[937] Bodhiyā buddhoti. Āmantā. Bodhiyā niruddhāya vigatāya
paṭippassaddhāya abuddho hotīti. Na hevaṁ vattabbe .pe.

[938] Bodhiyā buddhoti. Āmantā. Atītāya bodhiyā
buddhoti. Na hevaṁ vattabbe .pe.

[939] Atītāya bodhiyā buddhoti. Āmantā. Tāya bodhiyā
bodhikaraṇīyaṁ karotīti. Na hevaṁ vattabbe .pe.

[940] Tāya bodhiyā bodhikaraṇīyaṁ karotīti. Āmantā.
Tāya bodhiyā dukkhaṁ parijānāti samudayaṁ pajahati nirodhaṁ sacchikaroti
maggaṁ bhāvetīti. Na hevaṁ vattabbe .pe.

[941] Bodhiyā buddhoti. Āmantā. Anāgatāya bodhiyā
1. Ma. samohito. 2-3. Ma. chaḷaṅgupekkhā.
Buddhoti. Na hevaṁ vattabbe .pe.

[942] Anāgatāya bodhiyā buddhoti. Āmantā. Tāya
bodhiyā bodhikaraṇīyaṁ karotīti. Na hevaṁ vattabbe .pe.

[943] Tāya bodhiyā bodhikaraṇīyaṁ karotīti. Āmantā.
Tāya bodhiyā dukkhaṁ parijānāti .pe. Maggaṁ bhāvetīti. Na hevaṁ
vattabbe .pe.

[944] Paccuppannāya bodhiyā buddho tāya bodhiyā bodhikaraṇīyaṁ
karotīti. Āmantā. Atītāya bodhiyā buddho tāya bodhiyā
bodhikaraṇīyaṁ karotīti. Na hevaṁ vattabbe .pe.

[945] Paccuppannāya bodhiyā buddho tāya bodhiyā dukkhaṁ
parijānāti samudayaṁ pajahati nirodhaṁ sacchikaroti maggaṁ bhāvetīti.
Āmantā. Atītāya bodhiyā buddho tāya bodhiyā dukkhaṁ
parijānāti .pe. Maggaṁ bhāvetīti. Na hevaṁ vattabbe .pe.

[946] Paccuppannāya bodhiyā buddho tāya bodhiyā bodhikaraṇīyaṁ
karotīti. Āmantā. Anāgatāya bodhiyā buddho tāya bodhiyā
bodhikaraṇīyaṁ karotīti. Na hevaṁ vattabbe .pe.