พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake yamakaṁ dutiyo bhāgo (เล่ม 39)

[947] Yassa purisindriyaṁ na uppajjissati tassa upekkhindriyaṁ
na uppajjissatīti: ye rūpāvacaraṁ arūpāvacaraṁ upapajjitvā
parinibbāyissanti yā ca itthiyo eteneva bhāvena katici bhave
dassetvā upekkhāya upapajjitvā parinibbāyissanti tesaṁ purisindriyaṁ
na uppajjissati no ca tesaṁ upekkhindriyaṁ na uppajjissati
pacchimabhavikānaṁ yā ca itthiyo eteneva bhāvena katici bhave dassetvā
somanassena upapajjitvā parinibbāyissanti tesaṁ purisindriyañca
na uppajjissati upekkhindriyañca na uppajjissati. Yassa vā pana
upekkhindriyaṁ na uppajjissati tassa purisindriyaṁ na uppajjissatīti:
ye purisā eteneva bhāvena katici bhave dassetvā somanassena
upapajjitvā parinibbāyissanti tesaṁ upekkhindriyaṁ na uppajjissati
no ca tesaṁ purisindriyaṁ na uppajjissati pacchimabhavikānaṁ yā ca
itthiyo eteneva bhāvena katici bhave dassetvā somanassena
upapajjitvā parinibbāyissanti tesaṁ upekkhindriyañca na uppajjissati
purisindriyañca na uppajjissati.

Abhidhammapiṭake yamakaṁ dutiyo bhāgo (เล่ม 39)

[948] Yassa purisindriyaṁ na uppajjissati tassa saddhindriyaṁ .pe.
Paññindriyaṁ manindriyaṁ na uppajjissatīti: ye rūpāvacaraṁ
arūpāvacaraṁ upapajjitvā parinibbāyissanti yā ca itthiyo eteneva
bhāvena katici bhave dassetvā parinibbāyissanti tesaṁ purisindriyaṁ
na uppajjissati no ca tesaṁ manindriyaṁ na uppajjissati
pacchimabhavikānaṁ tesaṁ purisindriyañca na uppajjissati manindriyañca
na uppajjissati. Yassa vā pana manindriyaṁ na uppajjissati
tassa purisindriyaṁ na uppajjissatīti: āmantā.

Abhidhammapiṭake yamakaṁ dutiyo bhāgo (เล่ม 39)

[949] Yassa jīvitindriyaṁ na uppajjissati tassa somanassindriyaṁ
na uppajjissatīti: āmantā. Yassa vā pana somanassindriyaṁ
na uppajjissati tassa jīvitindriyaṁ na uppajjissatīti: yassa cittassa
anantarā upekkhāsampayuttapacchimacittaṁ uppajjissati tesaṁ
somanassindriyaṁ na uppajjissati no ca tesaṁ jīvitindriyaṁ
na uppajjissati pacchimacittasamaṅgīnaṁ tesaṁ somanassindriyañca
na uppajjissati jīvitindriyañca na uppajjissati.

Abhidhammapiṭake yamakaṁ dutiyo bhāgo (เล่ม 39)

[950] Yassa jīvitindriyaṁ na uppajjissati tassa upekkhindriyaṁ
na uppajjissatīti: āmantā. Yassa vā pana upekkhindriyaṁ
na uppajjissati tassa jīvitindriyaṁ na uppajjissatīti: yassa cittassa
anantarā somanassasampayuttapacchimacittaṁ uppajjissati tesaṁ
upekkhindriyaṁ na uppajjissati no ca tesaṁ jīvitindriyaṁ na uppajjissati
Pacchimacittasamaṅgīnaṁ tesaṁ upekkhindriyañca na uppajjissati jīvitindriyañca
na uppajjissati.

Abhidhammapiṭake yamakaṁ dutiyo bhāgo (เล่ม 39)

[951] Yassa jīvitindriyaṁ na uppajjissati tassa saddhindriyaṁ .pe.
Paññindriyaṁ manindriyaṁ na uppajjissatīti: āmantā. Yassa
vā pana manindriyaṁ na uppajjissati tassa jīvitindriyaṁ na uppajjissatīti:
āmantā.

Abhidhammapiṭake yamakaṁ dutiyo bhāgo (เล่ม 39)

[952] Yassa somanassindriyaṁ na uppajjissati tassa upekkhindriyaṁ
na uppajjissatīti: yassa cittassa anantarā upekkhāsampayuttapacchimacittaṁ
uppajjissati tesaṁ somanassindriyaṁ na uppajjissati
no ca tesaṁ upekkhindriyaṁ na uppajjissati pacchimacittasamaṅgīnaṁ
tesaṁ somanassindriyañca na uppajjissati upekkhindriyañca
na uppajjissati. Yassa vā pana upekkhindriyaṁ na uppajjissati tassa
somanassindriyaṁ na uppajjissatīti: yassa cittassa anantarā
somanassasampayuttapacchimacittaṁ uppajjissati tesaṁ upekkhindriyaṁ
na uppajjissati no ca tesaṁ somanassindriyaṁ na uppajjissati
pacchimacittasamaṅgīnaṁ tesaṁ upekkhindriyañca na uppajjissati
somanassindriyañca na uppajjissati.

Abhidhammapiṭake yamakaṁ dutiyo bhāgo (เล่ม 39)

[953] Yassa somanassindriyaṁ na uppajjissati tassa
saddhindriyaṁ .pe. Paññindriyaṁ manindriyaṁ na uppajjissatīti: yassa
cittassa anantarā upekkhāsampayuttapacchimacittaṁ uppajjissati tesaṁ
Somanassindriyaṁ na uppajjissati no ca tesaṁ manindriyaṁ
na uppajjissati pacchimacittasamaṅgīnaṁ somanassindriyañca na uppajjissati
manindriyañca na uppajjissati. Yassa vā pana manindriyaṁ na uppajjissati
tassa somanassindriyaṁ na uppajjissatīti: āmantā.

Abhidhammapiṭake yamakaṁ dutiyo bhāgo (เล่ม 39)

[954] Yassa upekkhindriyaṁ na uppajjissati tassa saddhindriyaṁ .pe.
Paññindriyaṁ manindriyaṁ na uppajjissatīti: yassa cittassa anantarā
somanassasampayuttapacchimacittaṁ uppajjissati tesaṁ upekkhindriyaṁ
na uppajjissati no ca tesaṁ manindriyaṁ na uppajjissati
pacchimacittasamaṅgīnaṁ tesaṁ upekkhindriyañca na uppajjissati
manindriyañca na uppajjissati. Yassa vā pana manindriyaṁ
na uppajjissati tassa upekkhindriyaṁ na uppajjissatīti: āmantā.

Abhidhammapiṭake yamakaṁ dutiyo bhāgo (เล่ม 39)

[955] Yassa saddhindriyaṁ na uppajjissati tassa paññindriyaṁ .pe.
Manindriyaṁ na uppajjissatīti: āmantā. Yassa vā pana
manindriyaṁ na uppajjissati tassa saddhindriyaṁ na uppajjissatīti:
āmantā.

Abhidhammapiṭake yamakaṁ dutiyo bhāgo (เล่ม 39)

[956] Yassa paññindriyaṁ na uppajjissati tassa manindriyaṁ
na uppajjissatīti: āmantā. Yassa vā pana manindriyaṁ
na uppajjissati tassa paññindriyaṁ na uppajjissatīti: āmantā.