พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake yamakaṁ dutiyo bhāgo (เล่ม 39)

[1327] Yassa yattha jīvitindriyaṁ na uppajjittha tassa tattha
upekkhindriyaṁ .pe. Saddhindriyaṁ paññindriyaṁ manindriyaṁ
na uppajjissatīti: uppajjissati. Yassa vā pana yattha manindriyaṁ
na uppajjissati tassa tattha jīvitindriyaṁ na uppajjitthāti uppajjittha.

Abhidhammapiṭake yamakaṁ dutiyo bhāgo (เล่ม 39)

[1328] Yassa yattha somanassindriyaṁ na uppajjittha tassa tattha
Upekkhindriyaṁ na uppajjissatīti: suddhāvāsānaṁ dutiye citte
vattamāne tesaṁ tattha somanassindriyaṁ na uppajjittha no ca tesaṁ
tattha upekkhindriyaṁ na uppajjissati asaññasattānaṁ tesaṁ tattha
somanassindriyañca na uppajjittha upekkhindriyañca na uppajjissati.
Yassa vā pana yattha upekkhindriyaṁ na uppajjissati tassa tattha
somanassindriyaṁ na uppajjitthāti: pacchimacittasamaṅgīnaṁ yassa cittassa
anantarā somanassasampayuttapacchimacittaṁ uppajjissati tesaṁ tattha
upekkhindriyaṁ na uppajjissati no ca tesaṁ tattha somanassindriyaṁ
na uppajjittha asaññasattānaṁ tesaṁ tattha upekkhindriyañca
na uppajjissati somanassindriyañca na uppajjittha.

Abhidhammapiṭake yamakaṁ dutiyo bhāgo (เล่ม 39)

[1329] Yassa yattha somanassindriyaṁ na uppajjittha tassa
tattha saddhindriyaṁ .pe. Paññindriyaṁ manindriyaṁ na uppajjissatīti:
suddhāvāsānaṁ dutiye citte vattamāne tesaṁ tattha somanassindriyaṁ
na uppajjittha no ca tesaṁ tattha manindriyaṁ na uppajjissati asaññasattānaṁ
tesaṁ tattha somanassindriyañca na uppajjittha manindriyañca
na uppajjissati. Yassa vā pana yattha manindriyaṁ na uppajjissati
tassa tattha somanassindriyaṁ na uppajjitthāti: pacchimacittasamaṅgīnaṁ
tesaṁ tattha manindriyaṁ na uppajjissati no ca tesaṁ tattha somanassindriyaṁ
na uppajjittha asaññasattānaṁ tesaṁ tattha manindriyañca
na uppajjissati somanassindriyañca na uppajjittha.

Abhidhammapiṭake yamakaṁ dutiyo bhāgo (เล่ม 39)

[1330] Yassa yattha upekkhindriyaṁ na uppajjittha tassa tattha
saddhindriyaṁ na uppajjissatīti: suddhāvāsaṁ uppajjantānaṁ tesaṁ
tattha upekkhindriyaṁ na uppajjittha no ca tesaṁ tattha saddhindriyaṁ
na uppajjissati asaññasattānaṁ tesaṁ tattha upekkhindriyañca
na uppajjittha saddhindriyañca na uppajjissati. Yassa vā pana
yattha saddhindriyaṁ na uppajjissati tassa tattha upekkhindriyaṁ
na uppajjitthāti: pacchimacittasamaṅgīnaṁ tesaṁ tattha saddhindriyaṁ
na uppajjissati no ca tesaṁ tattha upekkhindriyaṁ na uppajjittha
asaññasattānaṁ tesaṁ tattha saddhindriyañca na uppajjissati
upekkhindriyañca na uppajjittha.

Abhidhammapiṭake yamakaṁ dutiyo bhāgo (เล่ม 39)

[1331] Yassa yattha upekkhindriyaṁ na uppajjittha tassa tattha
paññindriyaṁ .pe. Manindriyaṁ na uppajjissatīti: suddhāvāsaṁ
upapajjantānaṁ tesaṁ tattha upekkhindriyaṁ na uppajjittha no ca tesaṁ
tattha manindriyaṁ na uppajjissati asaññasattānaṁ tesaṁ tattha
upekkhindriyañca na uppajjittha manindriyañca na uppajjissati.
Yassa vā pana yattha manindriyaṁ na uppajjissati tassa tattha upekkhindriyaṁ
na uppajjitthāti: pacchimacittasamaṅgīnaṁ tesaṁ tattha manindriyaṁ
na uppajjissati no ca tesaṁ tattha upekkhindriyaṁ na uppajjittha
asaññasattānaṁ tesaṁ tattha manindriyañca na uppajjissati upekkhindriyañca
na uppajjittha.

Abhidhammapiṭake yamakaṁ dutiyo bhāgo (เล่ม 39)

[1332] Yassa yattha saddhindriyaṁ na uppajjittha tassa tattha
paññindriyaṁ .pe. Manindriyaṁ na uppajjissatīti: suddhāvāsaṁ
upapajjantānaṁ tesaṁ tattha saddhindriyaṁ na uppajjittha no ca tesaṁ
tattha manindriyaṁ na uppajjissati asaññasattānaṁ tesaṁ tattha
saddhindriyañca na uppajjittha manindriyañca na uppajjissati. Yassa
vā pana yattha manindriyaṁ na uppajjissati tassa tattha saddhindriyaṁ
na uppajjitthāti: pacchimacittasamaṅgīnaṁ tesaṁ tattha manindriyaṁ
na uppajjissati no ca tesaṁ tattha saddhindriyaṁ na uppajjittha
asaññasattānaṁ tesaṁ tattha manindriyañca na uppajjissati
saddhindriyañca na uppajjittha.

Abhidhammapiṭake yamakaṁ dutiyo bhāgo (เล่ม 39)

[1333] Yassa yattha paññindriyaṁ na uppajjittha tassa tattha
manindriyaṁ na uppajjissatīti: suddhāvāsaṁ upapajjantānaṁ tesaṁ tattha
paññindriyaṁ na uppajjittha no ca tesaṁ tattha manindriyaṁ
na uppajjissati asaññasattānaṁ tesaṁ tattha paññindriyañca
na uppajjittha manindriyañca na uppajjissati. Yassa vā pana yattha
manindriyaṁ na uppajjissati tassa tattha paññindriyaṁ na uppajjitthāti:
pacchimacittasamaṅgīnaṁ tesaṁ tattha manindriyaṁ na uppajjissati no ca
tesaṁ tattha paññindriyaṁ na uppajjittha asaññasattānaṁ tesaṁ tattha
manindriyañca na uppajjissati paññindriyañca na uppajjittha .pe.
Pavattivāraṁ niṭṭhitaṁ.
--------------
Pariññāvāro

Abhidhammapiṭake yamakaṁ dutiyo bhāgo (เล่ม 39)

[1334] Yo cakkhundriyaṁ parijānāti so sotindriyaṁ parijānātīti:
āmantā. Yo vā pana sotindriyaṁ parijānāti so cakkhundriyaṁ
parijānātīti: āmantā.

Abhidhammapiṭake yamakaṁ dutiyo bhāgo (เล่ม 39)

[1335] Yo cakkhundriyaṁ parijānāti so domanassindriyaṁ
pajahatīti: no. Yo vā pana domanassindriyaṁ pajahati so
cakkhundriyaṁ parijānātīti: no.

Abhidhammapiṭake yamakaṁ dutiyo bhāgo (เล่ม 39)

[1336] Yo cakkhundriyaṁ parijānāti so anaññātaññassāmītindriyaṁ
bhāvetīti: no. Yo vā pana anaññātaññassāmītindriyaṁ
bhāveti so cakkhundriyaṁ parijānātīti: no.