พุทธธรรมสงฆ์
บันทึกแบบเก่าจะเลิกใช้งานใน 15/08/2026 สํารองข้อมูลไว้ด้วยครับ
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน
Abhidhammapiṭake yamakaṁ paṭhamo bhāgo (เล่ม 38)

[539] Yassa ghānāyatanaṁ na nirujjhati tassa rūpāyatanaṁ na nirujjhatīti:
aghānakānaṁ sarūpakānaṁ cavantānaṁ tesaṁ ghānāyatanaṁ na nirujjhati no ca tesaṁ
rūpāyatanaṁ na nirujjhati sabbesaṁ upapajjantānaṁ arūpakānaṁ cavantānaṁ
tesaṁ ghānāyatanañca na nirujjhati rūpāyatanañca na nirujjhati. Yassa vā pana
rūpāyatanaṁ na nirujjhati tassa ghānāyatanaṁ na nirujjhatīti: āmantā.

Abhidhammapiṭake yamakaṁ paṭhamo bhāgo (เล่ม 38)

[540] Yassa ghānāyatanaṁ na nirujjhati tassa manāyatanaṁ na nirujjhatīti:
aghānakānaṁ sacittakānaṁ cavantānaṁ tesaṁ ghānāyatanaṁ na nirujjhati no
ca tesaṁ manāyatanaṁ na nirujjhati sabbesaṁ upapajjantānaṁ acittakānaṁ
cavantānaṁ tesaṁ ghānāyatanañca na nirujjhati manāyatanañca na nirujjhati
yassa vā pana manāyatanaṁ na nirujjhati tassa ghānāyatanaṁ na nirujjhatīti:
āmantā.

Abhidhammapiṭake yamakaṁ paṭhamo bhāgo (เล่ม 38)

[541] Yassa ghānāyatanaṁ na nirujjhati tassa dhammāyatanaṁ na nirujjhatīti:
aghānakānaṁ cavantānaṁ tesaṁ ghānāyatanaṁ na nirujjhati no ca
tesaṁ dhammāyatanaṁ na nirujjhati sabbesaṁ upapajjantānaṁ tesaṁ ghānāyatanañca
na nirujjhati dhammāyatanañca na nirujjhati. Yassa vā pana
dhammāyatanaṁ na nirujjhati tassa ghānāyatanaṁ na nirujjhatīti: āmantā.

Abhidhammapiṭake yamakaṁ paṭhamo bhāgo (เล่ม 38)

[542] Yassa rūpāyatanaṁ na nirujjhati tassa manāyatanaṁ na nirujjhatīti:
arūpakānaṁ cavantānaṁ tesaṁ rūpāyatanaṁ na nirujjhati no ca tesaṁ manāyatanaṁ
na nirujjhati sabbesaṁ upapajjantānaṁ tesaṁ rūpāyatanañca na nirujjhati
manāyatanañca na nirujjhati. Yassa vā pana manāyatanaṁ na nirujjhati
tassa rūpāyatanaṁ na nirujjhatīti: acittakānaṁ cavantānaṁ tesaṁ manāyatanaṁ
na nirujjhati no ca tesaṁ rūpāyatanaṁ na nirujjhati sabbesaṁ upapajjantānaṁ
tesaṁ manāyatanañca na nirujjhati rūpāyatanañca na nirujjhati.

Abhidhammapiṭake yamakaṁ paṭhamo bhāgo (เล่ม 38)

[543] Yassa rūpāyatanaṁ na nirujjhati tassa dhammāyatanaṁ na nirujjhatīti:
arūpakānaṁ cavantānaṁ tesaṁ rūpāyatanaṁ na nirujjhati no ca tesaṁ dhammāyatanaṁ
Na nirujjhati sabbesaṁ upapajjantānaṁ tesaṁ rūpāyatanañca na nirujjhati
dhammāyatanañca na nirujjhati. Yassa vā pana dhammāyatanaṁ na nirujjhati
tassa rūpāyatanaṁ na nirujjhatīti: āmantā.

Abhidhammapiṭake yamakaṁ paṭhamo bhāgo (เล่ม 38)

[544] Yassa manāyatanaṁ na nirujjhati tassa dhammāyatanaṁ na nirujjhatīti:
acittakānaṁ tesaṁ cavantānaṁ manāyatanaṁ na nirujjhati no ca tesaṁ dhammāyatanaṁ
na nirujjhati sabbesaṁ upapajjantānaṁ tesaṁ manāyatanañca na nirujjhati
dhammāyatanañca na nirujjhati. Yassa vā pana dhammāyatanaṁ na nirujjhati
tassa manāyatanaṁ na nirujjhatīti: āmantā.

Abhidhammapiṭake yamakaṁ paṭhamo bhāgo (เล่ม 38)

[545] Yattha cakkhāyatanaṁ na nirujjhati .pe.

Abhidhammapiṭake yamakaṁ paṭhamo bhāgo (เล่ม 38)

[546] Yassa yattha cakkhāyatanaṁ na nirujjhati .pe.
Yassakampi yassayatthakampi sadisaṁ.
--------

Abhidhammapiṭake yamakaṁ paṭhamo bhāgo (เล่ม 38)

[547] Yassa cakkhāyatanaṁ nirujjhittha tassa sotāyatanaṁ nirujjhitthāti:
āmantā. Uppādavārepi nirodhavārepi uppādanirodhavārepi
atītā pucchā anulomampi paccaniyampi sadisaṁ.
--------

Abhidhammapiṭake yamakaṁ paṭhamo bhāgo (เล่ม 38)

[548] Yassa cakkhāyatanaṁ nirujjhissati tassa sotāyatanaṁ
nirujjhissatīti: āmantā. Yassa vā pana sotāyatanaṁ nirujjhissati
tassa cakkhāyatanaṁ nirujjhissatīti: āmantā.