[32] Pañcakkhandhā rūpakkhandho vedanākkhandho saññākkhandho
saṅkhārakkhandho viññāṇakkhandho.
Tattha katamo rūpakkhandho

[33] Ekavidhena rūpakkhandho sabbaṁ rūpaṁ na hetu ahetukaṁ hetuvippayuttaṁ
sappaccayaṁ saṅkhataṁ rūpaṁ lokiyaṁ sāsavaṁ saññojaniyaṁ ganthaniyaṁ oghaniyaṁ
yoganiyaṁ nīvaraṇiyaṁ parāmaṭṭhaṁ upādāniyaṁ saṅkilesikaṁ abyākataṁ anārammaṇaṁ
acetasikaṁ cittavippayuttaṁ nevavipāka navipākadhammadhammaṁ asaṅkiliṭṭhasaṅkilesikaṁ
nasavitakkasavicāraṁ nāvitakkavicāramattaṁ avitakkāvicāraṁ
napītisahagataṁ nasukhasahagataṁ naupekkhāsahagataṁ nevadassanenanabhāvanāyapahātabbaṁ
nevadassanenanabhāvanāyapahātabbahetukaṁ nevācayagāmināpacayagāmi
nevasekkhanāsekkhaṁ parittaṁ kāmāvacaraṁ narūpāvacaraṁ nārūpāvacaraṁ
pariyāpannaṁ noapariyāpannaṁ aniyataṁ aniyyānikaṁ uppannaṁ chahi
Viññāṇehi viññeyyaṁ aniccaṁ jarābhibhūtaṁ evaṁ ekavidhena rūpakkhandho.

[34] Duvidhena rūpakkhandho atthi rūpaṁ upādā atthi rūpaṁ
no upādā. Atthi rūpaṁ upādinnaṁ atthi rūpaṁ anupādinnaṁ.
Atthi rūpaṁ upādinnupādāniyaṁ atthi rūpaṁ anupādinnupādāniyaṁ.
Atthi rūpaṁ sanidassanaṁ atthi rūpaṁ anidassanaṁ. Atthi rūpaṁ sappaṭighaṁ
atthi rūpaṁ appaṭighaṁ. Atthi rūpaṁ indriyaṁ atthi rūpaṁ na indriyaṁ.
Atthi rūpaṁ mahābhūtaṁ atthi rūpaṁ na mahābhūtaṁ. Atthi rūpaṁ viññatti
atthi rūpaṁ na viññatti. Atthi rūpaṁ cittasamuṭṭhānaṁ atthi rūpaṁ
na cittasamuṭṭhānaṁ. Atthi rūpaṁ cittasahabhū atthi rūpaṁ na cittasahabhū.
Atthi rūpaṁ cittānuparivatti atthi rūpaṁ na cittānuparivatti. Atthi
rūpaṁ ajjhattikaṁ atthi rūpaṁ bāhiraṁ. Atthi rūpaṁ oḷārikaṁ atthi
rūpaṁ sukhumaṁ. Atthi rūpaṁ dūre atthi rūpaṁ santike .pe. Atthi rūpaṁ
kabaḷiṅkāro āhāro atthi rūpaṁ na kabaḷiṅkāro āhāro. Evaṁ
duvidhena rūpakkhandho.

[35] Tividhena rūpakkhandho yantaṁ rūpaṁ ajjhattikaṁ taṁ upādā
yantaṁ rūpaṁ bāhiraṁ taṁ atthi upādā atthi anupādā. Yantaṁ rūpaṁ
ajjhattikaṁ taṁ upādinnaṁ yantaṁ rūpaṁ bāhiraṁ taṁ atthi upādinnaṁ atthi
anupādinnaṁ. Yantaṁ rūpaṁ ajjhattikaṁ taṁ upādinnupādāniyaṁ yantaṁ rūpaṁ
bāhiraṁ taṁ atthi upādinnupādāniyaṁ atthi anupādinnupādāniyaṁ .pe.
Yantaṁ rūpaṁ ajjhattikaṁ taṁ na kabaḷiṅkāro āhāro yantaṁ rūpaṁ bāhiraṁ
Taṁ atthi kabaḷiṅkāro āhāro atthi na kabaḷiṅkāro āhāro evaṁ
tividhena rūpakkhandho.

[36] Catubbidhena rūpakkhandho yantaṁ rūpaṁ upādā taṁ atthi
upādinnaṁ atthi anupādinnaṁ yantaṁ rūpaṁ anupādā taṁ atthi upādinnaṁ
atthi anupādinnaṁ. Yantaṁ rūpaṁ upādā taṁ atthi upādinnupādāniyaṁ
atthi anupādinnupādāniyaṁ yantaṁ rūpaṁ anupādā taṁ atthi upādinnupādāniyaṁ
atthi anupādinnupādāniyaṁ. Yantaṁ rūpaṁ upādā
taṁ atthi sappaṭighaṁ atthi appaṭighaṁ yantaṁ rūpaṁ anupādā taṁ atthi
sappaṭighaṁ atthi appaṭighaṁ. Yantaṁ rūpaṁ upādā taṁ atthi oḷārikaṁ
atthi sukhumaṁ yantaṁ rūpaṁ anupādā taṁ atthi oḷārikaṁ atthi sukhumaṁ.
Yantaṁ rūpaṁ upādā taṁ atthi dūre atthi santike yantaṁ rūpaṁ anupādā
taṁ atthi dūre atthi santike .pe. Diṭṭhaṁ sutaṁ mutaṁ viññātaṁ
evaṁ catubbidhena rūpakkhandho.

[37] Pañcavidhena rūpakkhandho paṭhavīdhātu āpodhātu tejodhātu
vāyodhātu yañca rūpaṁ upādā evaṁ pañcavidhena rūpakkhandho.

[38] Chabbidhena rūpakkhandho cakkhuviññeyyaṁ rūpaṁ sotaviññeyyaṁ
rūpaṁ ghānaviññeyyaṁ rūpaṁ jivhāviññeyyaṁ rūpaṁ kāyaviññeyyaṁ
rūpaṁ manoviññeyyaṁ rūpaṁ evaṁ chabbidhena rūpakkhandho.

[39] Sattavidhena rūpakkhandho cakkhuviññeyyaṁ rūpaṁ .pe.
Manodhātuviññeyyaṁ rūpaṁ manoviññāṇadhātuviññeyyaṁ rūpaṁ evaṁ sattavidhena
Rūpakkhandho.

[40] Aṭṭhavidhena rūpakkhandho cakkhuviññeyyaṁ rūpaṁ .pe. Kāyaviññeyyaṁ
rūpaṁ atthi sukhasamphassaṁ atthi dukkhasamphassaṁ manodhātuviññeyyaṁ
rūpaṁ manoviññāṇadhātuviññeyyaṁ rūpaṁ evaṁ aṭṭhavidhena
rūpakkhandho.

[41] Navavidhena rūpakkhandho cakkhundriyaṁ sotindriyaṁ ghānindriyaṁ
jivhindriyaṁ kāyindriyaṁ itthindriyaṁ purisindriyaṁ jīvitindriyaṁ yañca
rūpaṁ na indriyaṁ evaṁ navavidhena rūpakkhandho.