[310] Athakho saṅgho ariṭṭhassa bhikkhuno gandhabādhipubbassa
pāpikāya diṭṭhiyā appaṭinissagge ukkhepanīyakammaṁ akāsi asambhogaṁ
saṅghena. So saṅghena pāpikāya diṭṭhiyā appaṭinissagge
ukkhepanīyakammakato vibbhami. Ye te bhikkhū appicchā .pe. Te
ujjhāyanti khīyanti vipācenti kathaṁ hi nāma ariṭṭho bhikkhu
gandhabādhipubbo saṅghena pāpikāya diṭṭhiyā appaṭinissagge
ukkhepanīyakammakato vibbhamissatīti. Athakho te bhikkhū bhagavato
etamatthaṁ ārocesuṁ.

[311] Athakho bhagavā etasmiṁ nidāne etasmiṁ pakaraṇe
bhikkhusaṅghaṁ sannipātāpetvā bhikkhū paṭipucchi saccaṁ kira bhikkhave
1 Ma. tecattālīsavattaṁ.
Ariṭṭho bhikkhu gandhabādhipubbo saṅghena pāpikāya diṭṭhiyā
appaṭinissagge ukkhepanīyakammakato vibbhamatīti 1 . Saccaṁ bhagavāti.
Vigarahi buddho bhagavā .pe. Kathaṁ hi nāma so bhikkhave moghapuriso
saṅghena pāpikāya diṭṭhiyā appaṭinissagge ukkhepanīyakammakato
vibbhamissati netaṁ bhikkhave appasannānaṁ vā pasādāya .pe.
Vigarahitvā dhammiṁ kathaṁ katvā bhikkhū āmantesi tenahi bhikkhave saṅgho
pāpikāya diṭṭhiyā appaṭinissagge ukkhepanīyakammaṁ paṭippassambhetu.

[312] Pañcahi bhikkhave aṅgehi samannāgatassa bhikkhuno pāpikāya
diṭṭhiyā appaṭinissagge ukkhepanīyakammaṁ na paṭippassambhetabbaṁ
upasampādeti nissayaṁ deti sāmaṇeraṁ upaṭṭhāpeti bhikkhunovādakasammatiṁ
sādiyati sammatopi bhikkhuniyo ovadati imehi
kho bhikkhave pañcahaṅgehi samannāgatassa bhikkhuno pāpikāya diṭṭhiyā
appaṭinissagge ukkhepanīyakammaṁ na paṭippassambhetabbaṁ.

[313] Aparehipi bhikkhave pañcahaṅgehi samannāgatassa bhikkhuno
pāpikāya diṭṭhiyā appaṭinissagge ukkhepanīyakammaṁ na
paṭippassambhetabbaṁ yāya āpattiyā saṅghena pāpikāya diṭṭhiyā
appaṭinissagge ukkhepanīyakammaṁ kataṁ hoti taṁ āpattiṁ āpajjati
aññaṁ vā tādisikaṁ tato vā pāpiṭṭhataraṁ kammaṁ garahati
kammike garahati imehi kho bhikkhave pañcahaṅgehi samannāgatassa
bhikkhuno pāpikāya diṭṭhiyā appaṭinissagge ukkhepanīyakammaṁ na
1 Ma. vibbhamīti.
Paṭippassambhetabbaṁ.

[314] Aṭṭhahi bhikkhave aṅgehi samannāgatassa bhikkhuno pāpikāya
diṭṭhiyā appaṭinissagge ukkhepanīyakammaṁ na paṭippassambhetabbaṁ
pakatattassa bhikkhuno uposathaṁ ṭhapeti pavāraṇaṁ ṭhapeti savacanīyaṁ
karoti anuvādaṁ paṭṭhapeti okāsaṁ kāreti codeti sāreti
bhikkhū bhikkhūhi sampayojeti imehi kho bhikkhave aṭṭhahaṅgehi
samannāgatassa bhikkhuno pāpikāya diṭṭhiyā appaṭinissagge
ukkhepanīyakammaṁ na paṭippassambhetabbaṁ.
Pāpikāya diṭṭhiyā appaṭinissagge ukkhepanīyakamme
napaṭippassambhetabbāṭṭhārasakaṁ 1 niṭṭhitaṁ.

[315] Pañcahi bhikkhave aṅgehi samannāgatassa bhikkhuno pāpikāya
diṭṭhiyā appaṭinissagge ukkhepanīyakammaṁ paṭippassambhetabbaṁ na
upasampādeti na nissayaṁ deti na sāmaṇeraṁ upaṭṭhāpeti na
bhikkhunovādakasammatiṁ sādiyati sammatopi bhikkhuniyo na ovadati
imehi kho bhikkhave pañcahaṅgehi samannāgatassa bhikkhuno pāpikāya
diṭṭhiyā appaṭinissagge ukkhepanīyakammaṁ paṭippassambhetabbaṁ.

[316] Aparehipi bhikkhave pañcahaṅgehi samannāgatassa bhikkhuno
pāpikāya diṭṭhiyā appaṭinissagge ukkhepanīyakammaṁ paṭippassambhetabbaṁ
yāya āpattiyā saṅghena pāpikāya diṭṭhiyā appaṭinissagge
ukkhepanīyakammaṁ kataṁ hoti taṁ āpattiṁ na āpajjati aññaṁ vā
1 Ma. ..ṭecattālīsakaṁ.
Tādisikaṁ tato vā pāpiṭṭhataraṁ kammaṁ na garahati kammike
na garahati imehi kho bhikkhave pañcahaṅgehi samannāgatassa
bhikkhuno pāpikāya diṭṭhiyā appaṭinissagge ukkhepanīyakammaṁ
paṭippassambhetabbaṁ.

[317] Aṭṭhahi bhikkhave aṅgehi samannāgatassa bhikkhuno pāpikāya
diṭṭhiyā appaṭinissagge ukkhepanīyakammaṁ paṭippassambhetabbaṁ na
pakatattassa bhikkhuno uposathaṁ ṭhapeti na pavāraṇaṁ ṭhapeti na
savacanīyaṁ karoti na anuvādaṁ paṭṭhapeti na okāsaṁ kāreti
na codeti na sāreti na bhikkhū bhikkhūhi sampayojeti imehi
kho bhikkhave aṭṭhahaṅgehi samannāgatassa bhikkhuno pāpikāya diṭṭhiyā
appaṭinissagge ukkhepanīyakammaṁ paṭippassambhetabbaṁ.
Pāpikāya diṭṭhiyā appaṭinissagge ukkhepanīyakamme
paṭippassambhetabbāṭṭhārasakaṁ 1 niṭṭhitaṁ.

[318] Evañca pana bhikkhave paṭippassambhetabbaṁ tena bhikkhave
pāpikāya diṭṭhiyā appaṭinissagge ukkhepanīyakammakatena bhikkhunā
saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ
pāde vanditvā ukkuṭikaṁ nisīditvā añjaliṁ paggahetvā evamassa
vacanīyo ahaṁ bhante saṅghena pāpikāya diṭṭhiyā appaṭinissagge
ukkhepanīyakammakato sammā vattāmi lomaṁ pātemi netthāraṁ
vattāmi pāpikāya diṭṭhiyā appaṭinissagge ukkhepanīyakammassa
1 Ma. ..ṭecattālīsakaṁ.
Paṭippassaddhiṁ yācāmīti. Dutiyampi yācitabbā. Tatiyampi
yācitabbā. Byattena bhikkhunā paṭibalena saṅgho ñāpetabbo
suṇātu me bhante saṅgho ayaṁ itthannāmo bhikkhu saṅghena
pāpikāya diṭṭhiyā appaṭinissagge ukkhepanīyakammakato sammā
vattati lomaṁ pāteti netthāraṁ vattati pāpikāya diṭṭhiyā
appaṭinissagge ukkhepanīyakammassa paṭippassaddhiṁ yācati. Yadi saṅghassa
pattakallaṁ saṅgho itthannāmassa bhikkhuno pāpikāya diṭṭhiyā
appaṭinissagge ukkhepanīyakammaṁ paṭippassambheyya. Esā ñatti.
Suṇātu me bhante saṅgho ayaṁ itthannāmo bhikkhu saṅghena
pāpikāya diṭṭhiyā appaṭinissagge ukkhepanīyakammakato sammā
vattati lomaṁ pāteti netthāraṁ vattati pāpikāya diṭṭhiyā
appaṭinissagge ukkhepanīyakammassa paṭippassaddhiṁ yācati. Saṅgho
itthannāmassa bhikkhuno pāpikāya diṭṭhiyā appaṭinissagge
ukkhepanīyakammaṁ paṭippassambheti. Yassāyasmato khamati itthannāmassa
bhikkhuno pāpikāya diṭṭhiyā appaṭinissagge ukkhepanīyakammassa
paṭippassaddhi so tuṇhassa yassa nakkhamati so bhāseyya.
Dutiyampi etamatthaṁ vadāmi .pe. Tatiyampi etamatthaṁ vadāmi.
Suṇātu me bhante saṅgho ayaṁ itthannāmo bhikkhu saṅghena
pāpikāya diṭṭhiyā appaṭinissagge ukkhepanīyakammakato sammā
vattati lomaṁ pāteti netthāraṁ vattati pāpikāya diṭṭhiyā
Appaṭinissagge ukkhepanīyakammassa paṭippassaddhiṁ yācati. Saṅgho
itthannāmassa bhikkhuno pāpikāya diṭṭhiyā appaṭinissagge
ukkhepanīyakammaṁ paṭippassambheti. Yassāyasmato khamati itthannāmassa
bhikkhuno pāpikāya diṭṭhiyā appaṭinissagge ukkhepanīyakammassa
paṭippassaddhi so tuṇhassa yassa nakkhamati so bhāseyya.
Paṭippassaddhaṁ 1 saṅghena itthannāmassa bhikkhuno pāpikāya diṭṭhiyā
appaṭinissagge ukkhepanīyakammaṁ khamati saṅghassa tasmā tuṇhī.
Evametaṁ dhārayāmīti.
Pāpikāya diṭṭhiyā appaṭinissagge ukkhepanīyakammaṁ sattamaṁ niṭṭhitaṁ.
Kammakkhandhakaṁ niṭṭhitaṁ paṭhamaṁ.
Imamhi khandhake vatthū satta.
------------------
Tassuddānaṁ

[319] Paṇḍukalohitakā bhikkhū sayaṁ bhaṇḍanakārakā
tādise upasaṅkamma ussāhiṁsu ca bhaṇḍane
anuppannāni 2 jāyanti uppannānipi vaḍḍhare
appicchā pesalā bhikkhū ujjhāyanti parīsato 3
saddhammaṭṭhitiko buddho sayambhū aggapuggalo
āṇāpesi tajjanīyaṁ kammaṁ sāvatthiyaṁ jino.
1 Po. paṭippassambhitaṁ. 2 Ma. Yu. anuppannāpi. 3 Ma. padassato. Yu. padassako.
Asammukhāppaṭipucchā appaṭiññāya katañca yaṁ
anāpatti adesane desitāya katañca yaṁ
acodetvā asāretvā anāropetvā ca yaṁ kataṁ
asammukhā adhammena vaggenāpi ca yaṁ kataṁ 1
appaṭipucchā adhammena vaggenāpi ca yaṁ kataṁ 2
appaṭiññāya adhammena vaggenāpi ca yaṁ kataṁ 3
anāpattiyā adhammena vaggenāpi ca yaṁ kataṁ 4
adesanāgāminiyā adhammavaggameva ca
desitāya adhammena vaggenāpi tatheva ca
acodetvā adhammena vaggenāpi tatheva ca
asāretvā adhammena vaggenāpi tatheva ca
anāropetvā adhammena vaggenāpi tatheva ca
kaṇhavāranayeneva sukkavāraṁ vijāniyā 5 .
Saṅgho ākaṅkhamāno va 6 yassa tajjanīyaṁ kare
bhaṇḍanaṁ bālo saṁsaṭṭho adhisīle ajjhācare
atidiṭṭhiyā vipannassa saṅgho tajjaniyaṁ kare.
1 Ma. Yu. vaggena cāpi yaṁ kataṁ. 2-3-4 Ma. Yu. puna vaggena yaṁ kataṁ.
5 Ma. Yu. sukkavāraṁpi jāniyaṁ. 6 Ma. Yu. ca.
Buddhadhammassa saṅghassa avaṇṇaṁ yo ca bhāsati.
Tiṇṇannampi ca bhikkhūnaṁ saṅgho tajjaniyaṁ kare
bhaṇḍanakārako eko bālo saṁsagganissito.
Adhisīle ajjhācāre tatheva atidiṭṭhiyā
buddhadhammassa saṅghassa avaṇṇaṁ yo ca bhāsati.
Tajjanīyakammakato evaṁ sammānuvattanā
upasampadā nissayo sāmaṇeraupaṭṭhanā
bhikkhunovādakasammato 1 na kare tajjanīkato
nāpajje tañca āpattiṁ tādisañca tato paraṁ
kammañca kammike ceva 2 na garahe tathāvidho
uposathaṁ pavāraṇaṁ pakatattassa naṭṭhape
na 3 savacanīyaṁ anuvādo 4 okāso codanena ca
sāraṇaṁ sampayogañca na kareyya tathāvidho.
Upasampadā nissayo sāmaṇeraupaṭṭhanā
ovādakasammatenāpi pañcahaṅgehi sammati 5 .
Tañcāpajjati āpattiṁ 6 tādisañca tato paraṁ
kammañca kammike cāpi garahanto na sammati.
1 Ma. Yu. ovādasammatenāpi. 2 Ma. Yu. cāpi. 3 Ma. Yu. nasaddo na dissati.
4 Ma. Yu. savacanianuvādo. 5 Yu. pañcāṅgo na sammati. Ma. pañcāṅgehi na sammati.
6 Yu. taṁ āpajjatāpattiñca.
Uposathaṁ pavāraṇaṁ savacanīyānuvādo 1
okāso codanañceva sāraṇā sampayojanā
imehaṭṭhaṅgehi yo yutto tajjanā nūpasammati.
Kaṇhavāranayeneva sukkavāraṁ vijāniyā.
Bālo āpattibahulo saṁsaṭṭhopi ca seyyaso
niyassakammaṁ sambuddho āṇāpesi mahāmuni.
Kiṭāgirismiṁ dve bhikkhū assajipunabbasukā 2
anācārampi vividhaṁ ācariṁsu asaññatā
pabbājanīyaṁ sambuddho kammaṁ sāvatthiyaṁ jino.
Macchikāsaṇḍe sudhammo cittassāvāsiko ahu
jātivādena khuṁseti sudhammo cittupāsakaṁ
paṭisāraṇīyaṁ kammaṁ āṇāpesi tathāgato.
Kosambiyaṁ channaṁ bhikkhuṁ nicchantāpatti passituṁ.
Adassane ukkhepituṁ āṇāpesi jinuttamo.
Channo taṁyeva āpattiṁ paṭikātuṁ na icchati
ukkhepanāppaṭikamme āṇāpesi vināyako.
Pāpadiṭṭhi ariṭṭhassa āsi aññāṇanissitā
diṭṭhiappaṭinissagge ukkhepaṁ jinabhāsitaṁ.
Niyassakammaṁ pabbajjaṁ 3 tatheva paṭisāraṇī.
1 Ma. ...canovādo. 2 Yu. assajipunabbasū. 3 Yu. pabbājaṁ.
Adassanāppaṭikamme anissagge ca diṭṭhiyā
davānācārupaghātī micchāājīvameva ca
pabbājanīyakammamhi atirekapadā ime.
Alābhāvaṇṇā dve pañca dve pañcakātināmakā
paṭisāraṇīyakammamhi atirekapadā ime.
Tajjanīyaṁ niyassañca duve kammāpi sādisā.
Pabbajjā 1 paṭisāri ca dvaṭṭhaūnārittakā 2
tayo ukkhepanīyakammā 3 sadisā te vibhattito
tajjanīyanayenāpi sesaṁ kammaṁ vijāniyāti.
1 Yu. pabbājā. 2 Ma. Yu. paṭisāri ca atthi padātirittatā.
3 Ma. Yu. ukkhepanā kammā.
Pārivāsikakkhandhakaṁ