[282] Āhārapaccayā ... Indriyapaccayā jhānapaccayā
maggapaccayā sampayuttapaccayā vippayuttapaccayā atthipaccayā
natthipaccayā vigatapaccayā ... Avigatapaccayā hetuyā sattarasa ... Ārammaṇe
satta vigate satta.
Paccayavāre anulomaṁ niṭṭhitaṁ.

[283] Akusalaṁ dhammaṁ paccayā akusalo dhammo uppajjati
nahetupaccayā vicikicchāsahagate uddhaccasahagate khandhe paccayā
vicikicchāsahagato uddhaccasahagato moho. Abyākataṁ dhammaṁ paccayā
abyākato dhammo uppajjati nahetupaccayā ahetukaṁ vipākābyākataṁ
kiriyābyākataṁ ekaṁ khandhaṁ paccayā tayo khandhā cittasamuṭṭhānañca
rūpaṁ .pe. Dve khandhe paccayā dve khandhā cittasamuṭṭhānañca
rūpaṁ ahetukapaṭisandhikkhaṇe vipākābyākataṁ ekaṁ khandhaṁ paccayā tayo
khandhā kaṭattā ca rūpaṁ .pe. Dve khandhe paccayā dve khandhā
kaṭattā ca rūpaṁ khandhe paccayā vatthu vatthuṁ paccayā khandhā ekaṁ
mahābhūtaṁ paccayā tayo mahābhūtā .pe. Mahābhūte paccayā cittasamuṭṭhānaṁ
rūpaṁ kaṭattārūpaṁ upādārūpaṁ bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ ekaṁ mahābhūtaṁ paccayā tayo
mahābhūtā .pe. Mahābhūte paccayā kaṭattārūpaṁ upādārūpaṁ cakkhāyatanaṁ
paccayā cakkhuviññāṇaṁ .pe. Kāyāyatanaṁ paccayā kāyaviññāṇaṁ vatthuṁ
paccayā ahetukavipākābyākatā kiriyābyākatā khandhā. Abyākataṁ
dhammaṁ paccayā akusalo dhammo uppajjati nahetupaccayā vatthuṁ
paccayā vicikicchāsahagato uddhaccasahagato moho. Akusalañca
abyākatañca dhammaṁ paccayā akusalo dhammo uppajjati nahetupaccayā
vicikicchāsahagate uddhaccasahagate khandhe ca vatthuñca paccayā
vicikicchāsahagato uddhaccasahagato moho.

[284] Kusalaṁ dhammaṁ paccayā abyākato dhammo uppajjati
nāarammaṇapaccayā kusale khandhe paccayā cittasamuṭṭhānaṁ rūpaṁ.
Yathā paṭiccavāre nāarammaṇapaccayā evaṁ vitthāretabbaṁ.

[285] Kusalaṁ dhammaṁ paccayā kusalo dhammo uppajjati
nādhipatipaccayā kusalaṁ ekaṁ khandhaṁ paccayā tīṇi. Akusalaṁ dhammaṁ
paccayā tīṇi. Abyākataṁ dhammaṁ paccayā paṭisandhikkhaṇe .pe.
Abyākataṁ paripuṇṇaṁ kātabbaṁ bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ ekaṁ mahābhūtaṁ paccayā .pe. Cakkhāyatanaṁ
paccayā cakkhuviññāṇaṁ .pe. Kāyāyatanaṁ paccayā kāyaviññāṇaṁ
vatthuṁ paccayā vipākābyākatā kiriyābyākatā khandhā. Abyākataṁ
dhammaṁ paccayā kusalo dhammo uppajjati nādhipatipaccayā vatthuṁ
Paccayā kusalā khandhā .pe. Yathā anulome sahajātapaccayaṁ
evaṁ gaṇetabbaṁ.

[286] Kusalaṁ dhammaṁ paccayā abyākato dhammo uppajjati
nānantarapaccayā ... Nasamanantarapaccayā nāññamaññapaccayā
naupanissayapaccayā napurejātapaccayā .... Yathā paṭiccavāre evaṁ
vitthāretabbaṁ.

[287] Kusalaṁ dhammaṁ paccayā kusalo dhammo uppajjati
napacchājātapaccayā ... Nāasevanapaccayā cakkhāyatanaṁ paccayā
cakkhuviññāṇaṁ .pe. Napacchājātapaccayampi nāasevanapaccayampi
paripuṇṇaṁ sattarasa. Yathā anulome sahajātapaccayaṁ evaṁ vitthāretabbaṁ.

[288] Kusalaṁ dhammaṁ paccayā kusalo dhammo uppajjati nakammapaccayā
kusale khandhe paccayā kusalā cetanā. Akusalaṁ dhammaṁ
paccayā akusalo dhammo uppajjati nakammapaccayā akusale khandhe
paccayā akusalā cetanā. Abyākataṁ dhammaṁ paccayā abyākato
dhammo uppajjati nakammapaccayā kiriyābyākate khandhe paccayā
kiriyābyākatā cetanā bāhiraṁ ... Āhārasamuṭṭhānaṁ ... Utusamuṭṭhānaṁ ...
Ekaṁ mahābhūtaṁ paccayā .pe. Mahābhūte paccayā upādārūpaṁ vatthuṁ
paccayā kiriyābyākatā cetanā. Abyākataṁ dhammaṁ paccayā kusalo
dhammo uppajjati nakammapaccayā vatthuṁ paccayā kusalā cetanā.
Abyākataṁ dhammaṁ paccayā akusalo dhammo uppajjati nakammapaccayā
Vatthuṁ paccayā akusalā cetanā. Kusalañca abyākatañca dhammaṁ
paccayā kusalo dhammo uppajjati nakammapaccayā kusale khandhe ca
vatthuñca paccayā kusalā cetanā. Akusalañca abyākatañca dhammaṁ
paccayā akusalo dhammo uppajjati nakammapaccayā akusale khandhe
ca vatthuñca paccayā akusalā cetanā.

[289] Kusalaṁ dhammaṁ paccayā kusalo dhammo uppajjati
navipākapaccayā kusalaṁ ekaṁ khandhaṁ paccayā tīṇi. Akusalaṁ dhammaṁ
paccayā tīṇi. Abyākataṁ dhammaṁ paccayā abyākato dhammo
uppajjati navipākapaccayā kiriyābyākataṁ ekaṁ khandhaṁ paccayā tayo
khandhā cittasamuṭṭhānañca rūpaṁ .pe. Dve khandhe paccayā dve
khandhā cittasamuṭṭhānañca rūpaṁ ekaṁ mahābhūtaṁ paccayā tayo
mahābhūtā .pe. Mahābhūte paccayā cittasamuṭṭhānaṁ rūpaṁ upādārūpaṁ
bāhiraṁ ... Āhārasamuṭṭhānaṁ ... Utusamuṭṭhānaṁ asaññasattānaṁ ekaṁ
mahābhūtaṁ paccayā tayo mahābhūtā .pe. Mahābhūte paccayā kaṭattārūpaṁ
upādārūpaṁ vatthuṁ paccayā kiriyābyākatā khandhā. Abyākataṁ
dhammaṁ paccayā kusalo dhammo uppajjati navipākapaccayā vatthuṁ
paccayā kusalā khandhā. Vipākaṁ ṭhapetvā sabbattha vitthāretabbaṁ.

[290] Abyākataṁ dhammaṁ paccayā abyākato dhammo uppajjati
nāahārapaccayā ... Naindriyapaccayā ... Najhānapaccayā cakkhāyatanaṁ
paccayā cakkhuviññāṇaṁ .pe. Kāyāyatanaṁ paccayā kāyaviññāṇaṁ
Najhāne imaṁ nānākaraṇaṁ. ... Namaggapaccayā cakkhāyatanaṁ paccayā
cakkhuviññāṇaṁ .pe. Kāyāyatanaṁ paccayā kāyaviññāṇaṁ vatthuṁ
paccayā ahetukavipākābyākatā kiriyābyākatā khandhā namagge imaṁ
nānākaraṇaṁ. Avasesaṁ yathā paṭiccavāre paccanīyaṁ evaṁ vitthāretabbaṁ.
Nasampayuttapaccayā navippayuttapaccayā nonatthipaccayā.
Kusalaṁ dhammaṁ paccayā abyākato dhammo uppajjati novigatapaccayā
kusale khandhe paccayā cittasamuṭṭhānaṁ rūpaṁ. Yathā paṭiccavāre
evaṁ vitthāretabbaṁ.

[291] Nahetuyā cattāri nāarammaṇe pañca nādhipatiyā
sattarasa nānantare pañca nasamanantare pañca nāññamaññe
pañca naupanissaye pañca napurejāte satta napacchājāte
sattarasa nāasevane sattarasa nakamme satta navipāke sattarasa
nāahāre ekaṁ naindriye ekaṁ najhāne ekaṁ namagge ekaṁ
nasampayutte pañca navippayutte tīṇi nonatthiyā pañca
novigate pañca.