พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[84] Savitakkasavicāraṁ dhammaṁ paṭicca savitakkasavicāro dhammo
uppajjati nakammapaccayā savitakkasavicāre khandhe paṭicca savitakkasavicārā
cetanā.

Abhidhammapiṭake paṭṭhānaṁ dutiyo bhāgo (เล่ม 41)

[85] Avitakkavicāramattaṁ dhammaṁ paṭicca avitakkavicāramatto dhammo
Uppajjati nakammapaccayā avitakkavicāramatte khandhe paṭicca avitakkavicāramattā
cetanā. Avitakkavicāramattaṁ dhammaṁ paṭicca savitakkasavicāro
dhammo uppajjati nakammapaccayā vitakkaṁ paṭicca savitakkasavicārā
cetanā.

Abhidhammapiṭake paṭṭhānaṁ dutiyo bhāgo (เล่ม 41)

[86] Avitakkāvicāraṁ dhammaṁ paṭicca avitakkāvicāro dhammo
uppajjati nakammapaccayā avitakkāvicāre khandhe paṭicca avitakkāvicārā
cetanā bāhiraṁ ... Āhārasamuṭṭhānaṁ ... Utusamuṭṭhānaṁ ekaṁ mahābhūtaṁ
paṭicca. Avitakkāvicāraṁ dhammaṁ paṭicca avitakkavicāramatto dhammo
uppajjati nakammapaccayā vicāraṁ paṭicca avitakkavicāramattā cetanā.

Abhidhammapiṭake paṭṭhānaṁ dutiyo bhāgo (เล่ม 41)

[87] Avitakkavicāramattañca avitakkāvicārañca dhammaṁ paṭicca
avitakkavicāramatto dhammo uppajjati nakammapaccayā avitakkavicāramatte
khandhe ca vicārañca paṭicca avitakkavicāramattā cetanā.

Abhidhammapiṭake paṭṭhānaṁ dutiyo bhāgo (เล่ม 41)

[88] Savitakkasavicārañca avitakkavicāramattañca dhammaṁ paṭicca
savitakkasavicāro dhammo uppajjati nakammapaccayā savitakkasavicāre
khandhe ca vitakkañca paṭicca savitakkasavicārā cetanā.

Abhidhammapiṭake paṭṭhānaṁ dutiyo bhāgo (เล่ม 41)

[89] Savitakkasavicāraṁ dhammaṁ paṭicca savitakkasavicāro dhammo
uppajjati navipākapaccayā. Saṅkhittaṁ. Nāahārapaccayā bāhiraṁ ...
Utusamuṭṭhānaṁ .pe. Naindriyapaccayā bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ mahābhūte paṭicca rūpajīvitindriyaṁ.
Najhānapaccayā pañcaviññāṇasahagataṁ ekaṁ khandhaṁ .pe. Bāhiraṁ ...
Āhārasamuṭṭhānaṁ ... Utusamuṭṭhānaṁ ... Asaññasattānaṁ .... (nāasevana-
mūlake avitakkavicāramattaṁ vipākena saha gacchantena napurejātasadisaṁ
kātabbaṁ. Avitakkavicāramattañca avitakkavicāramattagacchantena vipāko
dassetabbo) ... Namaggapaccayā nasampayuttapaccayā ....

Abhidhammapiṭake paṭṭhānaṁ dutiyo bhāgo (เล่ม 41)

[90] ... Navippayuttapaccayā arūpe savitakkasavicāraṁ ekaṁ khandhaṁ
paṭicca tayo khandhā dve khandhe paṭicca dve khandhā. Savitakkasavicāraṁ
dhammaṁ paṭicca avitakkavicāramatto dhammo uppajjati navippayuttapaccayā
arūpe savitakkasavicāre khandhe paṭicca vitakko. Savitakkasavicāraṁ dhammaṁ
paṭicca savitakkasavicāro ca avitakkavicāramatto ca dhammā uppajjanti
navippayuttapaccayā arūpe savitakkasavicāraṁ ekaṁ khandhaṁ paṭicca tayo
khandhā vitakko ca dve khandhe paṭicca dve khandhā vitakko ca.

Abhidhammapiṭake paṭṭhānaṁ dutiyo bhāgo (เล่ม 41)

[91] Avitakkavicāramattaṁ dhammaṁ paṭicca avitakkavicāramatto dhammo
uppajjati navippayuttapaccayā arūpe avitakkavicāramattaṁ ekaṁ khandhaṁ
paṭicca tayo khandhā dve khandhe paṭicca dve khandhā. Avitakkavicāramattaṁ
dhammaṁ paṭicca savitakkasavicāro dhammo uppajjati navippayuttapaccayā
arūpe vitakkaṁ paṭicca savitakkasavicārā khandhā.
Avitakkavicāramattaṁ dhammaṁ paṭicca avitakkāvicāro dhammo uppajjati
navippayuttapaccayā arūpe avitakkavicāramatte khandhe paṭicca
vicāro. Avitakkavicāramattaṁ dhammaṁ paṭicca avitakkavicāramatto ca
avitakkāvicāro ca dhammā uppajjanti navippayuttapaccayā arūpe
Avitakkavicāramattaṁ ekaṁ khandhaṁ paṭicca tayo khandhā vicāro ca dve
khandhe paṭicca dve khandhā vicāro ca.

Abhidhammapiṭake paṭṭhānaṁ dutiyo bhāgo (เล่ม 41)

[92] Avitakkāvicāraṁ dhammaṁ paṭicca avitakkāvicāro dhammo
uppajjati navippayuttapaccayā arūpe avitakkāvicāraṁ ekaṁ khandhaṁ
paṭicca tayo khandhā dve khandhe paṭicca dve khandhā bāhiraṁ ...
Āhārasamuṭṭhānaṁ ... Utusamuṭṭhānaṁ ... Asaññasattānaṁ ekaṁ mahābhūtaṁ
paṭicca. Avitakkāvicāraṁ dhammaṁ paṭicca avitakkavicāramatto dhammo
uppajjati navippayuttapaccayā arūpe vicāraṁ paṭicca avitakkavicāramattā
khandhā.

Abhidhammapiṭake paṭṭhānaṁ dutiyo bhāgo (เล่ม 41)

[93] Avitakkavicāramattañca avitakkāvicārañca dhammaṁ paṭicca
avitakkavicāramatto dhammo uppajjati navippayuttapaccayā arūpe
avitakkavicāramattaṁ ekaṁ khandhañca vicārañca paṭicca tayo khandhā
dve khandhe ca vicārañca paṭicca dve khandhā.