[1692] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa anantarapaccayena paccayo āvajjanā saṅkiliṭṭhasaṅkilesikānaṁ
khandhānaṁ anantarapaccayena paccayo.

[1693] Asaṅkiliṭṭhasaṅkilesiko dhammo asaṅkiliṭṭhāsaṅkilesikassa
dhammassa anantarapaccayena paccayo gotrabhu maggassa vodānaṁ
Maggassa anulomaṁ phalasamāpattiyā nirodhā vuṭṭhahantassa nevasaññānāsaññāyatanaṁ
phalasamāpattiyā anantarapaccayena paccayo.

[1694] Asaṅkiliṭṭhāsaṅkilesiko dhammo asaṅkiliṭṭhāsaṅkilesikassa
dhammassa anantarapaccayena paccayo purimā purimā
asaṅkiliṭṭhāsaṅkilesikā khandhā pacchimānaṁ pacchimānaṁ asaṅkiliṭṭhāsaṅkilesikānaṁ
khandhānaṁ anantarapaccayena paccayo maggo phalassa
phalaṁ phalassa anantarapaccayena paccayo.

[1695] Asaṅkiliṭṭhāsaṅkilesiko dhammo asaṅkiliṭṭhasaṅkilesikassa
dhammassa anantarapaccayena paccayo phalaṁ vuṭṭhānassa
anantarapaccayena paccayo.

[1696] Saṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa samanantarapaccayena paccayo .pe. ... Sahajātapaccayena
paccayo ... Aññamaññapaccayena paccayo ... Nissayapaccayena paccayo
... Upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: rāgaṁ upanissāya pāṇaṁ hanati
saṅghaṁ bhindati dosaṁ upanissāya pāṇaṁ hanati saṅghaṁ bhindati rāgo ...
Patthanā rāgassa patthanāya upanissayapaccayena paccayo
pāṇātipāto pāṇātipātassa upanissayapaccayena paccayo niyatamicchādiṭṭhi
niyatamicchādiṭṭhiyā upanissayapaccayena paccayo.

[1697] Saṅkiliṭṭhasaṅkilesiko dhammo asaṅkiliṭṭhasaṅkilesikassa
Dhammassa upanissayapaccayena paccayo anantarūpanissayo pakatūpanissayo.
Pakatūpanissayo: rāgaṁ upanissāya dānaṁ deti sīlaṁ
samādiyati uposathakammaṁ karoti jhānaṁ ... Vipassanaṁ ... Abhiññaṁ
uppādeti samāpattiṁ uppādeti patthanaṁ upanissāya dānaṁ deti
samāpattiṁ uppādeti rāgo ... Patthanā saddhāya kāyikassa sukhassa
kāyikassa dukkhassa upanissayapaccayena paccayo pāṇaṁ hantvā
tassa paṭighātatthāya dānaṁ deti sīlaṁ samādiyati uposathakammaṁ karoti
jhānaṁ uppādeti vipassanaṁ uppādeti abhiññaṁ uppādeti samāpattiṁ
uppādeti saṅghaṁ bhinditvā tassa paṭighātatthāya dānaṁ deti
sīlaṁ samādiyati uposathakammaṁ karoti akusalaṁ kammaṁ vipākassa
upanissayapaccayena paccayo.

[1698] Saṅkiliṭṭhasaṅkilesiko dhammo asaṅkiliṭṭhāsaṅkilesikassa
dhammassa upanissayapaccayena paccayo pakatūpanissayo: rāgaṁ upanissāya
maggaṁ uppādeti phalasamāpattiṁ samāpajjati dosaṁ ... Patthanaṁ
upanissāya maggaṁ uppādeti phalasamāpattiṁ samāpajjati rāgo ...
Patthanā maggassa phalasamāpattiyā upanissayapaccayena paccayo.

[1699] Asaṅkiliṭṭhasaṅkilesiko dhammo asaṅkiliṭṭhasaṅkilesikassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: saddhaṁ upanissāya dānaṁ
deti samāpattiṁ uppādeti sīlaṁ ... Sutaṁ cāgaṁ paññaṁ kāyikaṁ sukhaṁ
Kāyikaṁ dukkhaṁ utuṁ bhojanaṁ ... Senāsanaṁ upanissāya dānaṁ deti samāpattiṁ
uppādeti saddhā ... Senāsanaṁ saddhāya kāyikassa sukhassa
upanissayapaccayena paccayo kusalaṁ kammaṁ vipākassa upanissayapaccayena
paccayo paṭhamassa jhānassa parikammaṁ paṭhamassa jhānassa
ākiñcaññāyatanaṁ nevasaññānāsaññāyatanassa.

[1700] Asaṅkiliṭṭhasaṅkilesiko dhammo saṅkiliṭṭhasaṅkilesikassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: saddhaṁ upanissāya mānaṁ
jappeti diṭṭhiṁ gaṇhāti sīlaṁ ... Senāsanaṁ upanissāya pāṇaṁ hanati
saṅghaṁ bhindati saddhā ... Senāsanaṁ rāgassa patthanāya upanissayapaccayena
paccayo.

[1701] Asaṅkiliṭṭhasaṅkilesiko dhammo asaṅkiliṭṭhāsaṅkilesikassa
dhammassa upanissayapaccayena paccayo anantarūpanissayo pakatūpanissayo.
Pakatūpanissayo: paṭhamassa maggassa parikammaṁ paṭhamassa
maggassa ... Dutiyassa tatiyassa catutthassa maggassa upanissayapaccayena
paccayo.