[92] Kusalaṁ dhammaṁ paṭicca abyākato dhammo uppajjati
naupanissayapaccayā kusale khandhe paṭicca cittasamuṭṭhānaṁ rūpaṁ.
Naupanissayapaccayaṁ nāarammaṇapaccayasadisaṁ.

[93] Kusalaṁ dhammaṁ paṭicca kusalo dhammo uppajjati
napurejātapaccayā arūpe kusalaṁ ekaṁ khandhaṁ paṭicca tayo khandhā tayo
khandhe paṭicca eko khandho dve khandhe paṭicca dve khandhā.
Kusalaṁ dhammaṁ paṭicca abyākato dhammo uppajjati napurejātapaccayā
kusale khandhe paṭicca cittasamuṭṭhānaṁ rūpaṁ. Akusalaṁ dhammaṁ paṭicca
akusalo dhammo uppajjati napurejātapaccayā arūpe akusalaṁ ekaṁ
khandhaṁ paṭicca tayo khandhā tayo khandhe paṭicca eko khandho
dve khandhe paṭicca dve khandhā. Akusalaṁ dhammaṁ paṭicca abyākato
dhammo uppajjati napurejātapaccayā akusale khandhe paṭicca cittasamuṭṭhānaṁ
Rūpaṁ. Abyākataṁ dhammaṁ paṭicca abyākato dhammo
uppajjati napurejātapaccayā arūpe vipākābyākataṁ kiriyābyākataṁ
ekaṁ khandhaṁ paṭicca tayo khandhā tayo khandhe paṭicca eko
khandho dve khandhe paṭicca dve khandhā vipākābyākate kiriyābyākate
khandhe paṭicca cittasamuṭṭhānaṁ rūpaṁ paṭisandhikkhaṇe vipākābyākataṁ
ekaṁ khandhaṁ paṭicca tayo khandhā kaṭattā ca rūpaṁ tayo
khandhe paṭicca eko khandho kaṭattā ca rūpaṁ dve khandhe paṭicca
dve khandhā kaṭattā ca rūpaṁ khandhe paṭicca vatthu vatthuṁ paṭicca
khandhā ekaṁ mahābhūtaṁ paṭicca tayo mahābhūtā tayo mahābhūte
paṭicca ekaṁ mahābhūtaṁ dve mahābhūte paṭicca dve mahābhūtā
mahābhūte paṭicca cittasamuṭṭhānaṁ rūpaṁ kaṭattārūpaṁ upādārūpaṁ bāhiraṁ ..
Āhārasamuṭṭhānaṁ ... Utusamuṭṭhānaṁ ... Asaññasattānaṁ ekaṁ mahābhūtaṁ
paṭicca tayo mahābhūtā tayo mahābhūte paṭicca ekaṁ mahābhūtaṁ
dve mahābhūte paṭicca dve mahābhūtā mahābhūte paṭicca kaṭattārūpaṁ
upādārūpaṁ. Kusalañca abyākatañca dhammaṁ paṭicca abyākato
dhammo uppajjati napurejātapaccayā kusale khandhe ca mahābhūte
ca paṭicca cittasamuṭṭhānaṁ rūpaṁ. Akusalañca abyākatañca dhammaṁ
paṭicca abyākato dhammo uppajjati napurejātapaccayā akusale
khandhe ca mahābhūte ca paṭicca cittasamuṭṭhānaṁ rūpaṁ.

[94] Kusalaṁ dhammaṁ paṭicca kusalo dhammo uppajjati napacchājātapaccayā
Kusalaṁ ekaṁ khandhaṁ paṭicca .pe.

[95] Kusalaṁ dhammaṁ paṭicca kusalo dhammo uppajjati
nāasevanapaccayā kusalaṁ ekaṁ khandhaṁ paṭicca. Napacchājātapaccayampi
nāasevanapaccayampi nādhipatipaccayasadisaṁ.

[96] Kusalaṁ dhammaṁ paṭicca kusalo dhammo uppajjati nakammapaccayā
kusale khandhe paṭicca kusalā cetanā. Akusalaṁ dhammaṁ
paṭicca akusalo dhammo uppajjati nakammapaccayā akusale khandhe
paṭicca akusalā cetanā. Abyākataṁ dhammaṁ paṭicca abyākato
dhammo uppajjati nakammapaccayā kiriyābyākate khandhe paṭicca
kiriyābyākatā cetanā bāhiraṁ ... Āhārasamuṭṭhānaṁ ... Utusamuṭṭhānaṁ
ekaṁ mahābhūtaṁ paṭicca tayo mahābhūtā tayo mahābhūte paṭicca
ekaṁ mahābhūtaṁ dve mahābhūte paṭicca dve mahābhūtā mahābhūte
paṭicca upādārūpaṁ.

[97] Kusalaṁ dhammaṁ paṭicca kusalo dhammo uppajjati
navipākapaccayā kusalaṁ ekaṁ khandhaṁ paṭicca tīṇi. Akusalaṁ dhammaṁ
paṭicca akusalo dhammo uppajjati navipākapaccayā. Tīṇi.
Abyākataṁ dhammaṁ paṭicca abyākato dhammo uppajjati navipākapaccayā
kiriyābyākataṁ ekaṁ khandhaṁ paṭicca tayo khandhā cittasamuṭṭhānañca
rūpaṁ tayo khandhe paṭicca eko khandho cittasamuṭṭhānañca
rūpaṁ dve khandhe paṭicca dve khandhā cittasamuṭṭhānañca
Rūpaṁ ekaṁ mahābhūtaṁ paṭicca tayo mahābhūtā .pe. Mahābhūte
paṭicca cittasamuṭṭhānaṁ rūpaṁ upādārūpaṁ bāhiraṁ ... Āhārasamuṭṭhānaṁ ..
Utusamuṭṭhānaṁ ... Asaññasattānaṁ ekaṁ mahābhūtaṁ paṭicca tayo mahābhūtā
.pe. Mahābhūte paṭicca kaṭattārūpaṁ upādārūpaṁ. Kusalañca
abyākatañca dhammaṁ paṭicca abyākato dhammo uppajjati navipākapaccayā
kusale khandhe ca mahābhūte ca paṭicca cittasamuṭṭhānaṁ
rūpaṁ. Akusalañca abyākatañca dhammaṁ paṭicca abyākato dhammo
uppajjati navipākapaccayā akusale khandhe ca mahābhūte ca paṭicca
cittasamuṭṭhānaṁ rūpaṁ.

[98] Abyākataṁ dhammaṁ paṭicca abyākato dhammo uppajjati
nāahārapaccayā bāhiraṁ ... Utusamuṭṭhānaṁ ... Asaññasattānaṁ ekaṁ
mahābhūtaṁ paṭicca tayo mahābhūtā .pe. Mahābhūte paṭicca
kaṭattārūpaṁ upādārūpaṁ.

[99] Abyākataṁ dhammaṁ paṭicca abyākato dhammo uppajjati
naindriyapaccayā bāhiraṁ ... Āhārasamuṭṭhānaṁ ... Utusamuṭṭhānaṁ ekaṁ
mahābhūtaṁ paṭicca tayo mahābhūtā .pe. Mahābhūte paṭicca
upādārūpaṁ asaññasattānaṁ mahābhūte paṭicca rūpajīvitindriyaṁ.

[100] Abyākataṁ dhammaṁ paṭicca abyākato dhammo uppajjati
najhānapaccayā pañcaviññāṇasahagataṁ ekaṁ khandhaṁ paṭicca tayo
khandhā tayo khandhe paṭicca eko khandho dve khandhe paṭicca
Dve khandhā bāhiraṁ āhārasamuṭṭhānaṁ ... Utusamuṭṭhānaṁ ...
Asaññasattānaṁ ekaṁ mahābhūtaṁ paṭicca tayo mahābhūtā .pe. Mahābhūte
paṭicca kaṭattārūpaṁ upādārūpaṁ.

[101] Abyākataṁ dhammaṁ paṭicca abyākato dhammo uppajjati
namaggapaccayā ahetukaṁ vipākābyākataṁ kiriyābyākataṁ ekaṁ khandhaṁ
paṭicca tayo khandhā cittasamuṭṭhānañca rūpaṁ tayo khandhe paṭicca
eko khandho cittasamuṭṭhānañca rūpaṁ dve khandhe paṭicca dve
khandhā cittasamuṭṭhānañca rūpaṁ ahetukapaṭisandhikkhaṇe vipākābyākataṁ
ekaṁ khandhaṁ paṭicca tayo khandhā kaṭattā ca rūpaṁ tayo khandhe
paṭicca eko khandho kaṭattā ca rūpaṁ dve khandhe paṭicca dve
khandhā kaṭattā ca rūpaṁ khandhā paṭicca vatthu vatthuṁ paṭicca khandhe
ekaṁ mahābhūtaṁ paṭicca tayo mahābhūtā tayo mahābhūte paṭicca
ekaṁ mahābhūtaṁ mahābhūte paṭicca cittasamuṭṭhānaṁ rūpaṁ kaṭattārūpaṁ
upādārūpaṁ bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ ekaṁ mahābhūtaṁ paṭicca tayo mahābhūtā .pe.
Mahābhūte paṭicca kaṭattārūpaṁ upādārūpaṁ.