[1019] Yo dukkhasaccaṁ parijānissati so samudayasaccaṁ
pajahissatīti: āmantā. Yo vā pana samudayasaccaṁ pajahissati so
dukkhasaccaṁ parijānissatīti: āmantā. Yo dukkhasaccaṁ na parijānissati
so samudayasaccaṁ nappajahissatīti: āmantā. Yo vā pana samudayasaccaṁ
nappajahissati so dukkhasaccaṁ na parijānissatīti: āmantā.

[1020] Yo dukkhasaccaṁ parijānāti so samudayasaccaṁ pajahitthāti:
no. Yo vā pana samudayasaccaṁ pajahittha so dukkhasaccaṁ parijānātīti:
no. Yo dukkhasaccaṁ na parijānāti so samudayasaccaṁ nappajahitthāti:
arahā dukkhasaccaṁ na parijānāti no ca samudayasaccaṁ
nappajahittha aggamaggasamaṅgiñca arahantañca ṭhapetvā avasesā
puggalā dukkhasaccañca na parijānanti samudayasaccañca nappajahittha.
No vā pana samudayasaccaṁ nappajahittha so dukkhasaccaṁ na parijānātīti:
aggamaggasamaṅgī samudayasaccaṁ nappajahittha no ca dukkhasaccaṁ na parijānāti
aggamaggasamaṅgiñca arahantañca ṭhapetvā avasesā puggalā
samudayasaccañca nappajahittha dukkhasaccañca na parijānanti.

[1021] Yo dukkhasaccaṁ parijānāti so samudayasaccaṁ pajahissatīti:
no. Yo vā pana samudayasaccaṁ pajahissati so dukkhasaccaṁ
parijānātīti: no. Yo dukkhasaccaṁ na parijānāti so samudayasaccaṁ
nappajahissatīti: ye maggaṁ paṭilabhissanti te dukkhasaccaṁ na parijānanti
no ca samudayasaccaṁ nappajahissanti arahā ye ca puthujjanā maggaṁ
na paṭilabhissanti te dukkhasaccañca na parijānanti samudayasaccañca
nappajahissanti. Yo vā pana samudayasaccaṁ nappajahissati so dukkhasaccaṁ
na parijānātīti: aggamaggasamaṅgī samudayasaccaṁ nappajahissati
no ca dukkhasaccaṁ na parijānāti arahā ye ca puthujjanā maggaṁ
na paṭilabhissanti te samudayasaccañca nappajahissanti dukkhasaccañca
na parijānanti.

[1022] Yo dukkhasaccaṁ parijānittha so samudayasaccaṁ pajahissatīti:
no. Yo vā pana samudayasaccaṁ pajahissati so dukkhasaccaṁ parijānitthāti:
no. Yo dukkhasaccaṁ na parijānittha so samudayasaccaṁ nappajahissatīti:
ye maggaṁ paṭilabhissanti te dukkhasaccaṁ na parijānittha no ca samudayasaccaṁ
nappajahissanti aggamaggasamaṅgī ye ca puthujjanā maggaṁ na paṭilabhissanti
te dukkhasaccañca na parijānittha samudayasaccañca nappajahissanti.
Yo vā pana samudayasaccaṁ nappajahissati so dukkhasaccaṁ
na parijānitthāti: arahā samudayasaccaṁ nappajahissati no ca dukkhasaccaṁ
na parijānittha aggamaggasamaṅgī ye ca puthujjanā maggaṁ na paṭilabhissanti
Te samudayasaccañca nappajahissanti dukkhasaccañca na parijānittha.
Pariññāvāraṁ niṭṭhitaṁ.
Saccayamakaṁ niṭṭhitaṁ.
--------
Saṅkhārayamakaṁ
paṇṇattivāro

[1023] Tayo saṅkhārā kāyasaṅkhāro vacīsaṅkhāro cittasaṅkhāro.
Assāsapassāsā kāyasaṅkhāro vitakkavicārā vacīsaṅkhāro saññā ca
vedanā ca cittasaṅkhāro ṭhapetvā vitakkavicāre sabbepi cittasampayuttakā
dhammā cittasaṅkhāro.
Uddesavāro

[1024] Kāyo kāyasaṅkhāro kāyasaṅkhāro kāyo. Vacī vacīsaṅkhāro
vacīsaṅkhāro vacī. Cittaṁ cittasaṅkhāro cittasaṅkhāro cittaṁ.

[1025] Na kāyo na kāyasaṅkhāro na kāyasaṅkhāro na kāyo.
Na vacī na vacīsaṅkhāro na vacīsaṅkhāro na vacī. Na cittaṁ na cittasaṅkhāro
na cittasaṅkhāro na cittaṁ.
--------

[1026] Kāyo kāyasaṅkhāro saṅkhārā vacīsaṅkhāro. Kāyo
kāyasaṅkhāro saṅkhārā cittasaṅkhāro. Vacī vacīsaṅkhāro saṅkhārā
Kāyasaṅkhāro. Vacī vacīsaṅkhāro saṅkhārā cittasaṅkhāro. Cittaṁ
cittasaṅkhāro saṅkhārā kāyasaṅkhāro. Cittaṁ cittasaṅkhāro saṅkhārā
vacīsaṅkhāro.

[1027] Na kāyo na kāyasaṅkhāro na saṅkhārā na vacīsaṅkhāro.
Na kāyo na kāyasaṅkhāro na saṅkhārā na cittasaṅkhāro. Na vacī na
vacīsaṅkhāro nasaṅkhārā na kāyasaṅkhāro. Na vacī na vacīsaṅkhāro nasaṅkhārā
na cittasaṅkhāro. Na cittaṁ na cittasaṅkhāro na saṅkhārā na kāyasaṅkhāro.
Na cittaṁ na cittasaṅkhāro na saṅkhārā na vacīsaṅkhāro.
--------

[1028] Kāyasaṅkhāro vacīsaṅkhāro vacīsaṅkhāro kāyasaṅkhāro.
Kāyasaṅkhāro cittasaṅkhāro cittasaṅkhāro kāyasaṅkhāro. Vacīsaṅkhāro
cittasaṅkhāro cittasaṅkhāro vacīsaṅkhāro.