พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน
Abhidhammapiṭake dhammasaṅgaṇi (เล่ม 34)

[280] Katamaṁ tasmiṁ samaye cittaṁ hoti yaṁ tasmiṁ samaye
cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ
viññāṇaṁ viññāṇakkhandho tajjā manoviññāṇadhātu idaṁ tasmiṁ
samaye cittaṁ hoti.

Abhidhammapiṭake dhammasaṅgaṇi (เล่ม 34)

[281] Katamo tasmiṁ samaye vitakko hoti yo tasmiṁ samaye
takko vitakko saṅkappo appanā byappanā cetaso abhiniropanā
Micchāsaṅkappo ayaṁ tasmiṁ samaye vitakko hoti.

Abhidhammapiṭake dhammasaṅgaṇi (เล่ม 34)

[282] Katamo tasmiṁ samaye vicāro hoti yo tasmiṁ samaye
cāro vicāro anuvicāro upavicāro cittassa anusandhanatā anupekkhanatā
ayaṁ tasmiṁ samaye vicāro hoti.

Abhidhammapiṭake dhammasaṅgaṇi (เล่ม 34)

[283] Katamā tasmiṁ samaye pīti hoti yā tasmiṁ samaye
pīti pāmojjaṁ āmodanā pamodanā hāso pahāso vitti odagyaṁ
attamanatā cittassa ayaṁ tasmiṁ samaye pīti hoti.

Abhidhammapiṭake dhammasaṅgaṇi (เล่ม 34)

[284] Katamaṁ tasmiṁ samaye sukhaṁ hoti yaṁ tasmiṁ samaye cetasikaṁ
sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā
sātā sukhā vedanā idaṁ tasmiṁ samaye sukhaṁ hoti.

Abhidhammapiṭake dhammasaṅgaṇi (เล่ม 34)

[285] Katamā tasmiṁ samaye cittassekaggatā hoti yā tasmiṁ
samaye cittassa ṭhiti saṇṭhiti avaṭṭhiti avisāhāro avikkhepo
avisāhaṭamānasatā samatho samādhindriyaṁ samādhibalaṁ micchāsamādhi ayaṁ
tasmiṁ samaye cittassekaggatā hoti.

Abhidhammapiṭake dhammasaṅgaṇi (เล่ม 34)

[286] Katamaṁ tasmiṁ samaye viriyindriyaṁ hoti yo tasmiṁ samaye
cetasiko viriyārambho nikkamo parakkamo uyyāmo vāyāmo ussāho
ussoḷhī thāmo dhiti asithilaparakkamatā anikkhittacchandatā anikkhittadhuratā
dhurasampaggāho viriyaṁ viriyindriyaṁ viriyabalaṁ micchāvāyāmo
idaṁ tasmiṁ samaye viriyindriyaṁ hoti.

Abhidhammapiṭake dhammasaṅgaṇi (เล่ม 34)

[287] Katamaṁ tasmiṁ samaye samādhindriyaṁ hoti yā tasmiṁ samaye
Cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā
samatho samādhindriyaṁ samādhibalaṁ micchāsamādhi idaṁ tasmiṁ
samaye samādhindriyaṁ hoti.

Abhidhammapiṭake dhammasaṅgaṇi (เล่ม 34)

[288] Katamaṁ tasmiṁ samaye manindriyaṁ hoti yaṁ tasmiṁ samaye
cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ
viññāṇaṁ viññāṇakkhandho tajjā manoviññāṇadhātu idaṁ tasmiṁ
samaye manindriyaṁ hoti.

Abhidhammapiṭake dhammasaṅgaṇi (เล่ม 34)

[289] Katamaṁ tasmiṁ samaye somanassindriyaṁ hoti yaṁ tasmiṁ
samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ
cetosamphassajā sātā sukhā vedanā idaṁ tasmiṁ samaye somanassindriyaṁ
hoti.