[1359] Yo bhavarāgānusayaṁ pajahati so avijjānusayaṁ pajahatīti:
āmantā. Yo vā pana avijjānusayaṁ pajahati so bhavarāgānusayaṁ
pajahatīti: āmantā.

[1360] Yo kāmarāgānusayañca paṭighānusayañca pajahati so
mānānusayaṁ pajahatīti: tadekaṭṭhaṁ pajahati. Yo vā pana mānānusayaṁ
pajahati so kāmarāgānusayañca paṭighānusayañca pajahatīti: no. Yo
kāmarāgānusayañca paṭighānusayañca pajahati so diṭṭhānusayaṁ .pe.
Vicikicchānusayaṁ pajahatīti: no. Yo vā pana vicikicchānusayaṁ pajahati
so kāmarāgānusayañca paṭighānusayañca pajahatīti: tadekaṭṭhaṁ pajahati.
Yo kāmarāgānusayañca paṭighānusayañca pajahati so bhavarāgānusayaṁ
.pe. Avijjānusayaṁ pajahatīti: tadekaṭṭhaṁ pajahati. Yo vā pana avijjānusayaṁ
pajahati so kāmarāgānusayañca paṭighānusayañca pajahatīti: no.

[1361] Yo kāmarāgānusayañca paṭighānusayañca mānānusayañca
pajahati so diṭṭhānusayaṁ .pe. Vicikicchānusayaṁ pajahatīti: natthi. Yo
vā pana vicikicchānusayaṁ pajahati so kāmarāgānusayañca paṭighānusayañca
mānānusayañca pajahatīti: tadekaṭṭhaṁ pajahati. Yo kāmarāgānusayañca
paṭighānusayañca mānānusayañca pajahati so bhavarāgānusayaṁ .pe.
Avijjānusayaṁ pajahatīti: natthi. Yo vā pana avijjānusayaṁ pajahati so
kāmarāgānusayañca paṭighānusayañca mānānusayañca pajahatīti: mānānusayaṁ
pajahati.

[1362] Yo kāmarāgānusayañca paṭighānusayañca mānānusayañca
diṭṭhānusayañca pajahati so vicikicchānusayaṁ pajahatīti: natthi.
Yo vā pana vicikicchānusayaṁ pajahati so kāmarāgānusayañca paṭighānusayañca
Mānānusayañca diṭṭhānusayañca pajahatīti: diṭṭhānusayaṁ
pajahati kāmarāgānusayañca paṭighānusayañca mānānusayañca tadekaṭṭhaṁ
pajahati .pe.

[1363] Yo kāmarāgānusayañca paṭighānusayañca mānānusayañca
diṭṭhānusayañca vicikicchānusayañca pajahati so bhavarāgānusayaṁ .pe.
Avijjānusayaṁ pajahatīti: natthi. Yo vā pana avijjānusayaṁ pajahati
so kāmarāgānusayañca paṭighānusayañca mānānusayañca diṭṭhānusayañca
vicikicchānusayañca pajahatīti: mānānusayaṁ pajahati.

[1364] Yo kāmarāgānusayañca paṭighānusayañca mānānusayañca
diṭṭhānusayañca vicikicchānusayañca bhavarāgānusayañca pajahati so avijjānusayaṁ
pajahatīti: natthi. Yo vā pana avijjānusayaṁ pajahati so
kāmarāgānusayañca paṭighānusayañca mānānusayañca diṭṭhānusayañca
vicikicchānusayañca bhavarāgānusayañca pajahatīti: mānānusayañca bhavarāgānusayañca
pajahati.

[1365] Yato kāmarāgānusayaṁ pajahati tato paṭighānusayaṁ pajahatīti:
no. Yato vā pana paṭighānusayaṁ pajahati tato kāmarāgānusayaṁ pajahatīti:
no. Yato kāmarāgānusaya pajahati tato mānānusayaṁ pajahatīti:
āmantā. Yato vā pana mānānusayaṁ pajahati tato kāmarāgānusayaṁ
pajahatīti: rūpadhātuyā arūpadhātuyā tato mānānusayaṁ pajahati no ca
tato kāmarāgānusayaṁ pajahati kāmadhātuyā dvīsu vedanāsu tato
Mānānusayañca pajahati kāmarāgānusayañca pajahati. Yato kāmarāgānusayaṁ
pajahati tato diṭṭhānusayaṁ .pe. Vicikicchānusayaṁ pajahatīti:
āmantā. Yato vā pana vicikicchānusayaṁ pajahati tato kāmarāgānusayaṁ
pajahatīti: dukkhāya vedanāya rūpadhātuyā arūpadhātuyā tato
vicikicchānusayaṁ pajahati no ca tato kāmarāgānusayaṁ pajahati kāmadhātuyā
dvīsu vedanāsu tato vicikicchānusayañca pajahati kāmarāgānusayañca
pajahati. Yato kāmarāgānusayaṁ pajahati tato bhavarāgānusayaṁ
pajahatīti: no. Yato vā pana bhavarāgānusayaṁ pajahati tato
kāmarāgānusayaṁ pajahatīti: no. Yato kāmarāgānusayaṁ pajahati
tato avijjānusayaṁ pajahatīti: āmantā. Yato vā pana avijjānusayaṁ
pajahati tato kāmarāgānusayaṁ pajahatīti: dukkhāya vedanāya
rūpadhātuyā arūpadhātuyā tato avijjānusayaṁ pajahati no ca tato
kāmarāgānusayaṁ pajahati kāmadhātuyā dvīsu vedanāsu tato avijjānusayañca
pajahati kāmarāgānusayañca pajahati.

[1366] Yato paṭighānusayaṁ pajahati tato mānānusayaṁ pajahatīti:
no. Yato vā pana mānānusayaṁ pajahati tato paṭighānusayaṁ pajahatīti:
no. Yato paṭighānusayaṁ pajahati tato diṭṭhānusayaṁ .pe. Vicikicchānusayaṁ
pajahatīti: āmantā. Yato vā pana vicikicchānusayaṁ pajahati
tato paṭighānusayaṁ pajahatīti: kāmadhātuyā dvīsu vedanāsu rūpadhātuyā
arūpadhātuyā tato vicikicchānusayaṁ pajahati no ca tato paṭighānusayaṁ
Pajahati dukkhāya vedanāya tato vicikicchānusayañca pajahati paṭighānusayañca
pajahati. Yato paṭighānusayaṁ pajahati tato bhavarāgānusayaṁ
pajahatīti: no. Yato vā pana bhavarāgānusayaṁ pajahati tato paṭighānusayaṁ
pajahatīti: no. Yato paṭighānusayaṁ pajahati tato avijjānusayaṁ
pajahatīti: āmantā. Yato vā pana avijjānusayaṁ pajahati
tato paṭighānusayaṁ pajahatīti: kāmadhātuyā dvīsu vedanāsu rūpadhātuyā
arūpadhātuyā tato avijjānusayaṁ pajahati no ca tato paṭighānusayaṁ
pajahati dukkhāya vedanāya tato avijjānusayañca pajahati paṭighānusayañca
pajahati.

[1367] Yato mānānusayaṁ pajahati tato diṭṭhānusayaṁ .pe.
Vicikicchānusayaṁ pajahatīti: āmantā. Yato vā pana vicikicchānusayaṁ
pajahati tato mānānusayaṁ pajahatīti: dukkhāya vedanāya tato vicikicchānusayaṁ
pajahati no ca tato mānānusayaṁ pajahati kāmadhātuyā dvīsu
vedanāsu rūpadhātuyā arūpadhātuyā tato vicikicchānusayañca pajahati
mānānusayañca pajahati. Yato mānānusayaṁ pajahati tato bhavarāgānusayaṁ
pajahatīti: kāmadhātuyā dvīsu vedanāsu tato mānānusayaṁ
pajahati no ca tato bhavarāgānusayaṁ pajahati rūpadhātuyā arūpadhātuyā
tato mānānusayañca pajahati bhavarāgānusayañca pajahati. Yato vā pana
bhavarāgānusayaṁ pajahati tato mānānusayaṁ pajahatīti: āmantā. Yato
mānānusayaṁ pajahati tato avijjānusayaṁ pajahatīti: āmantā. Yato
Vā pana avijjānusayaṁ pajahati tato mānānusayaṁ pajahatīti: dukkhāya
vedanāya tato avijjānusayaṁ pajahati no ca tato mānānusayaṁ pajahati
kāmadhātuyā dvīsu vedanāsu rūpadhātuyā arūpadhātuyā tato avijjānusayañca
pajahati mānānusayañca pajahati.

[1368] Yato diṭṭhānusayaṁ pajahati tato vicikicchānusayaṁ pajahatīti:
āmantā. Yato vā pana vicikicchānusayaṁ pajahati tato diṭṭhānusayaṁ
pajahatīti: āmantā .pe.