[180] Aparehipi .pe. Appaṭipucchā kataṁ hoti adhammena
kataṁ hoti vaggena kataṁ hoti imehi kho bhikkhave .pe.

[181] Aparehipi bhikkhave tīhaṅgehi samannāgataṁ .pe. Appaṭiññāya
kataṁ hoti adhammena kataṁ hoti vaggena kataṁ hoti .pe.

[182] Aparehipi .pe. Anāpattiyā kataṁ hoti adhammena
kataṁ hoti vaggena kataṁ hoti .pe.

[183] Aparehipi .pe. Adesanāgāminiyā āpattiyā kataṁ
hoti adhammena kataṁ hoti vaggena kataṁ hoti .pe.

[184] Aparehipi .pe. Desitāya āpattiyā kataṁ hoti
adhammena kataṁ hoti vaggena kataṁ hoti .pe.

[185] Aparehipi .pe. Acodetvā kataṁ hoti adhammena
kataṁ hoti vaggena kataṁ hoti .pe.

[186] Aparehipi .pe. Asāretvā kataṁ hoti adhammena
kataṁ hoti vaggena kataṁ hoti .pe.

[187] Aparehipi .pe. Āpattiṁ anāropetvā kataṁ hoti
Adhammena kataṁ hoti vaggena kataṁ hoti imehi kho bhikkhave
tīhaṅgehi samannāgataṁ āpattiyā adassane ukkhepanīyakammaṁ
adhammakammañceva hoti avinayakammañca duvūpasantañca.
Āpattiyā adassane ukkhepanīyakamme adhammakammadvādasakaṁ niṭṭhitaṁ.

[188] Tīhi bhikkhave aṅgehi samannāgataṁ āpattiyā adassane
ukkhepanīyakammaṁ dhammakammañceva hoti vinayakammañca suvūpasantañca
sammukhā kataṁ hoti paṭipucchā kataṁ hoti paṭiññāya kataṁ
hoti imehi kho bhikkhave tīhaṅgehi samannāgataṁ āpattiyā
adassane ukkhepanīyakammaṁ dhammakammañceva hoti vinayakammañca
suvūpasantañca.

[189] Aparehipi bhikkhave tīhaṅgehi samannāgataṁ āpattiyā
adassane ukkhepanīyakammaṁ dhammakammañceva hoti vinayakammañca
suvūpasantañca āpattiyā kataṁ hoti desanāgāminiyā āpattiyā
kataṁ hoti adesitāya āpattiyā kataṁ hoti .pe.