พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[14] Savitakkasavicārañca avitakkavicāramattañca dhammaṁ paṭicca
savitakkasavicāro dhammo uppajjati hetupaccayā savitakkasavicāraṁ
ekaṁ khandhañca vitakkañca paṭicca tayo khandhā dve khandhe ca
vitakkañca paṭicca dve khandhā paṭisandhikkhaṇe savitakkasavicāraṁ
Ekaṁ khandhañca vitakkañca paṭicca tayo khandhā dve khandhe ca
vitakkañca paṭicca dve khandhā. Savitakkasavicārañca
avitakkavicāramattañca dhammaṁ paṭicca avitakkāvicāro dhammo uppajjati
hetupaccayā savitakkasavicāre khandhe ca vitakkañca paṭicca cittasamuṭṭhānaṁ
rūpaṁ paṭisandhikkhaṇe savitakkasavicāre khandhe ca vitakkañca paṭicca
kaṭattārūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[15] Savitakkasavicārañca avitakkavicāramattañca dhammaṁ paṭicca
savitakkasavicāro ca avitakkāvicāro ca dhammā uppajjanti hetupaccayā
savitakkasavicāraṁ ekaṁ khandhañca vitakkañca paṭicca tayo khandhā
cittasamuṭṭhānañca rūpaṁ dve khandhe ca vitakkañca paṭicca dve khandhā
cittasamuṭṭhānañca rūpaṁ paṭisandhikkhaṇe savitakkasavicāraṁ ekaṁ khandhañca
vitakkañca paṭicca tayo khandhā kaṭattā ca rūpaṁ dve khandhe ca
vitakkañca paṭicca dve khandhā kaṭattā ca rūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[16] Savitakkasavicārañca avitakkavicāramattañca avitakkāvicārañca
dhammaṁ paṭicca savitakkasavicāro dhammo uppajjati hetupaccayā
paṭisandhikkhaṇe savitakkasavicāraṁ ekaṁ khandhañca vitakkañca vatthuñca
paṭicca tayo khandhā dve khandhe ca vitakkañca vatthuñca paṭicca dve
khandhā. Savitakkasavicārañca avitakkavicāramattañca avitakkāvicārañca
dhammaṁ paṭicca avitakkāvicāro dhammo uppajjati hetupaccayā
savitakkasavicāre khandhe ca vitakkañca mahābhūte ca paṭicca
Cittasamuṭṭhānaṁ rūpaṁ paṭisandhikkhaṇe savitakkasavicāre khandhe ca
vitakkañca mahābhūte ca paṭicca kaṭattārūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[17] Savitakkasavicārañca avitakkavicāramattañca avitakkāvicārañca
dhammaṁ paṭicca savitakkasavicāro ca avitakkāvicāro ca dhammā
uppajjanti hetupaccayā paṭisandhikkhaṇe savitakkasavicāraṁ ekaṁ khandhañca
vitakkañca vatthuñca paṭicca tayo khandhā tayo khandhe ca vitakkañca
vatthuñca paṭicca eko khandho dve khandhe ca vitakkañca vatthuñca
paṭicca dve khandhā savitakkasavicāre khandhe ca vitakkañca mahābhūte ca
paṭicca kaṭattārūpaṁ.

Abhidhammapiṭake paṭṭhānaṁ dutiyo bhāgo (เล่ม 41)

[18] Savitakkasavicāraṁ dhammaṁ paṭicca savitakkasavicāro dhammo
uppajjati ārammaṇapaccayā savitakkasavicāraṁ ekaṁ khandhaṁ paṭicca tayo
khandhā dve khandhe paṭicca dve khandhā paṭisandhikkhaṇe ....
Savitakkasavicāraṁ dhammaṁ paṭicca avitakkavicāramatto dhammo uppajjati
ārammaṇapaccayā savitakkasavicāre khandhe paṭicca vitakko
paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[19] Savitakkasavicāraṁ dhammaṁ paṭicca savitakkasavicāro ca
avitakkavicāramatto ca dhammā uppajjanti ārammaṇapaccayā
savitakkasavicāraṁ ekaṁ khandhaṁ paṭicca tayo khandhā vitakko. Dve khandhe
paṭicca dve khandhā vitakko ca paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[20] Avitakkavicāramattaṁ dhammaṁ paṭicca avitakkavicāramatto dhammo
Uppajjati ārammaṇapaccayā avitakkavicāramattaṁ ekaṁ khandhaṁ paṭicca
tayo khandhā dve khandhe paṭicca dve khandhā paṭisandhikkhaṇe ....
Avitakkavicāramattaṁ dhammaṁ paṭicca savitakkasavicāro dhammo uppajjati
ārammaṇapaccayā vitakkaṁ paṭicca savitakkasavicārā khandhā
paṭisandhikkhaṇe .... Avitakkavicāramattaṁ dhammaṁ paṭicca avitakkāvicāro
dhammo uppajjati ārammaṇapaccayā avitakkavicāramatte khandhe
paṭicca vicāro paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[21] Avitakkavicāramattaṁ dhammaṁ paṭicca avitakkavicāramatto ca
avitakkāvicāro ca dhammā uppajjanti ārammaṇapaccayā avitakkavicāramattaṁ
ekaṁ khandhaṁ paṭicca tayo khandhā vicāro ca dve khandhe
paṭicca dve khandhā vicāro ca paṭisandhikkhaṇe ....

Abhidhammapiṭake paṭṭhānaṁ dutiyo bhāgo (เล่ม 41)

[22] Avitakkāvicāraṁ dhammaṁ paṭicca avitakkāvicāro dhammo
uppajjati ārammaṇapaccayā avitakkāvicāraṁ ekaṁ khandhaṁ paṭicca tayo
khandhā dve khandhe paṭicca dve khandhā paṭisandhikkhaṇe avitakkāvicāraṁ
ekaṁ khandhaṁ paṭicca tayo khandhā dve khandhe paṭicca dve
khandhā paṭisandhikkhaṇe vatthuṁ paṭicca khandhā vatthuṁ paṭicca vicāro.
Avitakkāvicāraṁ dhammaṁ paṭicca savitakkasavicāro dhammo uppajjati
ārammaṇapaccayā paṭisandhikkhaṇe vatthuṁ paṭicca savitakkasavicārā
khandhā. Avitakkāvicāraṁ dhammaṁ paṭicca avitakkavicāramatto dhammo
uppajjati ārammaṇapaccayā vicāraṁ paṭicca avitakkavicāramattā
Khandhā paṭisandhikkhaṇe vicāraṁ paṭicca avitakkavicāramattā khandhā
paṭisandhikkhaṇe vatthuṁ paṭicca avitakkavicāramattā khandhā paṭisandhikkhaṇe
vatthuṁ paṭicca vitakko.

Abhidhammapiṭake paṭṭhānaṁ dutiyo bhāgo (เล่ม 41)

[23] Avitakkāvicāraṁ dhammaṁ paṭicca avitakkavicāramatto ca
avitakkāvicāro ca dhammā uppajjanti ārammaṇapaccayā
paṭisandhikkhaṇe vatthuṁ paṭicca avitakkavicāramattā khandhā vicāro ca.
Avitakkāvicāraṁ dhammaṁ paṭicca savitakkasavicāro ca avitakkavicāramatto ca
dhammā uppajjanti ārammaṇapaccayā paṭisandhikkhaṇe vatthuṁ paṭicca
savitakkasavicārā khandhā ca vitakko ca.