[910] Katame dhammā rūpino cattāro ca mahābhūtā catunnañca
mahābhūtānaṁ upādāya rūpaṁ ime dhammā rūpino. Katame dhammā
arūpino catūsu bhūmīsu kusalaṁ akusalaṁ catūsu bhūmīsu vipāko
tīsu bhūmīsu kiriyābyākataṁ nibbānañca ime dhammā arūpino.

[911] Katame dhammā lokiyā tīsu bhūmīsu kusalaṁ akusalaṁ
tīsu bhūmīsu vipāko tīsu bhūmīsu kiriyābyākataṁ sabbañca rūpaṁ ime
dhammā lokiyā. Katame dhammā lokuttarā cattāro maggā
apariyāpannā cattāri ca sāmaññaphalāni nibbānañca ime dhammā
lokuttarā.

[912] Sabbeva dhammā kenaciviññeyyā kenacinaviññeyyā.
----------------

[913] Katame dhammā āsavā cattāro āsavā kāmāsavo
bhavāsavo diṭṭhāsavo avijjāsavo kāmāsavo aṭṭhasu lobhasahagatesu
cittuppādesu uppajjati bhavāsavo catūsu diṭṭhigatavippayuttalobhasahagatesu
cittuppādesu uppajjati diṭṭhāsavo catūsu diṭṭhigatasampayuttesu
cittuppādesu uppajjati avijjāsavo sabbākusalesu
uppajjati ime dhammā āsavā. Katame dhammā noāsavā
ṭhapetvā āsave avasesaṁ akusalaṁ catūsu bhūmīsu kusalaṁ catūsu
bhūmīsu vipāko tīsu bhūmīsu kiriyābyākataṁ rūpañca nibbānañca
Ime dhammā noāsavā.

[914] Katame dhammā sāsavā tīsu bhūmīsu kusalaṁ akusalaṁ
tīsu bhūmīsu vipāko tīsu bhūmīsu kiriyābyākataṁ sabbañca rūpaṁ
ime dhammā sāsavā. Katame dhammā anāsavā cattāro maggā
apariyāpannā cattāri ca sāmaññaphalāni nibbānañca ime dhammā
anāsavā.

[915] Katame dhammā āsavasampayuttā dve domanassasahagatā
cittuppādā etthuppannaṁ mohaṁ ṭhapetvā vicikicchāsahagataṁ mohaṁ
uddhaccasahagataṁ mohaṁ ṭhapetvā avasesaṁ akusalaṁ ime dhammā āsavasampayuttā.
Katame dhammā āsavavippayuttā dvīsu domanassasahagatesu
cittuppādesu uppanno moho vicikicchāsahagato moho
uddhaccasahagato moho catūsu bhūmīsu kusalaṁ catūsu bhūmīsu vipāko
tīsu bhūmīsu kiriyābyākataṁ rūpañca nibbānañca ime dhammā
āsavavippayuttā.

[916] Katame dhammā āsavācevasāsavāca teva āsavā
āsavācevasāsavāca. Katame dhammā sāsavācevanocāasavā
ṭhapetvā āsave avasesaṁ akusalaṁ tīsu bhūmīsu kusalaṁ tīsu bhūmīsu
vipāko tīsu bhūmīsu kiriyābyākataṁ sabbañca rūpaṁ ime dhammā
sāsavācevanocāasavā. Anāsavā dhammā na vattabbā āsavā-
cevasāsavācātipi sāsavācevanocāasavātipi.

[917] Katame dhammā āsavācevāasavasampayuttāca yattha
dve tayo āsavā ekato uppajjanti ime dhammā āsavā-
cevāasavasampayuttāca. Katame dhammā āsavasampayuttāceva-
nocāasavā ṭhapetvā āsave avasesaṁ akusalaṁ ime dhammā
āsavasampayuttācevanocāasavā. Āsavavippayuttā dhammā na
vattabbā āsavācevāasavasampayuttācātipi āsavasampayuttāceva-
nocāasavātipi.

[918] Katame dhammā āsavavippayuttā sāsavā dvīsu domanassa-
sahagatesu cittuppādesu uppanno moho vicikicchāsahagato moho
uddhaccasahagato moho tīsu bhūmīsu kusalaṁ tīsu bhūmīsu vipāko tīsu
bhūmīsu kiriyābyākataṁ sabbañca rūpaṁ ime dhammā āsavavippayuttā
sāsavā. Katame dhammā āsavavippayuttā anāsavā cattāro maggā
apariyāpannā cattāri ca sāmaññaphalāni nibbānañca ime dhammā
āsavavippayuttā anāsavā. Āsavasampayuttā dhammā na vattabbā
āsavavippayuttā sāsavātipi āsavavippayuttā anāsavātipi.
-------------

[919] Katame dhammā saññojanā dasa saññojanāni kāmarāgasaññojanaṁ
paṭighasaññojanaṁ mānasaññojanaṁ diṭṭhisaññojanaṁ vicikicchāsaññojanaṁ
sīlabbataparāmāsasaññojanaṁ bhavarāgasaññojanaṁ issāsaññojanaṁ
macchariyasaññojanaṁ avijjāsaññojanaṁ kāmarāgasaññojanaṁ
Aṭṭhasu lobhasahagatesu cittuppādesu uppajjati paṭighasaññojanaṁ dvīsu
domanassasahagatesu cittuppādesu uppajjati mānasaññojanaṁ catūsu
diṭṭhigatavippayuttalobhasahagatesu cittuppādesu uppajjati diṭṭhisaññojanaṁ
catūsu diṭṭhigatasampayuttesu cittuppādesu uppajjati vicikicchāsaññojanaṁ
vicikicchāsahagatesu cittuppādesu uppajjati sīlabbataparāmāsasaññojanaṁ
catūsu diṭṭhigatasampayuttesu cittuppādesu uppajjati
bhavarāgasaññojanaṁ catūsu diṭṭhigatavippayuttalobhasahagatesu cittuppādesu
uppajjati issāsaññojanañca macchariyasaññojanañca dvīsu domanassasahagatesu
cittuppādesu uppajjanti avijjāsaññojanaṁ sabbākusalesu
uppajjati ime dhammā saññojanā. Katame dhammā nosaññojanā
ṭhapetvā saññojane avasesaṁ akusalaṁ catūsu bhūmīsu kusalaṁ catūsu
bhūmīsu vipāko tīsu bhūmīsu kiriyābyākataṁ rūpañca nibbānañca
ime dhammā nosaññojanā.