[277] Anāgāmī puggalo katakaraṇīyo bhāvitabhāvano
apariññātadukkho appahīnakileso asacchikatanirodho appaṭividdhākuppo tattha
upapajjatīti. Āmantā. Akuppapaṭivedhāya puna maggaṁ bhāvetīti. Na
hevaṁ vattabbe .pe.

[278] Anāgāmī puggalo katakaraṇīyo bhāvitabhāvano anohaṭabhāro
tattha upapajjati na ca bhāroharaṇāya puna maggaṁ bhāvetīti.
Āmantā. Anohaṭabhāro ca tattha parinibbāyatīti. Na
hevaṁ vattabbe. Anāgāmī puggalo katakaraṇīyo bhāvitabhāvano
apariññātadukkho appahīnakileso asacchikatanirodho appaṭividdhākuppo
tattha upapajjati na ca akuppapaṭivedhāya puna maggaṁ
Bhāvetīti. Āmantā. Appaṭividdhākuppo ca tattha parinibbāyatīti.
Na hevaṁ vattabbe .pe. Yathā migo sallena viddho dūrampi
gantvā kālaṁ karoti evameva anāgāmī puggalo idha bhāvitena
maggena tattha phalaṁ sacchikarotīti. Yathā migo sallena viddho
dūrampi gantvā sasallova kālaṁ karoti evameva anāgāmī puggalo
idha bhāvitena maggena tattha sasallova parinibbāyatīti. Na hevaṁ
vattabbe .pe.
Brahmacariyakathā.
------
Odhisokathā

[279] Odhisodhiso kilese jahatīti. Āmantā. Sotāpattiphala-
sacchikiriyāya paṭipanno puggalo dukkhadassanena kiṁ jahatīti. Sakkāyadiṭṭhiṁ
vicikicchaṁ sīlabbataparāmāsaṁ tadekaṭṭhe ca kilese ekadese jahatīti.
Ekadesaṁ sotāpanno ekadesaṁ na sotāpanno ekadesaṁ
sotāpattiphalappatto paṭiladdho adhigato sacchikato upasampajja viharati
kāyena phusitvā viharati ekadesaṁ na kāyena phusitvā viharati ekadesaṁ
sattakkhattuṁparamo kolaṁkolo ekavījī buddhe aveccappasādena
samannāgato dhamme .pe. Saṅghe .pe. Ariyakantehi sīlehi
samannāgato ekadesaṁ ariyakantehi sīlehi na samannāgatoti. Na
Hevaṁ vattabbe .pe. Samudayadassanena kiṁ jahatīti. Sakkāyadiṭṭhiṁ
jahati vicikicchaṁ sīlabbataparāmāsaṁ tadekaṭṭhe ca kilese ekadese
jahatīti. Ekadesaṁ sotāpanno ekadesaṁ na sotāpanno .pe.
Ekadesaṁ ariyakantehi sīlehi samannāgato ekadesaṁ ariyakantehi
sīlehi na samannāgatoti. Na hevaṁ vattabbe .pe. Nirodhadassanena
kiṁ jahatīti. Vicikicchaṁ jahati sīlabbataparāmāsaṁ tadekaṭṭhe ca kilese
ekadese jahatīti. Ekadesaṁ sotāpanno ekadesaṁ na sotāpanno
.pe. Ekadesaṁ ariyakantehi sīlehi samannāgato ekadesaṁ ariyakantehi
sīlehi na samannāgatoti. Na hevaṁ vattabbe .pe. Maggadassanena
kiṁ jahatīti. Sīlabbataparāmāsaṁ tadekaṭṭhe ca kilese jahatīti.
Ekadesaṁ sotāpanno ekadesaṁ na sotāpanno ekadesaṁ
sotāpattiphalappatto paṭiladdho adhigato sacchikato upasampajja viharati
kāyena phusitvā viharati ekadesaṁ na kāyena phusitvā viharati ekadesaṁ
sattakkhattuṁparamo kolaṁkolo ekavījī buddhe aveccappasādena
samannāgato dhamme .pe. Saṅghe .pe. Ariyakantehi sīlehi
samannāgato ekadesaṁ ariyakantehi sīlehi na samannāgatoti. Na
hevaṁ vattabbe .pe.

[280] Sakadāgāmiphalasacchikiriyāya paṭipanno puggalo dukkhadassanena
kiṁ jahatīti. Oḷārikaṁ kāmarāgaṁ jahati oḷārikaṁ byāpādaṁ tadekaṭṭhe ca
kilese ekadese jahatīti. Ekadesaṁ sakadāgāmī ekadesaṁ na sakadāgāmī
Ekadesaṁ sakadāgāmiphalappatto paṭiladdho adhigato sacchikato upasampajja
viharati kāyena phusitvā viharati ekadesaṁ na kāyena phusitvā
viharatīti. Na hevaṁ vattabbe .pe. Samudayadassanena kiṁ jahatīti.
Oḷārikaṁ kāmarāgaṁ jahati oḷārikaṁ byāpādaṁ tadekaṭṭhe ca kilese
ekadese jahatīti. Ekadesaṁ sakadāgāmī ekadesaṁ na sakadāgāmī
ekadesaṁ sakadāgāmiphalappatto paṭiladdho adhigato sacchikato upasampajja
viharati kāyena phusitvā viharati ekadesaṁ na kāyena phusitvā
viharatīti. Na hevaṁ vattabbe .pe. Nirodhadassanena kiṁ jahatīti.
Oḷārikaṁ byāpādaṁ jahati tadekaṭṭhe ca kilese ekadese jahatīti.
Ekadesaṁ sakadāgāmī ekadesaṁ na sakadāgāmī ekadesaṁ sakadāgāmiphalappatto
paṭiladdho adhigato sacchikato upasampajja viharati kāyena
phusitvā viharati ekadesaṁ na kāyena phusitvā viharatīti. Na hevaṁ
vattabbe .pe. Maggadassanena kiṁ jahatīti. Oḷārikaṁ byāpādaṁ
jahati tadekaṭṭhe ca kilese jahatīti. Ekadesaṁ sakadāgāmī ekadesaṁ
na sakadāgāmī ekadesaṁ sakadāgāmiphalappatto paṭiladdho adhigato
sacchikato upasampajja viharati kāyena phusitvā viharati ekadesaṁ
na kāyena phusitvā viharatīti. Na hevaṁ vattabbe .pe.

[281] Anāgāmiphalasacchikiriyāya paṭipanno puggalo dukkhadassanena
kiṁ jahatīti. Aṇusahagataṁ kāmarāgaṁ jahati aṇusahagataṁ byāpādaṁ tadekaṭṭhe
ca kilese ekadese jahatīti. Ekadesaṁ anāgāmī ekadesaṁ na
Anāgāmī ekadesaṁ anāgāmiphalappatto paṭiladdho adhigato sacchikato
upasampajja viharati kāyena phusitvā viharati ekadesaṁ na kāyena
phusitvā viharati ekadesaṁ antarā parinibbāyī upahacca parinibbāyī
asaṅkhāraparinibbāyī sasaṅkhāraparinibbāyī uddhaṁsoto akaniṭṭhagāmī
ekadesaṁ na uddhaṁsoto akaniṭṭhagāmīti. Na hevaṁ vattabbe .pe.
Samudayadassanena kiṁ jahatīti. Aṇusahagataṁ kāmarāgaṁ jahati aṇusahagataṁ
byāpādaṁ tadekaṭṭhe ca kilese ekadese jahatīti. Ekadesaṁ anāgāmī
ekadesaṁ na anāgāmī .pe. Ekadesaṁ uddhaṁsoto akaniṭṭhagāmī
ekadesaṁ na uddhaṁsoto akaniṭṭhagāmīti. Na hevaṁ vattabbe .pe.
Nirodhadassanena kiṁ jahatīti. Aṇusahagataṁ byāpādaṁ jahati tadekaṭṭhe
ca kilese ekadese jahatīti. Ekadesaṁ anāgāmī ekadesaṁ na
anāgāmī .pe. Ekadesaṁ uddhaṁsoto akaniṭṭhagāmī ekadesaṁ na
uddhaṁsoto akaniṭṭhagāmīti na hevaṁ vattabbe .pe. Maggadassanena
kiṁ jahatīti. Tadekaṭṭhe ca kilese jahatīti. Ekadesaṁ anāgāmī
ekadesaṁ na anāgāmī ekadesaṁ anāgāmiphalappatto paṭiladdho
adhigato sacchikato upasampajja viharati kāyena phusitvā viharati
ekadesaṁ na kāyena phusitvā viharati ekadesaṁ antarāparinibbāyī
upahacca parinibbāyī asaṅkhāraparinibbāyī sasaṅkhāraparinibbāyī uddhaṁsoto
akaniṭṭhagāmī ekadesaṁ na uddhaṁsoto akaniṭṭhagāmīti. Na hevaṁ
vattabbe .pe.

[282] Arahattasacchikiriyāya paṭipanno puggalo dukkhadassanena kiṁ
jahatīti. Rūparāgaṁ arūparāgaṁ mānaṁ uddhaccaṁ avijjaṁ tadekaṭṭhe ca
kilese ekadese jahatīti. Ekadesaṁ arahā ekadesaṁ na arahā
ekadesaṁ arahattappatto paṭiladdho adhigato sacchikato upasampajja
viharati kāyena phusitvā viharati ekadesaṁ na kāyena phusitvā
viharati ekadesaṁ vītarāgo vītadoso vītamoho katakaraṇīyo ohitabhāro
anuppattasadattho parikkhīṇabhavasaññojano sammadaññā vimutto
ukkhittapaligho saṅkiṇṇaparikho abbuḷhesiko niraggaḷo ariyo pannaddhajo
dhajo pannabhāro visaññutto suvijitavijayo dukkhantassa pariññātaṁ
samudayo pahīno nirodho sacchikato maggo bhāvito abhiññeyyaṁ
abhiññātaṁ pariññeyyaṁ pariññātaṁ pahātabbaṁ pahīnaṁ bhāvetabbaṁ
bhāvitaṁ sacchikātabbaṁ sacchikataṁ ekadesaṁ sacchikātabbaṁ sacchikataṁ
ekadesaṁ sacchikātabbaṁ na sacchikatanti. Na hevaṁ vattabbe .pe.
Samudayadassanena kiṁ jahatīti. Rūparāgaṁ arūparāgaṁ jahati mānaṁ uddhaccaṁ
avijjaṁ tadekaṭṭhe ca kilese ekadese jahatīti. Ekadesaṁ arahā
ekadesaṁ na arahā .pe. Ekadesaṁ sacchikātabbaṁ sacchikataṁ ekadesaṁ
sacchikātabbaṁ na sacchikatanti. Na hevaṁ vattabbe .pe. Nirodhadassanena
kiṁ jahatīti. Mānaṁ jahati uddhaccaṁ avijjaṁ tadekaṭṭhe ca kilese ekadese
jahatīti. Ekadesaṁ arahā ekadesaṁ na arahā .pe. Ekadesaṁ
sacchikātabbaṁ sacchikataṁ ekadesaṁ sacchikātabbaṁ na sacchikatanti.
Na hevaṁ vattabbe .pe. Maggadassanena kiṁ jahatīti. Uddhaccaṁ
avijjaṁ tadekaṭṭhe ca kilese jahatīti. Ekadesaṁ arahā ekadesaṁ na
arahā ekadesaṁ arahattappatto paṭiladdho adhigato sacchikato
upasampajja viharati kāyena phusitvā viharati ekadesaṁ na kāyena
phusitvā viharati ekadesaṁ vītarāgo vītadoso vītamoho katakaraṇīyo
ohitabhāro anuppattasadattho parikkhīṇabhavasaññojano sammadaññā
vimutto ukkhittapaligho saṅkiṇṇaparikho abbuḷhesiko niraggaḷo
ariyo pannaddhajo pannabhāro visaññutto suvijitavijayo dukkhaṁ tassa
pariññātaṁ samudayo pahīno nirodho sacchikato maggo bhāvito
abhiññeyyaṁ abhiññātaṁ pariññeyyaṁ pariññātaṁ pahātabbaṁ pahīnaṁ
bhāvetabbaṁ bhāvitaṁ sacchikātabbaṁ sacchikataṁ ekadesaṁ sacchikātabbaṁ
sacchikataṁ ekadesaṁ sacchikātabbaṁ na sacchikatanti. Na hevaṁ
vattabbe .pe.

[283] Na vattabbaṁ odhisodhiso kilese jahatīti. Āmantā.
Nanu vuttaṁ bhagavatā
anupubbena medhāvī thokaṁ thokaṁ khaṇe khaṇe
kammāro rajatasseva niddhame malamattanoti 1
attheva suttantoti. Āmantā. Tena hi na vattabbaṁ odhisodhiso
kilese jahatīti.
1 khu. khu. 39.

[284] Odhisodhiso kilese jahatīti. Āmantā. Nanu
vuttaṁ bhagavatā
sahāvassa dassanasampadāya
tayassu dhammā jahitā bhavanti
sakkāyadiṭṭhi vicikicchitañca
sīlabbataṁ vāpi yadatthi kiñci
catūhapāyehi ca vippamutto
chacābhiṭhānāni abhabbo kātunti 1
attheva suttantoti. Āmantā. Tena hi na vattabbaṁ odhisodhiso
kilese jahatīti.

[285] Odhisodhiso kilese jahatīti. Āmantā. Nanu
vuttaṁ bhagavatā yasmiṁ bhikkhave samaye ariyasāvakassa virajaṁ vītamalaṁ
dhammacakkhuṁ udapādi yaṅkiñci samudayadhammaṁ sabbantaṁ nirodhadhammanti
saha dassanuppādā bhikkhave ariyasāvakassa tīṇi saññojanāni pahīyanti
sakkāyadiṭṭhi vicikicchā sīlabbataparāmāsoti attheva suttantoti.
Āmantā. Tena hi na vattabbaṁ odhisodhiso kilese jahatīti.
Odhisokathā.
1 khu. khu. 6.
Jahatikathā

[286] Jahati puthujjano kāmarāgabyāpādanti. Āmantā.
Accantaṁ jahati anavasesaṁ jahati appaṭisandhiyaṁ jahati samūlaṁ
jahati sataṇhaṁ jahati sānusayaṁ jahati ariyena ñāṇena jahati
ariyena maggena jahati akuppaṁ paṭivijjhanto jahati anāgāmiphalaṁ
sacchikaronto jahatīti. Na hevaṁ vattabbe .pe.