[1232] Nahetupaccayā nāarammaṇapaccayā adhipatiyā tīṇi
... Anantare satta. Saṅkhittaṁ. ... Avigate tīṇi. Nahetupaccayā
nāarammaṇapaccayā nādhipatipaccayā nānantarapaccayā nasamanantarapaccayā
sahajāte tīṇi aññamaññe tīṇi nissaye tīṇi upanissaye
nava kamme aṭṭha vipāke tīṇi atthiyā tīṇi avigate tīṇi.

[1233] Nahetupaccayā nāarammaṇapaccayā. Mūlakaṁ saṅkhittaṁ.
Nanissayapaccayā upanissaye nava ... Kamme aṭṭha. Nahetupaccayā
nāarammaṇapaccayā. Saṅkhittaṁ. Naupanissayapaccayā napurejātapaccayā
napacchājātapaccayā nāasevanapaccayā navipākapaccayā nāahārapaccayā
naindriyapaccayā najhānapaccayā namaggapaccayā nasampayuttapaccayā
navippayuttapaccayā noatthipaccayā nonatthipaccayā
novigatapaccayā noavigatapaccayā kamme aṭṭha.
Nahetumūlakaṁ niṭṭhitaṁ.

[1234] Nāarammaṇapaccayā hetuyā tīṇi. Saṅkhittaṁ. ... Kamme
aṭṭha avigate tīṇi.

[1235] Noavigatapaccayā ārammaṇe nava ... Adhipatiyā cattāri
anantare satta samanantare satta upanissaye nava āsevane tīṇi
kamme aṭṭha natthiyā satta vigate satta.

[1236] Noavigatapaccayā nahetupaccayā nāarammaṇapaccayā
anantare satta ... Samanantare satta upanissaye nava āsevane tīṇi
kamme aṭṭha natthiyā satta vigate satta.

[1237] Noavigatapaccayā nahetupaccayā nāarammaṇapaccayā
nādhipatipaccayā nānantarapaccayā nasamanantarapaccayā nasahajātapaccayā
nāññamaññapaccayā nanissayapaccayā naupanissayapaccayā napurejātapaccayā
napacchājātapaccayā nāasevanapaccayā navipākapaccayā
nāahārapaccayā naindriyapaccayā najhānapaccayā namaggapaccayā
Nasampayuttapaccayā navippayuttapaccayā noatthipaccayā nonatthipaccayā
novigatapaccayā kamme aṭṭha.
Yathā kusalattikassa paccanīyānulomagaṇanā
sajjhāyamaggena gaṇitā evaṁ gaṇetabbaṁ.
Paccanīyānulomaṁ niṭṭhitaṁ.
Vedanāttikaṁ dutiyaṁ
niṭṭhitaṁ.
--------------
Vipākattikaṁ
paṭiccavāro

[1238] Vipākaṁ dhammaṁ paṭicca vipāko dhammo uppajjati
hetupaccayā vipākaṁ ekaṁ khandhaṁ paṭicca tayo khandhā .pe. Dve
khandhe paṭicca dve khandhā paṭisandhikkhaṇe vipākaṁ ekaṁ khandhaṁ
paṭicca tayo khandhā .pe. Dve khandhe paṭicca dve khandhā.
Vipākaṁ dhammaṁ paṭicca nevavipākanavipākadhammadhammo uppajjati hetupaccayā
vipāke khandhe paṭicca cittasamuṭṭhānaṁ rūpaṁ paṭisandhikkhaṇe
vipāke khandhe paṭicca kaṭattārūpaṁ. Vipākaṁ dhammaṁ paṭicca vipāko
ca nevavipākanavipākadhammadhammo ca dhammā uppajjanti hetupaccayā
vipākaṁ ekaṁ khandhaṁ paṭicca tayo khandhā cittasamuṭṭhānañca rūpaṁ
dve khandhe paṭicca dve khandhā cittasamuṭṭhānañca rūpaṁ paṭisandhikkhaṇe
vipākaṁ ekaṁ khandhaṁ paṭicca tayo khandhā kaṭattā ca
rūpaṁ dve khandhe paṭicca dve khandhā kaṭattā ca rūpaṁ.

[1239] Vipākadhammadhammaṁ paṭicca vipākadhammadhammo uppajjati
hetupaccayā vipākadhammadhammaṁ ekaṁ khandhaṁ paṭicca tayo khandhā
dve khandhe paṭicca dve khandhā. Vipākadhammadhammaṁ paṭicca
nevavipākanavipākadhammadhammo uppajjati hetupaccayā vipākadhammadhamme
khandhe paṭicca cittasamuṭṭhānaṁ rūpaṁ. Vipākadhammadhammaṁ paṭicca vipākadhammadhammo
Ca nevavipākanavipākadhammadhammo ca dhammā uppajjanti
hetupaccayā vipākadhammadhammaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe paṭicca dve khandhā cittasamuṭṭhānañca
rūpaṁ.

[1240] Nevavipākanavipākadhammadhammaṁ paṭicca nevavipākanavipākadhammadhammo
uppajjati hetupaccayā nevavipākanavipākadhammadhammaṁ ekaṁ
khandhaṁ paṭicca tayo khandhā cittasamuṭṭhānañca rūpaṁ dve khandhe
paṭicca dve khandhā cittasamuṭṭhānañca rūpaṁ ekaṁ mahābhūtaṁ paṭicca
tayo mahābhūtā dve mahābhūte paṭicca dve mahābhūtā mahābhūte
paṭicca cittasamuṭṭhānaṁ rūpaṁ kaṭattārūpaṁ upādārūpaṁ. Nevavipākanavipākadhammadhammaṁ
paṭicca vipāko dhammo uppajjati hetupaccayā
paṭisandhikkhaṇe vatthuṁ paṭicca vipākā khandhā. Nevavipākanavipākadhammadhammaṁ
paṭicca vipāko ca nevavipākanavipākadhammadhammo
ca dhammā uppajjanti hetupaccayā paṭisandhikkhaṇe vatthuṁ
paṭicca vipākā khandhā mahābhūte paṭicca kaṭattārūpaṁ.

[1241] Vipākañca nevavipākanavipākadhammadhammañca dhammaṁ paṭicca
vipāko dhammo uppajjati hetupaccayā paṭisandhikkhaṇe vipākaṁ
ekaṁ khandhañca vatthuñca paṭicca tayo khandhā dve khandhe ca
vatthuñca paṭicca dve khandhā. Vipākañca nevavipākanavipākadhammadhammañca
dhammaṁ paṭicca nevavipākanavipākadhammadhammo uppajjati
Hetupaccayā vipāke khandhe ca mahābhūte ca paṭicca cittasamuṭṭhānaṁ
rūpaṁ paṭisandhikkhaṇe vipāke khandhe ca mahābhūte ca paṭicca kaṭattārūpaṁ.
Vipākañca nevavipākanavipākadhammadhammañca dhammaṁ paṭicca vipāko
ca nevavipākanavipākadhammadhammo ca dhammā uppajjanti hetupaccayā
paṭisandhikkhaṇe vipākaṁ ekaṁ khandhañca vatthuñca paṭicca tayo khandhā
dve khandhe ca vatthuñca paṭicca dve khandhā vipāke khandhe ca
mahābhūte ca paṭicca kaṭattārūpaṁ.