พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ paṭhamo bhāgo (เล่ม 40)

[1522] Upādinnupādāniyo dhammo anupādinnānupādāniyassa
dhammassa upanissayapaccayena paccayo. Pakatūpanissayo: kāyikaṁ
sukhaṁ upanissāya maggaṁ uppādeti phalasamāpattiṁ samāpajjati kāyikaṁ
dukkhaṁ ... Utuṁ ... Bhojanaṁ upanissāya maggaṁ uppādeti phalasamāpattiṁ
samāpajjati. Kāyikaṁ sukhaṁ ... Kāyikaṁ dukkhaṁ ... Utu ... Bhojanaṁ maggassa
phalasamāpattiyā upanissayapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1523] Anupādinnupādāniyo dhammo anupādinnupādāniyassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: anupādinnupādāniyaṁ
saddhaṁ upanissāya dānaṁ deti sīlaṁ samādiyati uposathakammaṁ karoti
jhānaṁ uppādeti vipassanaṁ uppādeti abhiññaṁ uppādeti samāpattiṁ
uppādeti pāṇaṁ hanati saṅghaṁ bhindati mānaṁ jappeti diṭṭhiṁ gaṇhāti
anupādinnupādāniyaṁ sīlaṁ ... Sutaṁ cāgaṁ paññaṁ rāgaṁ dosaṁ mohaṁ
Mānaṁ diṭṭhiṁ patthanaṁ utuṁ bhojanaṁ ... Senāsanaṁ upanissāya dānaṁ deti
samāpattiṁ uppādeti pāṇaṁ hanati saṅghaṁ bhindati mānaṁ jappeti diṭṭhiṁ
gaṇhāti anupādinnupādāniyā saddhā ... Sīlaṁ sutaṁ cāgo paññā
rāgo doso moho māno diṭṭhi patthanā utu bhojanaṁ ... Senāsanaṁ
anupādinnupādāniyāya saddhāya ... Sīlassa sutassa cāgassa paññāya
rāgassa dosassa mohassa mānassa diṭṭhiyā ... Patthanāya
upanissayapaccayena paccayo paṭhamassa jhānassa parikammaṁ paṭhamassa
jhānassa nevasaññānāsaññāyatanassa parikammaṁ nevasaññānāsaññāyatanassa
paṭhamaṁ jhānaṁ dutiyassa ākiñcaññāyatanaṁ nevasaññānāsaññāyatanassa
pāṇātipāto pāṇātipātassa niyatamicchādiṭṭhi
niyatamicchādiṭṭhiyā.

Abhidhammapiṭake paṭṭhānaṁ paṭhamo bhāgo (เล่ม 40)

[1524] Anupādinnupādāniyo dhammo upādinnupādāniyassa
dhammassa upanissayapaccayena paccayo anantarūpanissayo pakatūpanissayo.
Pakatūpanissayo: anupādinnupādāniyaṁ saddhaṁ upanissāya
attānaṁ ātāpeti paritāpeti pariyiṭṭhimūlakaṁ dukkhaṁ paccanubhoti
anupādinnupādāniyaṁ sīlaṁ .... Saṅkhittaṁ. ... Senāsanaṁ upanissāya
attānaṁ ātāpeti paritāpeti pariyiṭṭhimūlakaṁ dukkhaṁ paccanubhoti
anupādinnupādāniyā saddhā .... Saṅkhittaṁ. Senāsanaṁ kāyikassa sukhassa
kāyikassa dukkhassa upanissayapaccayena paccayo kusalākusalaṁ kammaṁ
vipākassa upanissayapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1525] Anupādinnupādāniyo dhammo anupādinnānupādāniyassa
dhammassa upanissayapaccayena paccayo anantarūpanissayo pakatūpanissayo.
Pakatūpanissayo: paṭhamassa maggassa parikammaṁ paṭhamassa
maggassa upanissayapaccayena paccayo dutiyassa maggassa tatiyassa
maggassa catutthassa maggassa parikammaṁ catutthassa maggassa
upanissayapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1526] Anupādinnānupādāniyo dhammo anupādinnānupādāniyassa
dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: paṭhamo maggo
dutiyassa maggassa upanissayapaccayena paccayo dutiyo maggo tatiyassa
tatiyo maggo catutthassa maggassa maggo phalasamāpattiyā
upanissayapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1527] Anupādinnānupādāniyo dhammo upādinnupādāniyassa
dhammassa upanissayapaccayena paccayo anantarūpanissayo pakatūpanissayo.
Pakatūpanissayo: phalasamāpatti kāyikassa sukhassa
upanissayapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1528] Anupādinnānupādāniyo dhammo anupādinnupādāniyassa
dhammassa upanissayapaccayena paccayo ārammaṇūpanissayo pakatūpanissayo.
Pakatūpanissayo: ariyā maggaṁ upanissāya anuppannaṁ
samāpattiṁ uppādenti uppannaṁ samāpattiṁ samāpajjanti saṅkhāre
Aniccato dukkhato anattato vipassanti maggo ariyānaṁ atthapaṭisambhidāya
dhammapaṭisambhidāya niruttipaṭisambhidāya paṭibhāṇapaṭisambhidāya
ṭhānāṭhānakosallassa upanissayapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1529] Upādinnupādāniyo dhammo upādinnupādāniyassa
dhammassa purejātapaccayena paccayo ārammaṇapurejātaṁ vatthupurejātaṁ.
Ārammaṇapurejātaṁ: sekkhā vā puthujjanā vā cakkhuṁ aniccato
dukkhato anattato vipassanti assādenti abhinandanti taṁ ārabbha
rāgo uppajjati domanassaṁ uppajjati kusalākusale niruddhe vipāko
tadārammaṇatā uppajjati sotaṁ ... Ghānaṁ jivhaṁ kāyaṁ upādinnupādāniye
rūpe ... ... Gandhe ... Rase ... Phoṭṭhabbe ... Vatthuṁ aniccato
dukkhato anattato vipassanti assādenti abhinandanti taṁ ārabbha rāgo
uppajjati domanassaṁ uppajjati kusalākusale niruddhe vipāko
tadārammaṇatā uppajjati upādinnupādāniyaṁ rūpāyatanaṁ cakkhuviññāṇassa
upādinnupādāniyaṁ gandhāyatanaṁ ... ... Rasāyatanaṁ ... Phoṭṭhabbāyatanaṁ
kāyaviññāṇassa purejātapaccayena paccayo. Vatthupurejātaṁ:
cakkhāyatanaṁ cakkhuviññāṇassa kāyāyatanaṁ kāyaviññāṇassa vatthu
upādinnupādāniyānaṁ khandhānaṁ purejātapaccayena paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1530] Upādinnupādāniyo dhammo anupādinnupādāniyassa
dhammassa purejātapaccayena paccayo ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ aniccato dukkhato anattato vipassanti
Assādenti abhinandanti taṁ ārabbha rāgo uppajjati domanassaṁ
uppajjati sotaṁ ... Vatthuṁ aniccato dukkhato anattato vipassanti
assādenti abhinandanti taṁ ārabbha rāgo uppajjati domanassaṁ
uppajjati dibbena cakkhunā upādinnupādāniyaṁ rūpaṁ passanti.
Vatthupurejātaṁ: vatthu anupādinnupādāniyānaṁ khandhānaṁ purejātapaccayena
paccayo.

Abhidhammapiṭake paṭṭhānaṁ paṭhamo bhāgo (เล่ม 40)

[1531] Upādinnupādāniyo dhammo anupādinnānupādāniyassa
dhammassa purejātapaccayena paccayo. Vatthupurejātaṁ: vatthu
anupādinnānupādāniyānaṁ khandhānaṁ purejātapaccayena paccayo.