[80] Pañcahi bhikkhave aṅgehi samannāgatassa bhikkhuno niyassakammaṁ
Paṭippassambhetabbaṁ na upasampādeti .pe.

[81] Aparehipi bhikkhave pañcahaṅgehi samannāgatassa bhikkhuno
niyassakammaṁ paṭippassambhetabbaṁ yāya āpattiyā saṅghena niyassakammaṁ
kataṁ hoti taṁ āpattiṁ nāpajjati aññaṁ vā tādisikaṁ tato
vā pāpiṭṭhataraṁ kammaṁ na garahati kammike na garahati imehi
kho bhikkhave pañcahaṅgehi samannāgatassa bhikkhuno niyassakammaṁ
paṭippassambhetabbaṁ.

[82] Aṭṭhahi bhikkhave aṅgehi samannāgatassa bhikkhuno niyassakammaṁ
paṭippassambhetabbaṁ na pakatattassa bhikkhuno uposathaṁ ṭhapeti na
pavāraṇaṁ ṭhapeti na savacanīyaṁ karoti na anuvādaṁ paṭṭhapeti na
okāsaṁ kāreti na codeti na sāreti na bhikkhū bhikkhūhi
sampayojeti imehi kho bhikkhave aṭṭhahaṅgehi samannāgatassa
bhikkhuno niyassakammaṁ paṭippassambhetabbaṁ.
Paṭippassambhetabbāṭṭhārasakaṁ niṭṭhitaṁ.

[83] Evañca pana bhikkhave paṭippassambhetabbaṁ. Tena bhikkhave
seyyasakena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā
vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ
paggahetvā evamassa vacanīyo ahaṁ bhante saṅghena niyassakammakato
sammā vattāmi lomaṁ pātemi netthāraṁ vattāmi niyassakammassa
paṭippassaddhiṁ yācāmīti. Dutiyampi yācitabbā. Tatiyampi
Yācitabbā. Byattena bhikkhunā paṭibalena saṅgho ñāpetabbo.
Suṇātu me bhante saṅgho ayaṁ seyyasako bhikkhu saṅghena niyassakammakato
sammā vattati lomaṁ pāteti netthāraṁ vattati niyassakammassa
paṭippassaddhiṁ yācati. Yadi saṅghassa pattakallaṁ saṅgho
seyyasakassa bhikkhuno niyassakammaṁ paṭippassambheyya. Esā ñatti.
Suṇātu me bhante saṅgho ayaṁ seyyasako bhikkhu saṅghena
niyassakammakato sammā vattati lomaṁ pāteti netthāraṁ vattati
niyassakammassa paṭippassaddhiṁ yācati. Saṅgho seyyasakassa bhikkhuno
niyassakammaṁ paṭippassambheti. Yassāyasmato khamati seyyasakassa
bhikkhuno niyassakammassa paṭippassaddhi so tuṇhassa yassa
nakkhamati so bhāseyya. Dutiyampi etamatthaṁ vadāmi. Suṇātu me
bhante saṅgho ayaṁ seyyasako bhikkhu saṅghena niyassakammakato sammā
vattati lomaṁ pāteti netthāraṁ vattati niyassakammassa paṭippassaddhiṁ
yācati. Saṅgho seyyasakassa bhikkhuno niyassakammaṁ paṭippassambheti.
Yassāyasmato khamati seyyasakassa bhikkhuno niyassakammassa
paṭippassaddhi so tuṇhassa yassa nakkhamati so bhāseyya.
Tatiyampi etamatthaṁ vadāmi. Suṇātu me bhante saṅgho
ayaṁ seyyasako bhikkhu saṅghena niyassakammakato sammā vattati lomaṁ
pāteti netthāraṁ vattati niyassakammassa paṭippassaddhiṁ yācati.
Saṅgho seyyasakassa bhikkhuno niyassakammaṁ paṭippassambheti.
Yassāyasmato khamati seyyasakassa bhikkhuno niyassakammassa paṭippassaddhi
so tuṇhassa yassa nakkhamati so bhāseyya. Paṭippassaddhaṁ
saṅghena seyyasakassa bhikkhuno niyassakammaṁ khamati saṅghassa tasmā
tuṇhī. Evametaṁ dhārayāmīti.
Niyassakammaṁ dutiyaṁ niṭṭhitaṁ.

[84] Tena kho pana samayena assajipunabbasukā nāma kiṭāgirismiṁ
āvāsikā honti alajjino pāpabhikkhū. Te evarūpaṁ anācāraṁ
ācaranti mālāvacchaṁ ropentipi ropāpentipi siñcantipi
siñcāpentipi ocinantipi ocināpentipi ganthentipi
ganthāpentipi ekatovaṇṭikamālaṁ karontipi kārāpentipi
ubhatovaṇṭikamālaṁ karontipi kārāpentipi mañjarikaṁ karontipi
kārāpentipi vidhutikaṁ 1 karontipi kārāpentipi vaṭaṁsakaṁ karontipi
kārāpentipi āveḷaṁ karontipi kārāpentipi uracchadaṁ karontipi
kārāpentipi te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ
ekatovaṇṭikamālaṁ harantipi harāpentipi ubhatovaṇṭikamālaṁ harantipi
harāpentipi mañjarikaṁ harantipi harāpentipi vidhutikaṁ harantipi
harāpentipi vaṭaṁsakaṁ harantipi harāpentipi āveḷaṁ harantipi
harāpentipi uracchadaṁ harantipi harāpentipi te kulitthīhi kuladhītāhi
kulakumārīhi kulasuṇhāhi kuladāsīhi saddhiṁ ekabhājanepi bhuñjanti
1 Ma. vidhūtikaṁ.
Ekathālakepi pivanti ekāsanepi nisīdanti ekamañcepi tuvaṭṭenti
ekattharaṇāpi tuvaṭṭenti ekapāvuraṇāpi tuvaṭṭenti
ekattharaṇapāvuraṇāpi tuvaṭṭenti vikālepi bhuñjanti majjampi
pivanti mālāgandhavilepanampi dhārenti naccantipi gāyantipi vādentipi
lāsentipi naccantiyāpi naccanti naccantiyāpi gāyanti naccantiyāpi
vādenti naccantiyāpi lāsenti gāyantiyāpi naccanti gāyantiyāpi
gāyanti gāyantiyāpi vādenti gāyantiyāpi lāsenti vādentiyāpi
naccanti vādentiyāpi gāyanti vādentiyāpi vādenti vādentiyāpi
lāsenti lāsentiyāpi naccanti lāsentiyāpi gāyanti
lāsentiyāpi vādenti lāsentiyāpi lāsenti aṭṭhapadepi kīḷanti
dasapadepi kīḷanti ākāsepi kīḷanti parihārapathepi kīḷanti santikāyapi
kīḷanti khalikāyapi kīḷanti ghaṭikāyapi 1 kīḷanti salākahatthenapi
kīḷanti akkhenapi kīḷanti paṅkacirenapi 2 kīḷanti vaṅkakenapi kīḷanti
mokkhacikāyapi kīḷanti ciṅgulakenapi kīḷanti pattāḷhakenapi kīḷanti
rathakenapi kīḷanti dhanukenapi kīḷanti akkharikāyapi kīḷanti manesikāyapi
kīḷanti yathāvajjenapi kīḷanti hatthismimpi sikkhanti assasmimpi
sikkhanti rathasamimpi sikkhanti dhanusmimpi sikkhanti tharusmimpi sikkhanti
hatthissapi purato dhāvanti assassapi purato dhāvanti rathassapi
purato dhāvanti dhāvantipi ādhāvantipi usseḷhentipi 3
1 Yu. ghaṭikenapi. 2 Ma. Yu. paṅgacīrenapi. 3 Ma. usseḷenti.
Apphoṭentipi 1 nibbujjhantipi muṭṭhīhipi yujjhanti raṅgamajjhepi saṅghāṭiṁ
pattharitvā naccantiṁ 2 evaṁ vadenti idha bhagini naccassūti
nalāṭikaṁpi denti vividhaṁpi anācāraṁ ācaranti.

[85] Tena kho pana samayena aññataro bhikkhu kāsīsu vassaṁ
vuttho sāvatthiṁ gacchanto bhagavantaṁ dassanāya yena kiṭāgiri
tadavasari. Athakho so bhikkhu pubbaṇhasamayaṁ nivāsetvā
pattacīvaramādāya kiṭāgiriṁ piṇḍāya pāvisi pāsādikena abhikkantena
paṭikkantena ālokitena vilokitena sammiñjitena pasāritena
okkhittacakkhu iriyāpathasampanno. Manussā taṁ bhikkhuṁ passitvā
evamāhaṁsu kvāyaṁ abalabalo viya mandamando viya bhākuṭikabhākuṭiko
viya ko imassa upagatassa piṇḍakaṁpi dassati amhākaṁ pana ayyā
assajipunabbasukā saṇhā sakhilā sukhasambhāsā mihitapubbaṅgamā
ehisvāgatavādino abbhākuṭikā uttānamukhā pubbabhāsino tesaṁ kho
nāma piṇḍo dātabboti. Addasā kho aññataro upāsako taṁ bhikkhuṁ
kiṭāgirismiṁpi piṇḍāya carantaṁ disvāna yena so bhikkhu tenupasaṅkami
upasaṅkamitvā taṁ bhikkhuṁ abhivādetvā etadavoca api bhante
piṇḍo labbhatīti. Na kho āvuso piṇḍo labbhatīti. Ehi
bhante gharaṁ gamissāmāti. Athakho so upāsako taṁ bhikkhuṁ gharaṁ
netvā bhojetvā etadavoca kahaṁ bhante ayyo gamissatīti.
1 Yu. appoṭhenti. 2 Ma. Yu. naccakiṁ.
Sāvatthiṁ kho ahaṁ āvuso gamissāmi bhagavantaṁ dassanāyāti. Tenahi
bhante mama vacanena bhagavato pāde sirasā vandāhi evañca vadehi
duṭṭho bhante kiṭāgirismiṁ āvāso assajipunabbasukā nāma
kiṭāgirismiṁ āvāsikā alajjino pāpabhikkhū te evarūpaṁ anācāraṁ
ācaranti mālāvacchaṁ ropentipi ropāpentipi siñcantipi
siñcāpentipi ocinantipi ocināpentipi ganthentipi ganthāpentipi
ekatovaṇṭikamālaṁ karontipi kārāpentipi ubhatovaṇṭikamālaṁ
karontipi kārāpentipi mañjarikaṁ karontipi kārāpentipi vidhutikaṁ
karontipi kārāpentipi vaṭaṁsakaṁ karontipi kārāpentipi āveḷaṁ
karontipi kārāpentipi uracchadaṁ karontipi kārāpentipi te
kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ
harantipi harāpentipi ubhatovaṇṭikamālaṁ harantipi harāpentipi
mañjarikaṁ harantipi harāpentipi vidhutikaṁ harantipi harāpentipi
vaṭaṁsakaṁ harantipi harāpentipi āveḷaṁ harantipi harāpentipi
uracchadaṁ harantipi harāpentipi te kulitthīhi kuladhītāhi
kulakumārīhi kulasuṇhāhi kuladāsīhi saddhiṁ ekabhājanepi bhuñjanti
ekathālakepi pivanti ekāsanepi nisīdanti ekamañcepi tuvaṭṭenti
ekattharaṇāpi tuvaṭṭenti ekapāvuraṇāpi tuvaṭṭenti ekattharaṇapāvuraṇāpi
tuvaṭṭenti vikālepi bhuñjanti majjaṁpi pivanti
mālāgandhavilepanaṁpi dhārenti naccantipi gāyantipi vādentipi lāsentipi
Naccantiyāpi naccanti naccantiyāpi gāyanti naccantiyāpi vādenti
naccantiyāpi lāsenti gāyantiyāpi naccanti gāyantiyāpi gāyanti
gāyantiyāpi vādenti gāyantiyāpi lāsenti vādentiyāpi naccanti
vādentiyāpi gāyanti vādentiyāpi vādenti vādentiyāpi lāsenti
lāsentiyāpi naccanti lāsentiyāpi gāyanti lāsentiyāpi vādenti *-
lāsentiyāpi lāsenti aṭṭhapadepi kīḷanti dasapadepi kīḷanti
ākāsepi kīḷanti parihārapathepi kīḷanti santikāyapi kīḷanti khalikāyapi
kīḷanti ghaṭikāyapi kīḷanti salākahatthenapi kīḷanti akkhenapi kīḷanti
paṅkacirenapi kīḷanti vaṅkakenapi kīḷanti mokkhacikāyapi kīḷanti
ciṅgulakenapi kīḷanti pattāḷhakenapi kīḷanti rathakenapi kīḷanti
dhanukenapi kīḷanti akkharikāyapi kīḷanti manesikāyapi kīḷanti
yathāvajjenapi kīḷanti hatthismiṁpi sikkhanti assasmiṁpi sikkhanti rathasmiṁpi
sikkhanti dhanusmiṁpi sikkhanti tharusmiṁpi sikkhanti hatthissapi purato
dhāvanti assassapi purato dhāvanti rathassapi purato dhāvanti
dhāvantipi ādhāvantipi usseḷhentipi apphoṭentipi nibbujjhantipi
muṭṭhīhipi yujjhanti raṅgamajjhepi saṅghāṭiṁ pattharitvā naccantiṁ evaṁ
vadenti idha bhagini naccassūti nalāṭikaṁpi denti vividhaṁpi anācāraṁ
ācaranti yepi te bhante manussā pubbe saddhā ahesuṁ pasannā
tepi etarahi assaddhā appasannā yānipi tāni saṅghassa pubbe
dānapathāni tānipi etarahi upacchinnāni riñcanti pesalā
* mīkārkkhag vādantei peḌna vādenti
Bhikkhū nivasanti pāpabhikkhū sādhu bhante bhagavā kiṭāgiriṁ bhikkhū
pahiṇeyya yathāyaṁ kiṭāgirismiṁ āvāso saṇṭhaheyyāti.
Evamāvusoti kho so bhikkhu tassa upāsakassa paṭissuṇitvā 1
uṭṭhāyāsanā yena sāvatthī tena pakkāmi anupubbena yena sāvatthī [2]-
jetavanaṁ anāthapiṇḍikassa ārāmo yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ nisīdi.

[86] Āciṇṇaṁ kho panetaṁ buddhānaṁ bhagavantānaṁ āgantukehi
bhikkhūhi saddhiṁ paṭisammodituṁ. Athakho bhagavā taṁ bhikkhuṁ etadavoca
kacci bhikkhu khamanīyaṁ kacci yāpanīyaṁ kacci appakilamathena addhānaṁ
āgato kuto ca tvaṁ bhikkhu āgacchasīti. Khamanīyaṁ bhagavā
yāpanīyaṁ bhagavā appakilamathena cāhaṁ bhante addhānaṁ āgato
idhāhaṁ bhante kāsīsu vassaṁ vuttho sāvatthiṁ āgacchanto bhagavantaṁ
dassanāya yena kiṭāgiri tadavasariṁ athakhvāhaṁ bhante pubbaṇhasamayaṁ
nivāsetvā pattacīvaramādāya kiṭāgiriṁ piṇḍāya pāvisiṁ addasā
kho maṁ bhante aññataro upāsako kiṭāgirismiṁ piṇḍāya carantaṁ
disvāna yenāhaṁ tenupasaṅkami upasaṅkamitvā maṁ abhivādetvā
etadavoca api bhante piṇḍo labbhatīti na kho āvuso
piṇḍo labbhatīti ehi bhante gharaṁ gamissāmāti athakho bhante
so upāsako maṁ gharaṁ netvā bhojetvā etadavoca kahaṁ bhante
ayyo gamissatīti sāvatthiṁ kho ahaṁ āvuso gamissāmi bhagavantaṁ
1 Yu. paṭissutvā. 2 Ma. yena.
Dassanāyāti tenahi bhante mama vacanena bhagavato pāde sirasā
vandāhi evañca vadehi duṭṭho bhante kiṭāgirismiṁ āvāso
assajipunabbasukā nāma kiṭāgirismiṁ āvāsikā alajjino pāpabhikkhū
te evarūpaṁ anācāraṁ ācaranti mālāvacchaṁ ropentipi ropāpentipi .pe.
Vividhaṁpi anācāraṁ ācaranti yepi te bhante manussā pubbe
saddhā ahesuṁ pasannā tepi etarahi assaddhā appasannā
yānipi tāni saṅghassa pubbe dānapathāni tānipi etarahi upacchinnāni
riñcanti pesalā bhikkhū nivasanti pāpabhikkhū sādhu bhante
bhagavā kiṭāgiriṁ bhikkhū pahiṇeyya yathāyaṁ kiṭāgirismiṁ āvāso
saṇṭhaheyyāti tato ahaṁ bhagavā āgacchāmīti.

[87] Athakho bhagavā etasmiṁ nidāne etasmiṁ pakaraṇe bhikkhusaṅghaṁ
sannipātāpetvā bhikkhū paṭipucchi saccaṁ kira bhikkhave
assajipunabbasukā nāma kiṭāgirismiṁ āvāsikā alajjino pāpabhikkhū
te evarūpaṁ anācāraṁ ācaranti mālāvacchaṁ ropentipi
ropāpentipi .pe. Vividhaṁpi anācāraṁ ācaranti yepi te manussā
pubbe saddhā ahesuṁ pasannā tepi etarahi assaddhā appasannā
yānipi tāni saṅghassa pubbe dānapathāni tānipi etarahi
upacchinnāni riñcanti pesalā bhikkhū nivasanti pāpabhikkhūti.
Saccaṁ bhagavāti 1 . Vigarahi buddho bhagavā ananucchavikaṁ bhikkhave tesaṁ
moghapurisānaṁ .pe. 2 Kathaṁ hi nāma te bhikkhave moghapurisā evarūpaṁ
1 Yu. itisaddo na dissati. 2 Po. Yu. ananucchavikaṁ .pe. akaraṇīyanti ime
pāṭhā natthi.
Anācāraṁ ācarissanti mālāvacchaṁ ropessantipi ropāpessantipi
siñcissantipi siñcāpessantipi ocinissantipi ocināpessantipi
ganthissantipi ganthāpessantipi ekatovaṇṭikamālaṁ karissantipi
kārāpessantipi ubhatovaṇṭikamālaṁ karissantipi kārāpessantipi
mañjarikaṁ karissantipi kārāpessantipi vidhutikaṁ karissantipi
kārāpessantipi vaṭaṁsakaṁ karissantipi kārāpessantipi āveḷaṁ 1
karissantipi kārāpessantipi uracchadaṁ karissantipi kārāpessantipi
te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ
ekatovaṇṭikamālaṁ harissantipi harāpessantipi ubhatovaṇṭikamālaṁ
harissantipi harāpessantipi mañjarikaṁ harissantipi harāpessantipi
vidhutikaṁ harissantipi harāpessantipi vaṭaṁsakaṁ harissantipi harāpessantipi
āveḷaṁ 1 harissantipi harāpessantipi uracchadaṁ harissantipi
harāpessantipi te kulitthīhi kuladhītāhi kulakumārīhi kulasuṇhāhi
kuladāsīhi saddhiṁ ekabhājanepi bhuñjissanti ekathālakepi pivissanti
ekāsanepi nisīdissanti ekamañcepi tuvaṭṭessanti ekattharaṇāpi
tuvaṭṭessanti ekapāvuraṇāpi 2 tuvaṭṭessanti ekattharaṇapāvuraṇāpi 2
tuvaṭṭessanti vikālepi bhuñjissanti majjaṁpi pivissanti mālāgandhavilepanaṁpi
dhāressanti naccissantipi gāyissantipi vādessantipi
lāsessantipi naccantiyāpi naccissanti naccantiyāpi gāyissanti
naccantiyāpi vādessanti naccantiyāpi lāsessanti gāyantiyāpi
1 Po. āvelikaṁ. 2 Po. ...pāpuraṇepi.
Naccissanti gāyantiyāpi gāyissanti gāyantiyāpi vādessanti gāyantiyāpi
lāsessanti vādentiyāpi naccissanti vādentiyāpi gāyissanti
vādentiyāpi vādessanti vādentiyāpi lāsessanti lāsentiyāpi
naccissanti lāsentiyāpi gāyissanti lāsentiyāpi vādessanti
lāsentiyāpi lāsessanti aṭṭhapadepi kīḷissanti dasapadepi kīḷissanti
ākāsepi kīḷissanti parihārapathepi kīḷissanti santikāyapi kīḷissanti
khalikāyapi kīḷissanti ghaṭikāyapi kīḷissanti salākahatthenapi kīḷissanti
akkhenapi kīḷissanti paṅkacirenapi kīḷissanti vaṅkakenapi kīḷissanti
mokkhacikāyapi kīḷissanti ciṅgulakenapi kīḷissanti pattāḷhakenapi
kīḷissanti rathakenapi kīḷissanti dhanukenapi kīḷissanti akkharikāyapi
kīḷissanti manesikāyapi kīḷissanti yathāvajjenapi kīḷissanti hatthismimpi
sikkhissanti assasmimpi sikkhissanti rathasmimpi sikkhissanti
dhanusmimpi sikkhissanti tharusmimpi sikkhissanti hatthissapi purato
dhāvissanti assassapi purato dhāvissanti rathassapi purato dhāvissanti
dhāvissantipi ādhāvissantipi 1 usseḷhessantipi 2 apphoṭessantipi 3
nibbujjhissantipi muṭṭhīhipi yujjhissanti raṅgamajjhepi saṅghāṭiṁ
pattharitvā naccantiṁ evaṁ vakkhanti 4 idha bhagini naccassūti nalāṭikaṁpi
dassanti 5 vividhaṁpi anācāraṁ ācarissanti yepi 6 te manussā pubbe
saddhā ahesuṁ pasannā tepi etarahi assaddhā appasannā
1 Po. dhāvissanti ādhāvissantipi vidhāvissantipi. Ma. dhāvissantipi
ādhāvissantipi. 2 Po. Ma. usselessantipi. 3 Yu. usseḷhissantipi
appoṭhissantipi. 4 Po. naccissanti evaṁ vadessanti. 5 Po. dassissanti.
6 Ma. Yu. yepi te ... pāpabhikkhūti ime pāṭhā natthi.
Yānipi tāni saṅghassa pubbe dānapathāni tānipi etarahi
upacchinnāni riñcanti pesalā bhikkhū nivasanti pāpabhikkhū
netaṁ bhikkhave appasannānaṁ vā pasādāya .pe. Vigarahitvā dhammiṁ
kathaṁ katvā sārīputtamoggallāne āmantesi gacchatha tumhe
sārīputtā kiṭāgiriṁ gantvā assajipunabbasukānaṁ bhikkhūnaṁ kiṭāgirismā
pabbājanīyakammaṁ karotha tumhākaṁ ete saddhivihārinoti. Kathaṁ mayaṁ
bhante assajipunabbasukānaṁ bhikkhūnaṁ kiṭāgirismā pabbājanīyakammaṁ
karoma caṇḍā ca 1 te bhikkhū pharusāti. Tenahi tumhe
sārīputtā bahukehi bhikkhūhi saddhiṁ gacchathāti. Evaṁ bhanteti kho
sārīputtamoggallānā bhagavato paccassosuṁ.

[88] Evañca pana bhikkhave kātabbaṁ. Paṭhamaṁ assajipunabbasukā
bhikkhū codetabbā codetvā sāretabbā sāretvā āpatti
āropetabbā āpattiṁ āropetvā byattena bhikkhunā paṭibalena
saṅgho ñāpetabbo suṇātu me bhante saṅgho ime
assajipunabbasukā bhikkhū kuladūsakā pāpasamācārā imesaṁ pāpakā
samācārā dissanti ceva suyyanti ca kulāni ca imehi duṭṭhāni
dissanti ceva suyyanti ca. Yadi saṅghassa pattakallaṁ saṅgho
assajipunabbasukānaṁ bhikkhūnaṁ kiṭāgirismā pabbājanīyakammaṁ kareyya
nāssajipunabbasukehi bhikkhūhi kiṭāgirismiṁ vatthabbanti. Esā ñatti.
1 Ma. Yu. casaddo na vijjati.
Suṇātu me bhante saṅgho ime assajipunabbasukā bhikkhū kuladūsakā
pāpasamācārā imesaṁ pāpakā samācārā dissanti ceva suyyanti
ca kulāni ca imehi duṭṭhāni dissanti ceva suyyanti ca. Saṅgho
assajipunabbasukānaṁ bhikkhūnaṁ kiṭāgirismā pabbājanīyakammaṁ karoti
nāssajipunabbasukehi bhikkhūhi kiṭāgirismiṁ vatthabbanti. Yassāyasmato
khamati assajipunabbasukānaṁ bhikkhūnaṁ kiṭāgirismā pabbājanīyakammassa
karaṇaṁ nāssajipunabbasukehi bhikkhūhi kiṭāgirismiṁ vatthabbanti so
tuṇhassa yassa nakkhamati so bhāseyya. Dutiyampi etamatthaṁ
vadāmi. Suṇātu me bhante saṅgho ime assajipunabbasukā
bhikkhū kuladūsakā pāpasamācārā imesaṁ pāpakā samācārā dissanti
ceva suyyanti ca kulāni ca imehi duṭṭhāni dissanti ceva
suyyanti ca. Saṅgho assajipunabbasukānaṁ bhikkhūnaṁ kiṭāgirismā
pabbājanīyakammaṁ karoti nāssajipunabbasukehi bhikkhūhi kiṭāgirismiṁ
vatthabbanti. Yassāyasmato khamati assajipunabbasukānaṁ bhikkhūnaṁ
kiṭāgirismā pabbājanīyakammassa karaṇaṁ nāssajipunabbasukehi bhikkhūhi
kiṭāgirismiṁ vatthabbanti so tuṇhassa yassa nakkhamati so
bhāseyya. Tatiyampi etamatthaṁ vadāmi. Suṇātu me bhante
saṅgho ime assajipunabbasukā bhikkhū kuladūsakā pāpasamācārā
imesaṁ pāpakā samācārā dissanti ceva suyyanti ca kulāni ca
imehi duṭṭhāni dissanti ceva suyyanti ca. Saṅgho
Assajipunabbasukānaṁ bhikkhūnaṁ kiṭāgirismā pabbājanīyakammaṁ karoti
nāssajipunabbasukehi bhikkhūhi kiṭāgirismiṁ vatthabbanti. Yassāyasmato
khamati assajipunabbasukānaṁ bhikkhūnaṁ kiṭāgirismā pabbājanīyakammassa
karaṇaṁ nāssajipunabbasukehi bhikkhūhi kiṭāgirismiṁ vatthabbanti so
tuṇhassa yassa nakkhamati so bhāseyya. Kataṁ saṅghena
assajipunabbasukānaṁ bhikkhūnaṁ kiṭāgirismā pabbājanīyakammaṁ
nāssajipunabbasukehi bhikkhūhi kiṭāgirismiṁ vatthabbanti khamati saṅghassa
tasmā tuṇhī. Evametaṁ dhārayāmīti.

[89] Tīhi bhikkhave aṅgehi samannāgataṁ pabbājanīyakammaṁ
adhammakammañceva hoti avinayakammañca duvūpasantañca asammukhā
kataṁ hoti appaṭipucchā kataṁ hoti appaṭiññāya kataṁ hoti
imehi kho bhikkhave tīhaṅgehi samannāgataṁ pabbājanīyakammaṁ
adhammakammañceva hoti avinayakammañca duvūpasantañca.