[557] Nanu arahā vītarāgo vītadoso .pe. Sacchikātabbaṁ
sacchikatanti. Āmantā. Hañci arahā vītarāgo vītadoso .pe.
Sacchikātabbaṁ sacchikataṁ no vata re vattabbe atthi arahato paravitāraṇāti.

[558] Atthi arahato paravitāraṇāti. Sadhammakusalassa arahato
atthi paravitāraṇā paradhammakusalassa arahato natthi paravitāraṇāti.
Sadhammakusalassa arahato atthi paravitāraṇāti. Āmantā. Paradhammakusalassa
arahato atthi paravitāraṇāti. Na hevaṁ vattabbe .pe.

[559] Paradhammakusalassa arahato natthi paravitāraṇāti.
Āmantā. Sadhammakusalassa arahato natthi paravitāraṇāti.
Hevaṁ vattabbe .pe.

[560] Sadhammakusalassa arahato rāgo pahīno atthi tassa
paravitāraṇāti. Āmantā. Paradhammakusalassa arahato rāgo pahīno
atthi tassa paravitāraṇāti. Na hevaṁ vattabbe .pe.

[561] Sadhammakusalassa arahato doso pahīno .pe. Moho
pahīno .pe. Anottappaṁ pahīnaṁ .pe.

[562] Sadhammakusalassa rāgappahānāya maggo bhāvito .pe.
Bojjhaṅgā bhāvitā .pe. Dosappahānāya .pe. Anottappappahānāya
maggo bhāvito .pe. Bojjhaṅgā bhāvitā .pe.

[563] Sadhammakusalo arahā vītarāgo vītadoso .pe. Sacchikātabbaṁ
sacchikataṁ atthi tassa paravitāraṇāti. Āmantā. Paradhammakusalo
arahā vītarāgo vītadoso vītamoho .pe. Sacchikātabbaṁ sacchikataṁ
atthi tassa paravitāraṇāti. Na hevaṁ vattabbe .pe.

[564] Paradhammakusalassa arahato rāgo pahīno natthi tassa
paravitāraṇāti. Āmantā. Sadhammakusalassa arahato rāgo pahīno
natthi tassa paravitāraṇāti. Na hevaṁ vattabbe .pe. Paradhammakusalassa
arahato doso pahīno .pe. Moho pahīno .pe. Anottappaṁ
pahīnaṁ .pe.

[565] Paradhammakusalassa rāgappahānāya maggo bhāvito .pe.
Bojjhaṅgā bhāvitā .pe. Dosappahānānāya .pe. Anottappappahānāya
Maggo bhāvito .pe. Bojjhaṅgā bhāvitā .pe.

[566] Paradhammakusalo arahā vītarāgo vītadoso vītamoho .pe.
Sacchikātabbaṁ sacchikataṁ natthi tassa paravitāraṇāti. Āmantā.
Sadhammakusalo arahā vītarāgo vītadoso .pe. Sacchikātabbaṁ sacchikataṁ
natthi tassa paravitāraṇāti. Na hevaṁ vattabbe .pe.