[260] Tīhākārehi paṭhamañca jhānaṁ cattāro ca satipaṭṭhāne
paṭhamañca jhānaṁ cattāro ca sammappadhāne paṭhamañca jhānaṁ cattāro
ca iddhipāde samāpajjiṁ samāpajjāmi samāpanno paṭhamassa ca
Jhānassa catunnañca iddhipādānaṁ lābhimhi vasimhi paṭhamañca jhānaṁ
cattāro ca iddhipādā sacchikatā mayāti sampajānamusā bhaṇantassa
āpatti pārājikassa .pe.

[261] Tīhākārehi paṭhamañca jhānaṁ pañca ca indriyāni
paṭhamañca jhānaṁ pañca ca balāni samāpajjiṁ samāpajjāmi samāpanno
paṭhamassa ca jhānassa pañcannañca balānaṁ lābhimhi vasimhi
paṭhamañca jhānaṁ pañca ca balāni sacchikatāni mayāti sampajānamusā
bhaṇantassa āpatti pārājikassa .pe.

[262] Tīhākārehi paṭhamañca jhānaṁ satta ca bojjhaṅge
samāpajjiṁ samāpajjāmi samāpanno paṭhamassa ca jhānassa
sattannañca bojjhaṅgānaṁ lābhimhi vasimhi paṭhamañca jhānaṁ satta ca
bojjhaṅgā sacchikatā mayāti sampajānamusā bhaṇantassa āpatti
pārājikassa .pe.

[263] Tīhākārehi paṭhamañca jhānaṁ ariyañca aṭṭhaṅgikaṁ maggaṁ
samāpajjiṁ samāpajjāmi samāpanno paṭhamassa ca jhānassa ariyassa
ca aṭṭhaṅgikassa maggassa lābhimhi vasimhi paṭhamañca jhānaṁ ariyo
ca aṭṭhaṅgiko maggo sacchikato mayāti sampajānamusā bhaṇantassa
āpatti pārājikassa .pe.

[264] Tīhākārehi paṭhamañca jhānaṁ sotāpattiphalañca paṭhamañca
jhānaṁ sakadāgāmiphalañca paṭhamañca jhānaṁ anāgāmiphalañca paṭhamañca
Jhānaṁ arahattaphalañca 1 samāpajjiṁ samāpajjāmi samāpanno paṭhamassa
ca jhānassa arahattaphalassa 2 ca lābhimhi vasimhi paṭhamañca jhānaṁ
arahattaphalañca sacchikataṁ mayāti sampajānamusā bhaṇantassa āpatti
pārājikassa .pe.

[265] Tīhākārehi paṭhamañca jhānaṁ samāpajjiṁ samāpajjāmi
samāpanno rāgo ca me catto .pe. Paṭhamañca jhānaṁ samāpajjiṁ
.pe. Doso ca me catto .pe. Paṭhamañca jhānaṁ samāpajjiṁ
.pe. Moho ca me catto vanto mutto pahīno paṭinissaṭṭho
ukkheṭito samukkheṭitoti sampajānamusā bhaṇantassa āpatti
pārājikassa .pe.

[266] Tīhākārehi paṭhamañca jhānaṁ samāpajjiṁ samāpajjāmi
samāpanno rāgā ca me cittaṁ vinīvaraṇaṁ dosā ca me cittaṁ
vinīvaraṇaṁ mohā ca me cittaṁ vinīvaraṇanti sampajānamusā bhaṇantassa
āpatti pārājikassa pubbe vassa hoti musā bhaṇissanti
bhaṇantassa hoti musā bhaṇāmīti bhaṇitassa hoti musā mayā
bhaṇitanti vinidhāya diṭṭhiṁ vinidhāya khantiṁ vinidhāya ruciṁ vinidhāya bhāvaṁ.
Khaṇḍacakkaṁ niṭṭhitaṁ.
1-2 yaṁ idha arahattaphalanti ca arahattaphalassāti ca dissati taṁ
yuropiyamarammapotthakesu arahattanti ca arahattassāti ca dissatīti
sabbattha ñātabbaṁ.

[267] Tīhākārehi dutiyañca jhānaṁ tatiyañca jhānaṁ samāpajjiṁ
samāpajjāmi samāpanno dutiyassa ca jhānassa tatiyassa ca jhānassa
lābhimhi vasimhi dutiyañca jhānaṁ tatiyañca jhānaṁ sacchikataṁ mayāti
sampajānamusā bhaṇantassa āpatti pārājikassa .pe. Tīhākārehi
dutiyañca jhānaṁ catutthañca jhānaṁ samāpajjiṁ samāpajjāmi samāpanno
dutiyassa ca jhānassa catutthassa ca jhānassa lābhimhi vasimhi
dutiyañca jhānaṁ catutthañca jhānaṁ sacchikataṁ mayāti sampajānamusā
bhaṇantassa āpatti pārājikassa .pe. Tīhākārehi dutiyañca
jhānaṁ suññatañca vimokkhaṁ dutiyañca jhānaṁ animittañca vimokkhaṁ
dutiyañca jhānaṁ appaṇihitañca vimokkhaṁ dutiyañca jhānaṁ suññatañca
samādhiṁ dutiyañca jhānaṁ animittañca samādhiṁ dutiyañca jhānaṁ appaṇihitañca
samādhiṁ dutiyañca jhānaṁ suññatañca samāpattiṁ dutiyañca jhānaṁ
animittañca samāpattiṁ dutiyañca jhānaṁ *- appaṇihitañca samāpattiṁ
dutiyañca jhānaṁ tisso ca vijjā dutiyañca jhānaṁ cattāro ca
satipaṭṭhāne dutiyañca jhānaṁ cattāro ca sammappadhāne dutiyañca
jhānaṁ cattāro ca iddhipāde dutiyañca jhānaṁ pañca ca indriyāni
dutiyañca jhānaṁ satta ca bojjhaṅge dutiyañca jhānaṁ ariyañca
aṭṭhaṅgikaṁ maggaṁ dutiyañca jhānaṁ sotāpattiphalañca dutiyañca jhānaṁ
sakadāgāmiphalañca dutiyañca jhānaṁ anāgāmiphalañca dutiyañca jhānaṁ
arahattaphalañca samāpajjiṁ .pe. Dutiyañca jhānaṁ samāpajjiṁ rāgo
* mīkārkkhag ñānaṁ peḌna jhānaṁ
Ca me catto .pe. Doso ca me catto .pe. Moho ca
me catto vanto mutto pahīno paṭinissaṭṭho ukkheṭito samukkheṭito
.pe. Dutiyañca jhānaṁ samāpajjiṁ rāgā ca me cittaṁ vinīvaraṇaṁ
dutiyañca jhānaṁ samāpajjiṁ dosā ca me cittaṁ vinīvaraṇaṁ dutiyañca
jhānaṁ samāpajjiṁ mohā ca me cittaṁ vinīvaraṇanti sampajānamusā
bhaṇantassa āpatti pārājikassa .pe. Tīhākārehi dutiyañca
jhānaṁ paṭhamañca jhānaṁ samāpajjiṁ samāpajjāmi samāpanno dutiyassa
ca jhānassa paṭhamassa ca jhānassa lābhimhi vasimhi dutiyañca
jhānaṁ paṭhamañca jhānaṁ sacchikataṁ mayāti sampajānamusā bhaṇantassa
āpatti pārājikassa .pe.
Baddhacakkaṁ niṭṭhitaṁ.
Evaṁ ekekaṁ mūlaṁ kātūna baddhacakkaṁ parivattakaṁ kattabbaṁ.
Idaṁ saṅkhittaṁ 1 .

[268] Tīhākārehi mohā ca me cittaṁ vinīvaraṇaṁ paṭhamañca
jhānaṁ samāpajjiṁ samāpajjāmi samāpanno mohā ca me cittaṁ
vinīvaraṇaṁ paṭhamassa ca jhānassa lābhimhi vasimhi mohā ca me
cittaṁ vinīvaraṇaṁ paṭhamañca jhānaṁ sacchikataṁ mayāti sampajānamusā
bhaṇantassa āpatti pārājikassa .pe. Tīhākārehi mohā ca
me cittaṁ vinīvaraṇaṁ dutiyañca jhānaṁ tatiyañca jhānaṁ catutthañca
1 idaṁ pāṭhadvayaṁ yuropiyapotthakeyeva na dissati.
Jhānaṁ suññatañca vimokkhaṁ animittañca vimokkhaṁ appaṇihitañca
vimokkhaṁ suññatañca samādhiṁ animittañca samādhiṁ appaṇihitañca
samādhiṁ suññatañca samāpattiṁ animittañca samāpattiṁ appaṇihitañca
samāpattiṁ tisso ca vijjā cattāro ca satipaṭṭhāne cattāro
ca sammappadhāne cattāro ca iddhipāde pañca ca indriyāni
pañca ca balāni satta ca bojjhaṅge ariyañca aṭṭhaṅgikaṁ maggaṁ
sotāpattiphalañca sakadāgāmiphalañca anāgāmiphalañca arahattaphalañca
samāpajjiṁ .pe. Rāgo ca me catto .pe. Doso ca
me catto .pe. Moho ca me catto vanto mutto pahīno
paṭinissaṭṭho ukkheṭito samukkheṭito rāgā ca me cittaṁ vinīvaraṇaṁ
dosā ca me cittaṁ vinīvaraṇaṁ mohā ca me cittaṁ vinīvaraṇanti
sampajānamusā bhaṇantassa āpatti pārājikassa .pe.
Ekamūlakaṁ saṅkhittaṁ 1 niṭṭhitaṁ.

[269] Dumūlakampi timūlakampi catumūlakampi pañcamūlakampi chamūlakampi
sattamūlakampi aṭṭhamūlakampi navamūlakampi dasamūlakampi yathā ekamūlakaṁ
vitthāritaṁ evameva vitthāretabbaṁ.
Idaṁ sabbamūlakaṁ.