[160] Tasmiṁ kho pana samaye cattāro khandhā honti dvāyatanāni
honti dve dhātuyo honti tayo āhārā honti aṭṭhindriyāni
honti duvaṅgikaṁ jhānaṁ hoti caturaṅgiko maggo hoti satta balāni
honti tayo hetū honti eko phasso hoti .pe. Ekaṁ
dhammāyatanaṁ hoti ekā dhammadhātu hoti ye vā pana tasmiṁ
Samaye aññepi atthi paṭiccasamuppannā arūpino dhammā ime
dhammā kusalā .pe.

[161] Katamo tasmiṁ samaye saṅkhārakkhandho hoti phasso cetanā
cittassekaggatā saddhindriyaṁ viriyindriyaṁ satindriyaṁ samādhindriyaṁ
paññindriyaṁ jīvitindriyaṁ sammādiṭṭhi sammāvāyāmo .pe.
Paggāho avikkhepo ye vā pana tasmiṁ samaye aññepi atthi
paṭiccasamuppannā arūpino dhammā ṭhapetvā vedanākkhandhaṁ ṭhapetvā
saññākkhandhaṁ ṭhapetvā viññāṇakkhandhaṁ ayaṁ tasmiṁ samaye saṅkhārakkhandho
hoti .pe. Ime dhammā kusalā.
Pañcakanayo.

[162] Katame dhammā kusalā yasmiṁ samaye rūpūpapattiyā
maggaṁ bhāveti vivicceva kāmehi .pe. Paṭhamaṁ jhānaṁ upasampajja
viharati dukkhāpaṭipadaṁ dandhābhiññaṁ paṭhavīkasiṇaṁ tasmiṁ samaye phasso
hoti .pe. Avikkhepo hoti .pe. Ime dhammā kusalā.

[163] Katame dhammā kusalā yasmiṁ samaye rūpūpapattiyā
maggaṁ bhāveti vivicceva kāmehi .pe. Paṭhamaṁ jhānaṁ upasampajja
viharati dukkhāpaṭipadaṁ khippābhiññaṁ paṭhavīkasiṇaṁ tasmiṁ samaye phasso
hoti .pe. Avikkhepo hoti .pe. Ime dhammā kusalā.

[164] Katame dhammā kusalā yasmiṁ samaye rūpūpapattiyā
maggaṁ bhāveti vivicceva kāmehi .pe. Paṭhamaṁ jhānaṁ upasampajja
Viharati sukhāpaṭipadaṁ dandhābhiññaṁ paṭhavīkasiṇaṁ tasmiṁ samaye phasso
hoti .pe. Avikkhepo hoti .pe. Ime dhammā kusalā.

[165] Katame dhammā kusalā yasmiṁ samaye rūpūpapattiyā
maggaṁ bhāveti vivicceva kāmehi .pe. Paṭhamaṁ jhānaṁ upasampajja
viharati sukhāpaṭipadaṁ khippābhiññaṁ paṭhavīkasiṇaṁ tasmiṁ samaye phasso
hoti .pe. Avikkhepo hoti .pe. Ime dhammā kusalā.

[166] Katame dhammā kusalā yasmiṁ samaye rūpūpapattiyā
maggaṁ bhāveti vitakkavicārānaṁ vūpasamā .pe. Dutiyaṁ jhānaṁ .pe.
Tatiyaṁ jhānaṁ .pe. Catutthaṁ jhānaṁ .pe. Paṭhamaṁ jhānaṁ .pe.
Pañcamaṁ jhānaṁ upasampajja viharati dukkhāpaṭipadaṁ dandhābhiññaṁ paṭhavīkasiṇaṁ
.pe. Dukkhāpaṭipadaṁ khippābhiññaṁ paṭhavīkasiṇaṁ .pe. Sukhāpaṭipadaṁ
dandhābhiññaṁ paṭhavīkasiṇaṁ .pe. Sukhāpaṭipadaṁ khippābhiññaṁ
paṭhavīkasiṇaṁ tasmiṁ samaye phasso hoti .pe. Avikkhepo hoti
.pe. Ime dhammā kusalā.
Catasso paṭipadā.

[167] Katame dhammā kusalā yasmiṁ samaye rūpūpapattiyā
maggaṁ bhāveti vivicceva kāmehi .pe. Paṭhamaṁ jhānaṁ upasampajja
viharati parittaṁ parittārammaṇaṁ paṭhavīkasiṇaṁ tasmiṁ samaye phasso
hoti .pe. Avikkhepo hoti .pe. Ime dhammā kusalā.

[168] Katame dhammā kusalā yasmiṁ samaye rūpūpapattiyā
Maggaṁ bhāveti vivicceva kāmehi .pe. Paṭhamaṁ jhānaṁ upasampajja
viharati parittaṁ appamāṇārammaṇaṁ paṭhavīkasiṇaṁ tasmiṁ samaye phasso
hoti .pe. Avikkhepo hoti .pe. Ime dhammā kusalā.

[169] Katame dhammā kusalā yasmiṁ samaye rūpūpapattiyā
maggaṁ bhāveti vivicceva kāmehi .pe. Paṭhamaṁ jhānaṁ upasampajja
viharati appamāṇaṁ parittārammaṇaṁ paṭhavīkasiṇaṁ tasmiṁ samaye phasso
hoti .pe. Avikkhepo hoti .pe. Ime dhammā kusalā.