[1204] Evaṁ bhāvitesu kho bhikkhave bhikkhu catūsu iddhipādesu
evaṁ bahulīkatesu āsavānaṁ khayā anāsavaṁ cetovimuttiṁ paññāvimuttiṁ
diṭṭheva dhamme sayaṁ abhiññā sacchikatvā upasampajja viharatīti.
(chapi abhiññāyo vitthāretabbā).
Pāsādakampanavaggo dutiyo.
Imassa vaggassa uddānaṁ
pubbe 1 mahapphalā chando moggallāno ca brāhmaṇo
dve samaṇabrāhmaṇābhi desanā vibhaṅgena cāti.
----------------
1 Ma. pubbaṁ mahapphalaṁ chandaṁ moggallānañca unnābhaṁ
dve samaṇabrāhmaṇā bhikkhu desanā vibhaṅgena cāti.
Ayoguḷavaggo tatiyo

[1205] Sāvatthiyaṁ. Pubbe me bhikkhave sambodhā anabhisambuddhassa
bodhisattasseva sato etadahosi ko nu kho maggo
kā paṭipadā iddhipādabhāvanāyāti. Tassa mayhaṁ bhikkhave etadahosi
so 1 bhikkhu chandasamādhipadhānasaṅkhārasamannāgataṁ iddhipādaṁ bhāveti iti
me chando na ca atilīno bhavissati na ca atipaggahito bhavissati
na ca ajjhattaṁ saṅkhitto bhavissati na ca bahiddhā vikkhitto
bhavissati pacchāpure saññī ca viharati yathā pure tathā pacchā
yathā pacchā tathā pure yathā adho tathā uddhaṁ yathā uddhaṁ tathā
adho yathā divā tathā rattiṁ yathā rattiṁ tathā divā iti vivaṭena
cetasā apariyonaddhena sappabhāsaṁ cittaṁ bhāveti. Viriyasamādhi cittasamādhi
vīmaṁsāsamādhipadhānasaṅkhārasamannāgataṁ iddhipādaṁ bhāveti iti
me vīmaṁsā na ca atilīnā bhavissati na ca atipaggahitā bhavissati
na ca ajjhattaṁ saṅkhittā bhavissati na ca bahiddhā vikkhittā
bhavissati pacchāpure saññī ca viharati yathā pure tathā pacchā
yathā pacchā tathā pure yathā adho tathā uddhaṁ yathā uddhaṁ
tathā adho yathā divā tathā rattiṁ yathā rattiṁ tathā divā iti
vivaṭena cetasā apariyonaddhena sappabhāsaṁ cittaṁ bhāveti.

[1206] Evaṁ bhāvitesu kho bhikkhave bhikkhu catūsu iddhipādesu
1 Ma. idha.
Evaṁ bahulīkatesu anekavihitaṁ iddhividhaṁ paccanubhoti ekopi hutvā
bahudhā hoti bahudhāpi hutvā eko hoti .pe. Yāva brahmalokāpi
kāyena vasaṁ vatteti.

[1207] Evaṁ bhāvitesu kho bhikkhave bhikkhu catūsu iddhipādesu
evaṁ bahulīkatesu āsavānaṁ khayā anāsavaṁ cetovimuttiṁ paññāvimuttiṁ
diṭṭheva dhamme sayaṁ abhiññā sacchikatvā upasampajja viharatīti.
(chapi abhiññāyo vitthāretabbā).

[1208] Sāvatthiyaṁ. Atha kho āyasmā ānando yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Ekamantaṁ nisinno kho āyasmā ānando bhagavantaṁ etadavoca
abhijānāti nu kho bhante bhagavā iddhiyā manomayena kāyena
brahmalokaṁ upasaṅkamitāti. Abhijānāmi khvāhaṁ ānanda iddhiyā
manomayena kāyena brahmalokaṁ upasaṅkamitāti. Abhijānāti [1]- pana
bhante bhagavā iminā cātummahābhūtikena kāyena iddhiyā brahmalokaṁ
upasaṅkamitāti. Abhijānāmi khvāhaṁ ānanda iminā cātummahābhūtikena
kāyena iddhiyā brahmalokaṁ upasaṅkamitāti.

[1209] Yaṁ ca kho omāti 2 bhante bhagavā iddhiyā manomayena
kāyena brahmalokaṁ upasaṅkamitā yaṁ ca kho abhijānāti bhante
bhagavā iminā cātummahābhūtikena kāyena iddhiyā brahmalokaṁ upasaṅkamitā
1 Yu. kho. 2 Sī. oppāti. Yu. opapātiha.
Tayidaṁ bhante bhagavato acchariyañceva abbhutañcāti.
Acchariyā ceva ānanda tathāgatā acchariyadhammasamannāgatā ca
abbhutā ceva ānanda tathāgatā abbhutadhammasamannāgatā ca.

[1210] Yasmiṁ ānanda samaye tathāgato kāyampi citte samādahati 1
cittampi kāye samādahati sukhasaññañca lahusaññañca kāye
okkamitvā viharati tasmiṁ ānanda samaye tathāgatassa kāyo
lahutaro ceva hoti mudutaro ca kammaniyataro ca pabhassarataro ca.

[1211] Seyyathāpi ānanda ayoguḷo divasaṁ santatto lahutaro
ceva hoti mudutaro ca kammaniyataro ca pabhassarataro ca. Evameva
kho ānanda yasmiṁ samaye tathāgato kāyampi citte samādahati
cittampi kāye samādahati sukhasaññañca lahusaññañca kāye
okkamitvā viharati tasmiṁ ānanda samaye tathāgatassa kāyo
lahutaro ceva hoti mudutaro ca kammaniyataro ca pabhassarataro ca.

[1212] Yasmiṁ ānanda samaye tathāgato kāyampi citte samādahati
cittampi kāye samādahati sukhasaññañca lahusaññañca kāye
okkamitvā viharati tasmiṁ ānanda samaye tathāgatassa kāyo
appakasireneva paṭhaviyā vehāsaṁ abbhuggacchati. So anekavihitaṁ
iddhividhaṁ paccanubhoti ekopi hutvā bahudhā hoti bahudhāpi hutvā
eko hoti .pe. Yāva brahmalokāpi kāyena vasaṁ vatteti.
1 Sī. evaṁ. Ma. samodahati. evamupari.

[1213] Seyyathāpi ānanda tūlapicu vā kappāsapicu vā lahuko
dhātupādāno appakasireneva paṭhaviyā vehāsaṁ abbhuggacchati.
Evameva kho ānanda yasmiṁ samaye tathāgato kāyampi citte
samādahati cittampi kāye samādahati sukhasaññañca lahusaññañca
kāye okkamitvā viharati .pe.