavicāramattā cetanā sampayuttakānaṁ khandhānaṁ kammapaccayena
paccayo paṭisandhikkhaṇe .... Nānākhaṇikā: avitakkavicāramattā cetanā
vipākānaṁ avitakkavicāramattānaṁ khandhānaṁ kammapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[337] Avitakkavicāramatto dhammo avitakkāvicārassa dhammassa
kammapaccayena paccayo sahajātā nānākhaṇikā. Sahajātā:
avitakkavicāramattā cetanā vicārassa cittasamuṭṭhānānañca rūpānaṁ
kammapaccayena paccayo paṭisandhikkhaṇe avitakkavicāramattā cetanā
vipākassa vicārassa ca kaṭattā ca rūpānaṁ kammapaccayena paccayo.
Nānākhaṇikā: avitakkavicāramattā cetanā vipākassa vicārassa ca
kaṭattā ca rūpānaṁ kammapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[338] Avitakkavicāramatto dhammo avitakkavicāramattassa ca
avitakkāvicārassa ca dhammassa kammapaccayena paccayo sahajātā
nānākhaṇikā. Sahajātā: avitakkavicāramattā cetanā sampayuttakānaṁ
khandhānaṁ vicārassa ca cittasamuṭṭhānānañca rūpānaṁ kammapaccayena
paccayo paṭisandhikkhaṇe avitakkavicāramattā cetanā
sampayuttakānaṁ khandhānaṁ vicārassa ca kaṭattā ca rūpānaṁ kammapaccayena
paccayo. Nānākhaṇikā: avitakkavicāramattā cetanā
vipākānaṁ avitakkavicāramattānaṁ khandhānaṁ vicārassa ca kaṭattā ca
rūpānaṁ kammapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[339] Avitakkāvicāro dhammo avitakkāvicārassa dhammassa
Kammapaccayena paccayo sahajātā nānākhaṇikā. Sahajātā:
avitakkāvicārā cetanā sampayuttakānaṁ khandhānaṁ cittasamuṭṭhānānañca
rūpānaṁ kammapaccayena paccayo paṭisandhikkhaṇe avitakkāvicārā
cetanā sampayuttakānaṁ khandhānaṁ kaṭattā ca rūpānaṁ kammapaccayena
paccayo. Nānākhaṇikā: avitakkāvicārā cetanā vipākānaṁ
avitakkāvicārānaṁ khandhānaṁ kaṭattā ca rūpānaṁ kammapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[340] Savitakkasavicāro dhammo savitakkasavicārassa dhammassa
vipākapaccayena paccayo vipāko savitakkasavicāro eko khandho
tiṇṇannaṁ khandhānaṁ vipākapaccayena paccayo paṭisandhikkhaṇe
savitakkasavicāro eko khandho tiṇṇannaṁ khandhānaṁ vipākapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[341] Savitakkasavicāro dhammo avitakkavicāramattassa dhammassa
vipākapaccayena paccayo vipākā savitakkasavicārā khandhā vitakkassa
vipākapaccayena paccayo paṭisandhikkhaṇe .... Savitakkasavicāramūlakā
sattapi pañhā paripuṇṇā.

Abhidhammapiṭake paṭṭhānaṁ dutiyo bhāgo (เล่ม 41)

[342] Avitakkavicāramatto dhammo avitakkavicāramattassa
dhammassa vipākapaccayena paccayo vipāko avitakkavicāramatto eko
khandho tiṇṇannaṁ khandhānaṁ vipākapaccayena paccayo dve khandhā ...
Paṭisandhikkhaṇe vipāko avitakkavicāramatto eko khandho ....
Avitakkavicāramattamūlakā pañca pañhā kātabbā. Vipākanti
niyāmetabbā.

Abhidhammapiṭake paṭṭhānaṁ dutiyo bhāgo (เล่ม 41)

[343] Avitakkāvicāro dhammo avitakkāvicārassa dhammassa
vipākapaccayena paccayo vipāko avitakkāvicāro eko khandho
tiṇṇannaṁ khandhānaṁ cittasamuṭṭhānānañca rūpānaṁ vipākapaccayena
paccayo dve khandhā .pe. Vipāko vicāro cittasamuṭṭhānānaṁ
rūpānaṁ vipākapaccayena paccayo paṭisandhikkhaṇe khandhā vatthussa
vipākapaccayena paccayo vicāro vatthussa vipākapaccayena paccayo.