[382] Abyākataṁ dhammaṁ nissāya abyākato dhammo uppajjati
hetupaccayā vipākābyākataṁ kiriyābyākataṁ ekaṁ khandhaṁ nissāya
tayo khandhā cittasamuṭṭhānañca rūpaṁ tayo khandhe nissāya eko
khandho cittasamuṭṭhānañca rūpaṁ dve khandhe nissāya dve khandhā
cittasamuṭṭhānañca rūpaṁ paṭisandhikkhaṇe vipākābyākataṁ ekaṁ khandhaṁ
nissāya tayo khandhā kaṭattā ca rūpaṁ tayo khandhe nissāya
eko khandho kaṭattā ca rūpaṁ dve khandhe nissāya dve khandhā
kaṭattā ca rūpaṁ khandhe nissāya vatthu vatthuṁ nissāya khandhā
ekaṁ mahābhūtaṁ nissāya tayo mahābhūtā tayo mahābhūte nissāya
ekaṁ mahābhūtaṁ dve mahābhūte nissāya dve mahābhūtā mahābhūte
nissāya cittasamuṭṭhānaṁ rūpaṁ kaṭattārūpaṁ upādārūpaṁ vatthuṁ nissāya
vipākābyākatā kiriyābyākatā khandhā. Abyākataṁ dhammaṁ nissāya
kusalo dhammo uppajjati hetupaccayā vatthuṁ nissāya kusalā khandhā.
Abyākataṁ dhammaṁ nissāya akusalo dhammo uppajjati hetupaccayā
vatthuṁ nissāya akusalā khandhā. Abyākataṁ dhammaṁ nissāya kusalo
ca abyākato ca dhammā uppajjanti hetupaccayā vatthuṁ nissāya
kusalā khandhā mahābhūte nissāya cittasamuṭṭhānaṁ rūpaṁ. Abyākataṁ
Dhammaṁ nissāya akusalo ca abyākato ca dhammā uppajjanti
hetupaccayā vatthuṁ nissāya akusalā khandhā mahābhūte nissāya
cittasamuṭṭhānaṁ rūpaṁ.

[383] Kusalañca abyākatañca dhammaṁ nissāya kusalo dhammo
uppajjati hetupaccayā kusalaṁ ekaṁ khandhañca vatthuñca nissāya
tayo khandhā .pe. Dve khandhe ca vatthuñca nissāya dve khandhā.
Kusalañca abyākatañca dhammaṁ nissāya abyākato dhammo uppajjati
hetupaccayā kusale khandhe ca mahābhūte ca nissāya cittasamuṭṭhānaṁ
rūpaṁ. Kusalañca abyākatañca dhammaṁ nissāya kusalo ca abyākato ca
dhammā uppajjanti hetupaccayā kusalaṁ ekaṁ khandhañca vatthuñca
nissāya tayo khandhā .pe. Dve khandhe ca vatthuñca nissāya
dve khandhā kusale khandhe ca mahābhūte ca nissāya cittasamuṭṭhānaṁ
rūpaṁ. Akusalañca abyākatañca dhammaṁ nissāya akusalo dhammo
uppajjati hetupaccayā akusalaṁ ekaṁ khandhañca vatthuñca nissāya
tayo khandhā .pe. Dve khandhe ca vatthuñca nissāya dve khandhā.
Akusalañca abyākatañca dhammaṁ nissāya abyākato dhammo uppajjati
hetupaccayā akusale khandhe ca mahābhūte ca nissāya cittasamuṭṭhānaṁ
rūpaṁ. Akusalañca abyākatañca dhammaṁ nissāya akusalo ca abyākato
ca dhammā uppajjanti hetupaccayā akusalaṁ ekaṁ khandhañca vatthuñca
nissāya tayo khandhā .pe. Dve khandhe ca vatthuñca nissāya
Dve khandhā akusale khandhe ca mahābhūte ca nissāya cittasamuṭṭhānaṁ
rūpaṁ.

[384] Hetuyā sattarasa ārammaṇe satta adhipatiyā sattarasa
anantare satta samanantare satta sahajāte sattarasa
aññamaññe satta nissaye sattarasa upanissaye satta purejāte satta
āsevane satta kamme sattarasa vipāke ekaṁ āhāre sattarasa
indriye sattarasa jhāne sattarasa magge sattarasa sampayutte
satta vippayutte sattarasa atthiyā sattarasa natthiyā satta
vigate satta avigate sattarasa.
Nissayavāre anulomaṁ niṭṭhitaṁ.

[385] Akusalaṁ dhammaṁ nissāya akusalo dhammo uppajjati
nahetupaccayā vicikicchāsahagate uddhaccasahagate khandhe nissāya
vicikicchāsahagato uddhaccasahagato moho. Abyākataṁ dhammaṁ nissāya
abyākato dhammo uppajjati nahetupaccayā ahetukaṁ vipākābyākataṁ
kiriyābyākataṁ ekaṁ khandhaṁ nissāya tayo khandhā cittasamuṭṭhānañca
rūpaṁ tayo khandhe nissāya eko khandho cittasamuṭṭhānañca rūpaṁ
dve khandhe nissāya dve khandhā cittasamuṭṭhānañca rūpaṁ
ahetukapaṭisandhikkhaṇe vipākābyākataṁ ekaṁ khandhaṁ nissāya tayo khandhā
kaṭattā ca rūpaṁ .pe. Dve khandhe nissāya dve khandhā kaṭattā ca
rūpaṁ khandhe nissāya vatthu vatthuṁ nissāya khandhā ekaṁ mahābhūtaṁ
Nissāya tayo mahābhūtā .pe. Mahābhūte nissāya cittasamuṭṭhānaṁ
rūpaṁ kaṭattārūpaṁ upādārūpaṁ bāhiraṁ ... Āhārasamuṭṭhānaṁ ... Utusamuṭṭhānaṁ
... Asaññasattānaṁ ekaṁ mahābhūtaṁ nissāya tayo mahābhūtā
.pe. Mahābhūte nissāya kaṭattārūpaṁ upādārūpaṁ cakkhāyatanaṁ
nissāya cakkhuviññāṇaṁ .pe. Kāyāyatanaṁ nissāya kāyaviññāṇaṁ
vatthuṁ nissāya ahetukā vipākābyākatā kiriyābyākatā khandhā.
Abyākataṁ dhammaṁ nissāya akusalo dhammo uppajjati nahetupaccayā
vatthuṁ nissāya vicikicchāsahagato uddhaccasahagato moho.

[386] Akusalañca abyākatañca dhammaṁ nissāya akusalo dhammo
uppajjati nahetupaccayā vicikicchāsahagate uddhaccasahagate khandhe
ca vatthuñca nissāya vicikicchāsahagato uddhaccasahagato moho.

[387] Nahetuyā cattāri nāarammaṇe pañca nādhipatiyā
sattarasa nānantare pañca nasamanantare pañca nāññamaññe
pañca naupanissaye pañca napurejāte satta napacchājāte
sattarasa nāasevane sattarasa nakamme satta navipāke sattarasa
nāahāre ekaṁ naindriye ekaṁ najhāne ekaṁ namagge ekaṁ
nasampayutte pañca navippapayutte tīṇi nonatthiyā pañca novigate
pañca.
Nissayavārassa paccanīyaṁ niṭṭhitaṁ.

[388] Hetupaccayā nāarammaṇe pañca ... Nādhipatiyā sattarasa
nānantare pañca nasamanantare pañca nāññamaññe pañca
naupanissaye pañca napurejāte satta napacchājāte sattarasa
nāasevane sattarasa nakamme satta navipāke sattarasa nasampayutte
pañca navippayutte tīṇi nonatthiyā pañca novigate pañca.
Nissayavārassa anulomapaccanīyaṁ niṭṭhitaṁ.

[389] Nahetupaccayā ārammaṇe cattāri ... Anantare cattāri
samanantare cattāri sahajāte cattāri aññamaññe cattāri nissaye
cattāri upanissaye cattāri purejāte cattāri āsevane cattāri
kamme cattāri vipāke ekaṁ āhāre cattāri indriye cattāri
jhāne cattāri magge tīṇi sampayutte cattāri vippayutte cattāri
atthiyā cattāri natthiyā cattāri vigate cattāri avigate cattāri.
Nissayavāre paccanīyānulomaṁ niṭṭhitaṁ.
Paccayatthaṁ nāma nissayatthaṁ nissayatthaṁ nāma paccayatthaṁ.
Nissayavāro niṭṭhito.
Saṁsaṭṭhavāro

[390] Kusalaṁ dhammaṁ saṁsaṭṭho kusalo dhammo uppajjati hetupaccayā
kusalaṁ ekaṁ khandhaṁ saṁsaṭṭhā tayo khandhā tayo khandhe
saṁsaṭṭho eko khandho dve khandhe saṁsaṭṭhā dve khandhā.
Akusalaṁ dhammaṁ saṁsaṭṭho akusalo dhammo uppajjati hetupaccayā
akusalaṁ ekaṁ khandhaṁ saṁsaṭṭhā tayo khandhā tayo khandhe saṁsaṭṭho
eko khandho dve khandhe saṁsaṭṭhā dve khandhā. Abyākataṁ
dhammaṁ saṁsaṭṭho abyākato dhammo uppajjati hetupaccayā vipākābyākataṁ
kiriyābyākataṁ ekaṁ khandhaṁ saṁsaṭṭhā tayo khandhā tayo
khandhe saṁsaṭṭho eko khandho dve khandhe saṁsaṭṭhā dve khandhā
paṭisandhikkhaṇe vipākābyākataṁ ekaṁ khandhaṁ saṁsaṭṭhā tayo khandhā
tayo khandhe saṁsaṭṭho eko khandho dve khandhe saṁsaṭṭhā dve
khandhā.

[391] Kusalaṁ dhammaṁ saṁsaṭṭho kusalo dhammo uppajjati ārammaṇapaccayā
... Adhipatipaccayā ... Adhipati paṭisandhikkhaṇe natthi. Anantarapaccayā
samanantarapaccayā sahajātapaccayā aññamaññapaccayā nissayapaccayā
upanissayapaccayā sabbāni padāni hetumūlakasadisāni.