[437] Na anaññātaññassāmīti na anaññātaññassāmītindriyanti:
āmantā. Na indriyā na cakkhundriyanti: āmantā .pe. Na
anaññātaññassāmīti na anaññātaññassāmītindriyanti: āmantā.
Na indriyā na aññātāvindriyanti: āmantā.

[438] Na aññaṁ na aññindriyanti: āmantā. Na indriyā
na cakkhundriyanti: āmantā .pe. Na aññaṁ na aññindriyanti:
āmantā. Na indriyā na aññātāvindriyanti: āmantā.

[439] Na aññātāvī na aññātāvindriyanti: āmantā.
Na indriyā na cakkhundriyanti: āmantā .pe. Na aññātāvī
na aññātāvindriyanti: āmantā. Na indriyā na aññindriyanti:
āmantā.
--------------

[440] Cakkhu indriyanti: āmantā. Indriyā cakkhundriyanti:
cakkhundriyaṁ indriyañceva cakkhundriyañca avasesā indriyā
indriyā na cakkhundriyaṁ. Sotaṁ indriyanti: yaṁ sotaṁ indriyaṁ
taṁ sotañceva indriyañca avasesaṁ sotaṁ na indriyaṁ. Indriyā
sotindriyanti: sotindriyaṁ indriyañceva sotindriyañca avasesā
indriyā indriyā na sotindriyaṁ. Ghānaṁ indriyanti: āmantā.
Indriyā ghānindriyanti: ghānindriyaṁ indriyañceva ghānindriyañca
avasesā indriyā indriyā na ghānindriyaṁ. Jivhā indriyanti:
āmantā. Indriyā jivhindriyanti: jivhindriyaṁ indriyañceva
jivhindriyañca avasesā indriyā indriyā na jivhindriyaṁ. Kāyo
indriyanti: yo kāyo indriyaṁ so kāyo ceva indriyañca
avasesā kāyo na indriyaṁ. Indriyā kāyindriyanti: kāyindriyaṁ
Indriyañceva kāyindriyañca avasesā indriyā indriyā
na kāyindriyaṁ. Mano indriyanti: āmantā. Indriyā manindriyanti:
manindriyaṁ indriyañceva manindriyañca avasesā
indriyā indriyā na manindriyaṁ.

[441] Itthī indriyanti: no. Indriyā itthindriyanti:
itthindriyaṁ indriyañceva itthindriyañca avasesā indriyā
indriyā na itthindriyaṁ. Puriso indriyanti: no. Indriyā
purisindriyanti: purisindriyaṁ indriyañceva purisindriyañca avasesā
indriyā indriyā na purisindriyaṁ. Jīvitaṁ indriyanti: āmantā.
Indriyā jīvitindriyanti: jīvitindriyaṁ indriyañceva jīvitindriyañca
avasesā indriyā indriyā na jīvitindriyaṁ.

[442] Sukhaṁ indriyanti: āmantā. Indriyā sukhindriyanti:
sukhindriyaṁ indriyañceva sukhindriyañca avasesā indriyā indriyā
na sukhindriyaṁ. Dukkhaṁ indriyanti: āmantā. Indriyā
dukkhindriyanti: dukkhindriyaṁ indriyañceva dukkhindriyañca avasesā
indriyā indriyā na dukkhindriyaṁ. Somanassaṁ indriyanti: āmantā.
Indriyā somanassindriyanti: somanassindriyaṁ indriyañceva
somanassindriyañca avasesā indriyā indriyā na somanassindriyaṁ.
Domanassaṁ indriyanti: āmantā. Indriyā domanassindriyanti:
domanassindriyaṁ indriyañceva domanassindriyañca avasesā indriyā
Indriyā na domanassindriyaṁ. Upekkhā indriyanti: yā upekkhā
indriyaṁ sā upekkhā ceva indriyañca avasesā upekkhā
na indriyaṁ. Indriyā upekkhindriyanti: upekkhindriyaṁ indriyañceva
upekkhindriyañca avasesā indriyā indriyā na upekkhindriyaṁ.

[443] Saddhā indriyanti: āmantā. Indriyā
saddhindriyanti: saddhindriyaṁ indriyañceva saddhindriyañca avasesā
indriyā indriyā na saddhindriyaṁ. Viriyaṁ indriyanti: āmantā.
Indriyā viriyindriyanti: viriyindriyaṁ indriyañceva viriyindriyañca
avasesā indriyā indriyā na viriyindriyaṁ. Sati indriyanti:
āmantā. Indriyā satindriyanti: satindriyaṁ indriyañceva
satindriyañca avasesā indriyā indriyā na satindriyaṁ. Samādhi
indriyanti: āmantā. Indriyā samādhindriyanti: samādhindriyaṁ
indriyañceva samādhindriyañca avasesā indriyā indriyā
na samādhindriyaṁ. Paññā indriyanti: āmantā. Indriyā
paññindriyanti: paññindriyaṁ indriyañceva paññindriyañca avasesā
indriyā indriyā na paññindriyaṁ.

[444] Anaññātaññassāmīti indriyanti: āmantā.
Indriyā anaññātaññassāmītindriyanti: anaññātaññassāmītindriyaṁ
indriyañceva anaññātaññassāmītindriyañca avasesā
indriyā indriyā na anaññātaññassāmītindriyaṁ. Aññaṁ
Indriyanti: āmantā. Indriyā aññindriyanti: aññindriyaṁ
indriyañceva aññindriyañca avasesā indriyā indriyā
na aññindriyaṁ. Aññātāvī indriyanti: āmantā. Indriyā
aññātāvindriyanti: aññātāvindriyaṁ indriyañceva aññātāvindriyañca
avasesā indriyā indriyā na aññātāvindriyaṁ.

[445] Na cakkhuṁ na indriyanti: cakkhuṁ ṭhapetvā avasesā
indriyā na cakkhu indriyā cakkhuñca indriye ca ṭhapetvā
avasesā na ceva cakkhu na ca indriyā. Na indriyā na
cakkhundriyanti: āmantā. Na sotaṁ na indriyanti: sotaṁ ṭhapetvā
avasesā indriyā na sotaṁ indriyā sotañca indriye ca ṭhapetvā
avasesā na ceva sotaṁ na ca indriyā. Na indriyā na sotindriyanti:
āmantā. Na ghānaṁ na indriyanti: ghānaṁ ṭhapetvā avasesā
indriyā na ghānaṁ indriyā ghānañca indriye ca ṭhapetvā
avasesā na ceva ghānaṁ na ca indriyā. Na indriyā na
ghānindriyanti: āmantā. Na jivhā na indriyanti: jivhaṁ ṭhapetvā
avasesā indriyā na jivhā indriyā jivhañca indriye ca
ṭhapetvā avasesā na ceva jivhā na ca indriyā. Na indriyā
na jivhindriyanti: āmantā. Na kāyo na indriyanti: āmantā.
Na indriyā na kāyindriyanti: āmantā. Na mano na indriyanti:
manaṁ ṭhapetvā avasesā indriyā na mano indriyā manañca
Indriye ca ṭhapetvā avasesā na ceva mano na ca indriyā.
Na indriyā na manindriyanti: āmantā.

[446] Na itthī na indriyanti: itthiṁ ṭhapetvā avasesā
indriyā na itthī indriyā itthiñca indriye ca ṭhapetvā avasesā
na ceva itthī na ca indriyā. Na indriyā na itthindriyanti:
āmantā. Na puriso na indriyanti: purisaṁ ṭhapetvā avasesā
indriyā na puriso indriyā purisañca indriye ca ṭhapetvā
avasesā na ceva puriso na ca indriyā. Na indriyā na
purisindriyanti: āmantā. Na jīvitaṁ na indriyanti: jīvitaṁ ṭhapetvā
avasesā indriyā na jīvitaṁ indriyā jīvitañca indriye ca ṭhapetvā
avasesā na ceva jīvitaṁ na ca indriyā. Na indriyā na jīvitindriyanti:
āmantā.